Pawan Kalyan: పవన్ కల్యాణ్ ఓ పొలిటికల్ తుపాన్ - సూపర్ స్టార్ పోస్టుకు పవర్ స్టార్ రియాక్షన్

Rajinikanth Pawan Kalyan: పవర్ స్టార్ పవన్ ఓ తుపాన్ అంటూ తమిళ సూపర్ స్టార్ రజినీకాంత్ ప్రశంసలు కురిపించారు. దీనికి రియాక్ట్ అయిన పవన్ మీ అభిమానానికి ఎల్లప్పుడూ కృతజ్ఞుడినేనని అన్నారు.

రజినీ ట్వీట్‌కు పవన్ రియాక్షన్

Source : https://x.com/

Pawan Kalyan Tweet About Rajinikanth Post: తమిళ సూపర్ స్టార్, తలైవా రజినీకాంత్ సినీ ఇండస్ట్రీలోకి వచ్చి 50 ఏళ్లు పూర్తైన సందర్భంగా పీఎంతో సహా పలువురు రాజకీయ సినీ ప్రముఖులు విషెష్ చెప్పారు. పవర్ స్టార్ పవన్ కల్యాణ్ కూడా రజినీకి శుభాకాంక్షలు తెలిపారు. దీనిపై రియాక్ట్ అయిన తలైవా... పవన్ ఓ పొలిటికల్ తుపాన్ అంటూ ప్రశంసలు కురిపించారు. ఈ ట్వీట్‌కు పవన్ సైతం రియాక్ట్ అయ్యారు. ఈ పోస్టులు ప్రస్తుతం సోషల్ మీడియాలో వైరల్ అవుతున్నాయి.

గౌరవంగా భావిస్తున్నా...

పవన్ విషెష్‌కు రియాక్ట్ అయిన తలైవా ఆదివారం సోషల్ మీడియా వేదికగా పోస్ట్ పెట్టారు. 'ఏపీ డిప్యూటీ సీఎం, నా సోదరుడు పొలిటికల్ తుపాన్ పవన్ కల్యాణ్ గారు... ప్రేమతో మీరు చెప్పిన విషెష్‌కు ఉప్పొంగిపోయాను. దీన్ని ఓ గౌరవంగా భావిస్తున్నా. మీకు నా హృదయపూర్వక ధన్యవాదాలు.' అంటూ రాసుకొచ్చారు.

పవన్ రియాక్షన్

ఈ ట్వీట్‌కు పవర్ స్టార్ పవన్ కల్యాణ్ రియాక్ట్ అయ్యారు. 'బిగ్ బ్రదర్ రజినీకాంత్... మీ అభిమానం, ఆశీస్సులకు ఎల్లప్పుడూ కృతజ్ఞుడినే. మీ మాటలు నా హృదయాన్ని తాకాయి. మీరు మరిన్ని విజయాలు అందుకోవాలని, ఎప్పుడూ ఆరోగ్యంగా ఉండాలని ఆకాంక్షిస్తున్నా.' అంటూ ట్వీట్ చేశారు. ఒకరు సూపర్ స్టార్, మరొకరు పవర్ స్టార్... సోషల్ మీడియా వేదికగా ఒకరిపై ఒకరు చూపించుకునే అభిమానం ఫ్యాన్స్ అందరి దృష్టిని ఆకర్షిస్తోంది.

Respected Sir and Big Brother , Thiru @rajinikanth Avl, I am truly grateful for your affectionate words and blessings. I cherish them in my heart with the deepest respect and gratitude.May your path of enlightenment continues with glory , success and good health. https://t.co/uqffZGsLRH

— Pawan Kalyan (@PawanKalyan) August 17, 2025

తరాలు మారుతున్నా...

సిల్వర్ స్క్రీన్‌పై సూపర్ స్టార్ రజిని టైటిల్ కనిపించగానే థియేటర్స్ ఎలా దద్దరిల్లుతాయో తాను చెన్నైలో చూశానని... తరాలు మారుతున్నా సినీ ప్రియుల్లో ఆ ఆనందోత్సాహాల వన్నె తగ్గలేదని పవన్ అన్నారు. తలైవా 50 ఏళ్ల సినీ ప్రస్థానంపై ఆయన స్పెషల్ ట్వీట్ చేశారు. 'ఆ స్థాయి ఫ్యాన్స్‌ను దక్కించుకున్న సూపర్ స్టార్ రజినీకాంత్. నటుడిగా 5 దశాబ్దాల ప్రస్థానాన్ని పూర్తి చేసుకున్నారు. ఆయన సినీ ప్రయాణం ఎందరికో స్ఫూర్తి.

ఏ రోల్ అయినా తనదైన స్టైల్ చూపించి ఆడియన్స్‌‌లో చెరగని ముద్ర వేశారు. ఆయన నడకలో స్టైల్, డైలాగ్ డెలివరీ అన్నింటిలోనూ ఓ ప్రత్యేకత చూపిస్తారు. మహావతార్ బాబాజీ భక్తుడిగా ఆధ్యాత్మిక విషయాలపై, యోగా సాధనపై ప్రత్యేక శ్రద్ధ చూపడంలో ఆయన భక్తి భావాన్ని, ధార్మిక విషయాలను తెలియజేస్తుంది. ఆయనకు సంపూర్ణ ఆయురారోగ్యాలు సుఖసంతోషాలు అందించాలని భగవంతున్ని ప్రార్థిస్తున్నా.' అంటూ ట్వీట్ చేశారు. కాగా... ప్రస్తుతం రజినీకాంత్ 'కూలీ' మూవీ థియేటర్లలో సందడి చేస్తోంది. లోకేశ్ కనగరాజ్ దర్శకత్వం వహించిన ఈ మూవీలో నాగార్జున విలన్ రోల్ పోషించారు. సత్యరాజ్, శ్రుతిహాసన్, ఉపేంద్ర, సౌబిన్ షాహిర్ కీలక పాత్రలు పోషించారు.

మరిన్ని చదవండి

ఎన్టీఆర్‌ను తిట్టలేదు... ఆ కాల్ నాది కాదు - టీడీపీ ఎమ్మెల్యే దగ్గుపాటి ప్రసాద్ రియాక్షన్