Pawan Kalyan - Harish Shankar : పవన్ కళ్యాణ్ ఫ్యాన్స్ డౌట్స్ తీర్చిన హరీష్ శంకర్
ఏపీలో రాజకీయ పరిస్థితుల నేపథ్యంలో పవన్ కళ్యాణ్ హీరోగా నటిస్తున్న సినిమాల షూటింగులకు బ్రేక్స్ పడతాయా? అని అభిమానుల్లో కూడా సందేహాలు నెలకొన్నాయి. వాటికి దర్శకుడు హరీష్ శంకర్ బ్రేక్స్ వేశారు.
ఏపీలో తాజా రాజకీయ పరిస్థితుల (AP Politics Latest Updates) గురించి తెలుగు ప్రజలకు ప్రత్యేకంగా చెప్పాల్సిన అవసరం లేదు. మాజీ ముఖ్యమంత్రి నారా చంద్రబాబు నాయుడు (Chandrababu Naidu Arrest) అరెస్ట్, తర్వాత జరుగుతున్న పరిణామాలను ప్రతి ఒక్కరూ గమనిస్తున్నారు. ఏపీ రాజకీయాల్లో జనసేన పార్టీ క్రియాశీలకంగా వ్యవహరిస్తోంది. చంద్రబాబు అరెస్టుపై జనసేనాని, తెలుగు చలన చిత్ర పరిశ్రమలోని అగ్ర కథానాయకులలో ఒకరైన పవర్ స్టార్ పవన్ కళ్యాణ్ (Pawan Kalyan) స్పందించిన విషయం కూడా తెలుసు.
రాజమండ్రి జైలులో ఉన్న చంద్రబాబుతో పవన్ కళ్యాణ్ సమావేశం గురించి కూడా ప్రజలకు, ప్రేక్షకులకు తెలుసు. రాజకీయాల్లో పవన్ బిజీ బిజీ అవుతుంటే? ఆయన హీరోగా నటిస్తున్న సినిమాల సంగతి ఏమిటి? ఆయా షూటింగులకు బ్రేకులు తప్పవా? అభిమానుల్లో అనేక సందేహాలు నెలకొన్నాయి. 'ఉస్తాద్ భగత్ సింగ్' (Ustaad Bhagat Singh) చిత్ర దర్శకుడు హరీష్ శంకర్ చెక్ పెట్టారు. ఫోటోలతో సమాధానాలు ఇచ్చారు.
'ఉస్తాద్' షూటింగ్ ఆగడం లేదు
పవన్ కళ్యాణ్ కథానాయకుడిగా ఆయన వీరాభిమానులలో ఒకరైన హరీష్ శంకర్ దర్శకత్వం వహిస్తున్న సినిమా 'ఉస్తాద్ భగత్ సింగ్'. ఇటీవల హైదరాబాద్ సిటీలో లేటెస్ట్ షెడ్యూల్ మొదలైంది. ఆ తర్వాత ఏపీలో రాజకీయ పరిస్థితులు ఒక్కసారిగా మారిపోయాయి. జనసేన పార్టీ సమావేశాలకు హాజరు కావడానికి పవన్ కళ్యాణ్ కూడా మంగళగిరి వెళ్లడంతో షూటింగుకు బ్రేకులు పడ్డాయని చాలా మంది భావించారు. అయితే... హరీష్ శంకర్ పక్కాగా షెడ్యూల్స్ ప్లాన్ చేయడంతో బ్రేక్స్ పడటం లేదని తెలుస్తోంది.
పవన్ పొలిటికల్ షెడ్యూల్స్, షూటింగ్ షెడ్యూల్ క్లాష్ కాకుండా హరీష్ శంకర్ 'ఉస్తాద్ భగత్ సింగ్' షూటింగ్ చేస్తున్నారని యూనిట్ వర్గాలు చెబుతున్నాయి. పవన్ లేనప్పుడు... ఆయన అవసరం లేని సన్నివేశాలను పూర్తి చేస్తున్నారట. పవన్ అందుబాటులోకి వచ్చినప్పుడు... ఆయనతో పాటు ఇతర తారాగణం మీద సన్నివేశాలను తెరకెక్కిస్తున్నారు. బుధవారం పవన్, ఇతర ఆర్టిస్టుల మీద సీన్స్ తీశారు. ఆ స్టిల్స్ విడుదల చేశారు. అభిమాన కథానాయకుడితో దిగిన ఫోటోలను సోషల్ మీడియాలో షేర్ చేసిన హరీష్ శంకర్ 'వన్ అండ్ ఓన్లీ పవన్ కళ్యాణ్ తో అన్ కండిషనల్ బాండ్ ఉన్నప్పుడు ఇంతకంటే ఏం అడగగలను' అని పేర్కొన్నారు. ఇప్పటివరకు 40 శాతం చిత్రీకరణ చేశారట.
Also Read : విజయ్ 'లియో'కి ఆ దేశంలో నో కట్స్ - మరి, మన దేశంలో?
What more can i ask for when i share an unconditional bond with One and only @PawanKalyan 😍😍 https://t.co/2z4YdzQpDK pic.twitter.com/jV52Jhfans
— Harish Shankar .S (@harish2you) September 13, 2023
'ఉస్తాద్ భగత్ సింగ్' సినిమాను మైత్రీ మూవీ మేకర్స్ పతాకంపై నవీన్ యెర్నేని, రవిశంకర్ యలమంచిలి నిర్మిస్తున్నారు. ఈ చిత్రంలో పవన్ కళ్యాణ్ సరసన శ్రీ లీల ఓ కథానాయికగా నటిస్తున్నారు. మరో కథానాయికగా అఖిల్ అక్కినేని 'ఏజెంట్', వరుణ్ తేజ్ 'గాండీవధారి అర్జున' సినిమాల ఫేమ్ సాక్షి వైద్య నటిస్తున్నారు. ఈ సినిమాకు ఆనంద్ సాయి ఆర్ట్ డైరెక్టర్.
Also Read : రియల్ లైఫ్లో హీరో హీరోయిన్కు పెళ్లైంది - అశోక్ సెల్వన్ భార్య ఎవరో తెలుసా?
'ఉస్తాద్ భగత్ సింగ్' కాకుండా సుజీత్ దర్శకత్వంలో 'ఓజీ', క్రిష్ జాగర్లమూడి దర్శకత్వంలో 'హరి హర వీరమల్లు' సినిమాలు చేస్తున్నారు పవన్ కళ్యాణ్. ఆ తర్వాత సురేందర్ రెడ్డి దర్శకత్వంలో రామ్ తాళ్ళూరి నిర్మించే సినిమా కూడా చేయాల్సి ఉంది.
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
