Pawan Kalyan - Vasuki: నటి వాసుకి (పాకీజా)కి పవన్ సాయం... అడిగిన ఒక్క రోజులో అందజేత

తెలుగు ప్రేక్షకులకు 'పాకీజా'గా సుపరిచితులైన నటి వాసుకి. తన పరిస్థితి బాలేదని వివరిస్తూ జనసేన పార్టీ కార్యాలయానికి సమాచారం ఇచ్చారు. ఒక్క రోజులో స్పందించిన పవన్, ఆమెకు ఆర్థిక సాయం కోరారు. 

పాకీజాగా పాపులరైన నటి వాసుకి పరిస్థితి బాలేదని తెలిసిన తక్షణమే స్పందించి ఆర్థిక సాయం అందించిన పవన్ కళ్యాణ్ 

Source : https://x.com/JanaSenaParty

పాకీజా అంటే ఈతరం ప్రేక్షకులకు తెలిసే అవకాశం తక్కువ. కానీ, పెద్దవాళ్లకు బాగా తెలుసు. బ్రహ్మానందంతో పాటు ఆమె నటించిన సన్నివేశాలు ఇప్పటికీ యూట్యూబ్, సోషల్ మీడియాలో వైరల్ అవుతుంటాయి. ఆవిడ అసలు పేరు వాసుకి. ఇప్పుడు సినిమాల్లో కనిపించడం లేదు. తన పరిస్థితి బాలేదని సాయం కోరుతూ జనసేన పార్టీకి సమాచారం ఇచ్చారు.

ఒక్క రోజులో స్పందించిన పవన్...
వాసుకీకి రెండు లక్షల రూపాయలు!
తీవ్ర ఆర్థిక ఇబ్బందుల్లో ఉన్న సినీ నటి - శ్రీమతి వాసుకి (పాకీజా)కి ఆర్థిక పరిస్థితి తెలిసి ప్రముఖ కథానాయకుడు - ఆంధ్రప్రదేశ్ ఉప ముఖ్యమంత్రి పవన్ కళ్యాణ్ చలించిపోయారు. విషయం తెలిసిన ఒక్క రోజులో స్పందించారు. వాసుకి దీన స్థితి తెలిసి రూ. 2 లక్షల రూపాయల ఆర్థిక సాయం ప్రకటించారు పవన్. 

మంగళవారం మధ్యాహ్నం మంగళగిరిలోని జనసేన పార్టీ కేంద్ర కార్యాలయంలో రెండు లక్షల రూపాయలను పాకీజా (వాసుకి)కి శాసన మండలిలో ప్రభుత్వ విప్ పి. హరిప్రసాద్, పి. గన్నవరం శాసనసభ్యులు గిడ్డి సత్యనారాయణ అందజేశారు.

పవన్ కళ్యాణ్ వెంటనే చేసిన సాయానికి వాసుకి కృతజ్ఞతలు తెలిపారు. తన కంటే పవన్ వయసులో చిన్నవారని, ఆయన ఎదురుగా ఉంటే కాళ్లు మొక్కుతానని భావోద్వేగానికి లోనయ్యారు. కంటతడి పెట్టుకున్నారు. తన ఆర్థిక పరిస్థితి గురించి సోమవారం పవన్ కళ్యాణ్ కార్యాలయానికి తెలియజేశాననీ, ఆయన తక్షణం స్పందించి తనకు తగిన ఆర్థిక సాయం అందించారని వాసుకి తెలిపారు. పవన్ కుటుంబానికి జీవితాంతం రుణపడి ఉంటానని వాసుకి పేర్కొన్నారు.

సినీ నటి శ్రీమతి వాసుకి (పాకీజా)కి శ్రీ @PawanKalyan గారు ఆర్థిక సాయం

•నటి దీనస్థితికి చలించిన రాష్ట్ర ఉపముఖ్యమంత్రివర్యులు

•శ్రీ పవన్ కళ్యాణ్ గారి తరపున రూ.2 లక్షలు సాయం అందించిన శాసన మండలిలో ప్రభుత్వ విప్ శ్రీ పిడుగు హరిప్రసాద్ గారు, శాసన సభ్యులు శ్రీ గిడ్డి సత్యనారాయణ గారు… pic.twitter.com/LlQVKKIsKh

— JanaSena Party (@JanaSenaParty) July 1, 2025