Pooja Hegde: ఆ స్టార్ హీరోలతో మళ్లీ కలసి పనిచేయాలని ఉంది: పూజా హెగ్డే

టాలీవుడ్ స్టార్ హీరోయిన్ పూజా హెగ్డే ఇటీవల ఓ ఇంటర్వ్యూలో పాల్గొంది. ఈ సందర్భంగా తన కో స్టార్స్ ఎన్టీఆర్, అల్లు అర్జున్ ల గురించి చెప్పుకొచ్చింది. ప్రస్తుతం పూజా వ్యాఖ్యలు నెట్టింట వైరల్ అవుతున్నాయి. 

Image Credit:Pooja Hegde/Instagram

టాలీవుడ్ స్టార్ హీరోయిన్ పూజా హెగ్డే బాలీవుడ్ లో రీసెంట్ గా నటించిన సినిమా ‘కిసీ కా భాయ్ కిసీ కీ జాన్’. సల్మాన్ ఖాన్ ఈ మూవీలో హీరో. ఈ మూవీ త్వరలోనే విడుదల కానుంది. ప్రస్తుతం మూవీ టీమ్ ప్రమోషన్స్ లో ఫుల్ బిజీ గా ఉంది. పూజా హెగ్డే కూడా పలు కార్యక్రమాలు, ఇంటర్వ్యూలలో పాల్గొంటుంది. తాజాగా ఓ ఇంటర్వ్యూలో పాల్గొంది. ఈ సందర్భంగా తన సినిమా కెరీర్ గురించి పలు ఆసక్తికర విషయాలను వెల్లడించింది. తన కో స్టార్స్ ఎన్టీఆర్, అల్లు అర్జున్ ల గురించి చెప్పుకొచ్చింది. 

తారక్ ఎనర్జీ లెవల్స్ సూపర్: పూజా హెగ్డే

పూజా హెగ్డే గతంలో జూనియర్ ఎన్టీఆర్ తో ‘అరవింద సమేత వీర రాఘవ’ వంటి సినిమాల్లో నటించింది. అయితే వీరితో కలసి పనిచేసేటపుడు ఎలా ఉంది అనే ప్రశ్నలపై పూజా సమాధానమిచ్చింది. ఎన్టీఆర్ గురించి మాట్లాడుతూ.. తారక్, వృత్తి విషయంలో చాలా నిబద్దతతో ఉంటాడని చెప్పింది. సెట్స్ లో ఎంతో ఎనర్జీగా ఉంటాడని, అసలు కూర్చోవడానికి ఇష్టపడడని చెప్పింది. అలాగే భాష పై కూడా తారక్ కు మంచి పట్టు ఉందని, అందుకే ఒకే టేక్ లో డైలాగ్ ను పూర్తి చేస్తాడని పేర్కొంది. తాను మాత్రం ఒక్కోసారి డైలాగ్స్ చెప్పడానికి చాలా కష్టపడేదాన్ని అని నవ్వుతూ చెప్పింది. 

బన్నీ కూడా ఎంతో సరదాగా ఉంటాడు..

అల్లు అర్జున్ తో తాను రెండు సినిమాలు చేశానని చెప్పింది పూజా. ఒకటి ‘డీజే’, ‘అల వైకుంఠపురములో’. ఈ రెండు సినిమాలు కూడా మంచి హిట్ ను అందుకున్నాయని తెలిపింది. అల్లు అర్జున్ తో వర్క్ గురించి మాట్లాడుతూ.. బన్నీ తో వర్క్ చాలా సరదాగా ఉంటుందని చెప్పుకొచ్చింది. ముఖ్యంగా పారిస్ లో ‘సామజవరగమనా’ పాట షూటింగ్ సమయంలో సెట్స్ లో సరదాగా గడిపిన క్షణాలు తనకు ఇప్పటికీ గుర్తున్నాయని ఆ షూటింగ్ చాలా ఫన్నీగా సాగిందని చెప్పుకొచ్చింది పూజా.

అలాగే భవిష్యత్తులో మళ్లీ వీరితో కలసి పని చేసే అవకాశాలు ఉన్నాయా అనే ప్రశ్నకు బదులిచ్చింది పూజా. వారితో మళ్లీ కలసి పనిచేసే ఛాన్స్ వస్తుందని ఆశిస్తున్నానని చెప్పింది. తాను ఇప్పుడు మహేష్ బాబుతో రెండో సినిమా చేస్తున్నానని అలాగే వారితో కూడా కలసి పనిచేసే అవకాశం రావచ్చేమోనని వ్యాఖ్యానించింది. ఇక త్రివిక్రమ్ మహేష్ బాబు కాంబోలో వస్తోన్న సినిమాలో పూజా హీరోయిన్ గా నటిస్తోంది. గతంలో త్రివిక్రమ్ సినిమాలో నటించిన పూజాతో పోలిస్తే ఈ సినిమాలో తన పాత్ర చాలా భిన్నంగా ఉంటుందని చెప్పింది పూజా. ఇంతకు ముందు ఎప్పుడూ చూడని క్యారెక్టర్ లో పూజా నటిస్తోందట. మరి ఈ మూవీలో ఆమె పాత్ర ఎలా ఉంటుంది అనేదానిపై ఆమె అభిమానులు ఉత్కంఠగా ఎదురు చూస్తున్నారు. ఇప్పటికే ఈ సినిమా షూటింగ్ శరవేగంగా జరుగుతోంది. త్వరలోనే మూవీకి సంబంధించిన వివరాలను వెల్లడించనున్నారు మేకర్స్. మరోవైపు పూజా బాలీవుడ్ లో నటించిన ‘కిసీ కా భాయ్ కిసీ కీ జాన్’ మూవీ ఏప్రిల్ 21 న విడుదల కానుంది.