iBomma : iBOMMA, Bappamలో కొత్త మూవీస్ - పోలీసుల వార్నింగ్
iBOMMA Case : మూవీ పైరసీ సైట్స్ iBOMMA, Bappam tv కేసులో పోలీసులకు కీలక ఆధారం లభ్యమైంది. ఐపీ అడ్రస్ ఆధారంగా విదేశాల్లో మూలాలు ఉన్నట్లు సైబర్ అధికారులు గుర్తించారు.
Police Found Clue In iBOMMA Bappam Websites Case : మూవీ పైరసీ వెబ్ సైట్స్ iBOMMA, Bappam TV మళ్లీ ఆన్ లైన్లో ప్రత్యక్షమైన సంగతి తెలిసిందే. గతంలో iBOMMA సైట్ నిర్వాహకుడు ఇమ్మడి రవి అరెస్ట్తో సినీ ఇండస్ట్రీ ఊపిరి పీల్చుకుంది. అయితే, మళ్లీ ఈ సైట్ రావడం సినీ పెద్దల్లో ఆందోళన కలిగించింది. తాజాగా, పోలీసులు iBOMMA కేసులో కీలక క్లూ లభించింది.
అలా సైట్లోకి సినిమాలు
బ్లాగ్ స్పాట్ ద్వారా కొత్త సినిమాలు iBOMMA, Bappam సైట్లలో అప్లోడ్ చేసినట్లు సైబర్ క్రైమ్ పోలీసులు గుర్తించారు. దీనిపై కేసు నమోదు చేసిన అధికారులు విచారణ ముమ్మరం చేశారు. ఐపీ అడ్రస్ ఆధారంగా సైట్ మూలాలు ట్రేస్ చేయగా... విదేశాల్లో ఉన్నట్లు తెలుస్తోంది. పూర్తి వివరాలు తెలియజేయాలంటూ గూగుల్ సంస్థను సంప్రదించినట్లు తెలుస్తోంది.
Also Read : నాగార్జునకు వెరీ వెరీ స్పెషల్ - ఫస్ట్ సినిమా విక్రమ్, ANR లాస్ట్ మూవీ మనం ఇవాలే రిలీజ్
పైరసీ సైట్ ఓపెన్ చేస్తే...
కొత్త మూవీస్ కోసం iBOMMA, Bappam tv వెబ్సైట్స్ ఓపెన్ చేస్తే... మన వ్యక్తిగత సమాచారం సైబర్ నేరగాళ్ల చేతిలోకి వెళ్లిపోతుందని చెబుతున్నారు పోలీసులు. పైరసీ సైట్స్ ఓపెన్ చెయ్యొద్దని హెచ్చరిస్తున్నారు. సైట్ ఓపెన్ చేసి I Agree క్లిక్ చేస్తే... మన ఫోటోస్, పర్సనల్ డేటాతో పాటు సెన్సిటివ్ సమాచారం కూడా యాక్సెస్ చేసేందుకు ఛాన్స్ ఇచ్చినట్లేనని చెబుతున్నారు.
దీంతో పాటే ఇల్లీగల్ బెట్టింగ్ యాప్స్, లోన్ యాప్స్ ప్రమోషన్స్ యాడ్ రూపంలో కనిపిస్తాయని... వాటిపై క్లిక్ చేసినా వెరీ డేంజర్ అంటూ హెచ్చరిస్తున్నారు. ఓపెన్ చేసేది ఒకే పేజ్ అయినా బ్యాగ్రౌండ్లో మనకు తెలియకుండానే ఎన్నో పేజీలు ఓపెన్ అవుతాయని వార్నింగ్ ఇస్తున్నారు. పైరసీ సైట్స్ జోలికి వెళ్లొద్దని సూచిస్తున్నారు. కొత్త సినిమాలు థియేటర్లలో లేదా అఫీషియల్ ఓటీటీల్లోనే చూడాలని చెబుతున్నారు.
Also Read : లెనిన్ ఎవరిని వెతుక్కుంటూ వచ్చాడు - అఖిల్ అక్కినేని స్పెషల్ డే
Before You Go
Illu Illalu Pillalu Serial Actor Sai Kumar Kola | సీరియల్ నటుడు సాయి కుమార్ కోలా రియల్ లైఫ్
టాప్ హెడ్ లైన్స్
ట్రెండింగ్ వార్తలు
