Pawan Kalyan : పొలిటికల్ థ్రిల్లర్‌కు పవన్ కల్యాణ్ గ్రీన్ సిగ్నల్? - డైరెక్టర్ ఎవరో తెలుసా!

Deva Katta Pawan Kalyan : పవర్ స్టార్ పవన్ కల్యాణ్ మరో క్రేజీ ప్రాజెక్టుకు గ్రీన్ సిగ్నల్ ఇచ్చినట్లు ప్రచారం సాగుతోంది. పొలిటికల్ థ్రిల్లర్‌గా ఈ మూవీ రానుందని సమాచారం.

పొలిటికల్ థ్రిల్లర్‌కు పవన్ కల్యాణ్ గ్రీన్ సిగ్నల్

Source : https://www.instagram.com/p/C8WMx-9v9qH/

Director Deva Katta Pawan Kalyan For Political Drama : పవర్ స్టార్ పవన్ కల్యాణ్ 'ఉస్తాద్ భగత్ సింగ్' ప్రస్తుతం థియేటర్లలో సందడి చేస్తోంది. ఏపీ డిప్యూటీ సీఎంగా బాధ్యతలు స్వీకరించిన తర్వాత తీరక వేళల్లో షూటింగ్‌లో పాల్గొంటూ మూవీస్ చేస్తున్నారు పవన్. ఆయన తాజాగా మరో డైరెక్టర్‌తో మూవీ చేసేందుకు గ్రీన్ సిగ్నల్ ఇచ్చారనే ప్రచారం సాగుతోంది. అది కూడా పొలిటికల్ హీట్ పెంచేలా పొలిటికల్ థ్రిల్లర్ జానర్‌లో అని తెలుస్తోంది.

డైరెక్టర్ ఎవరంటే?

'వెన్నెల' వంటి యూత్ కామెడీ ఎంటర్టైనర్‌తో ఇండస్ట్రీలోకి ఎంట్రీ ఇచ్చి తనకంటూ ఓ స్పెషల్ క్రేజ్ సంపాదించుకున్న డైరెక్టర్ దేవా కట్టా. పొలిటికల్ బ్యాక్ డ్రాప్‌ అంశాలతో సివిల్ సర్వెంట్, సామాజిక అంశాలు ప్రాధాన్యంగా డిఫరెంట్ కాన్సెప్ట్స్‌తో ఆయన మూవీస్ చేస్తుంటారు. ప్రస్థానం, ఆటోనగర్ సూర్య, రిపబ్లిక్ మూవీస్‌తో పాపులర్ అయ్యారు. రీసెంట్‌గా 'మయసభ' అనే పొలిటికల్ థ్రిల్లర్ సిరీస్‌కు షో రన్నర్‌గానూ వ్యవహరించారు.

ప్రస్తుతం యావత్ సినీ ప్రపంచం ఎంతో ఆసక్తిగా ఎదురుచూస్తోన్న మహేశ్, రాజమౌళి కాంబో 'వారణాసి'కి డైలాగ్స్ అందిస్తున్నారు దేవా కట్టా. ఈ క్రమంలోనే పవన్ ఆయనతో మూవీకి ఓకే చెప్పారని టాక్ వినిపిస్తోంది. పవన్ కోసం ఓ పవర్ ఫుల్ సబ్జెక్ట్ రెడీ చేశారని సమాచారం. త్వరలోనే ఇది ట్రాక్ ఎక్కే ఛాన్స్ ఉన్నట్లు తెలుస్తోంది. 

బిగ్ హైప్... ఫ్యాన్స్ ఖుష్

పవన్ కల్యాణ్ అంటేనే పొలిటికల్ ప్రభంజనం. గత  ఎన్నికల్లో 100 శాతం స్టైక్ రేట్‌తో చారిత్రాత్మక విజయాన్ని అందుకుని ఏపీ డిప్యూటీ సీఎంగా బాధ్యతలు స్వీకరించారు. ఆయనతో పొలిటికల్ థ్రిల్లర్ అంటే బిగ్ హైప్ క్రియేట్ అవుతోంది. దేవా కట్టా ఎలాంటి స్టోరీ ఆయనతో చేయబోతున్నారో అనే ఆసక్తి పవర్ స్టార్ ఫ్యాన్స్‌లో నెలకొంది. మరి ఈ ప్రాజెక్టు కన్ఫర్మా? కాదా? అనేది త్వరలోనే క్లారిటీ రానుంది.

వచ్చే నెల నుంచి...

ఉస్తాద్ భగత్ సింగ్ తర్వాత పవన్ కల్యాణ్ నెక్స్ట్ మూవీ ఏప్రిల్ నుంచి ట్రాక్ ఎక్కనుందనే ప్రచారం సాగుతోంది. పవన్ హీరోగా సురేందర్ రెడ్డి దర్శకత్వంలో ఓ మూవీ ఇప్పటికే అనౌన్స్ చేసిన సంగతి తెలిసిందే. పవర్ స్టార్‌కు ఇది 32వ సినిమా కాగా... వక్కంతం వంశీ స్టోరీ అందిస్తున్నారు. జైత్ర రామ మూవీస్ బ్యానర్‌పై రామ్ తాళ్లూరి దీన్ని నిర్మిస్తున్నారు. 

మరిన్ని చదవండి

ఓటీటీలోకి సుహాస్ కామెడీ ఎంటర్టైనర్ హే బల్వంత్ - ఎప్పుడు, ఎందులో స్ట్రీమింగ్ అంటే?