Nayanthara: నా భర్త వల్లే ఆ నమ్మకం కలిగింది - విఘ్నేష్ గురించి చెప్తూ నయన్ ఎమోషనల్
Nayanthara Vignesh Shivan: సౌత్లో లేడీ సూపర్ స్టార్గా పేరు తెచ్చుకున్న నయనతార.. దర్శకుడు విఘ్నేష్ శివన్ను ప్రేమించి పెళ్లి చేసుకుంది. తాజాగా ఒక ఈవెంట్లో తన భర్త గురించి ఎమోషనల్గా మాట్లాడింది.
Nayanthara about Vignesh Shivan: ఒకప్పుడు హీరోయిన్స్కు పెళ్లి అవ్వగానే సినిమాలను వదిలేసి వెళ్లిపోతారు. ఇక వెండితెరపై కనిపించరు అని ప్రేక్షకులు అనుకునేవారు. కానీ అందరు హీరోయిన్స్ అలా ఉండరని.. ప్రొఫెషనల్ లైఫ్తో పాటు పర్సనల్ లైఫ్ కూడా బ్యాలెన్స్ చేసి చూపిస్తామని కొందరు భామలు.. పెళ్లి తర్వాత కూడా నటనను కొనసాగిస్తున్నారు. అందులో ఒకరు నయనతార. పెళ్లి తర్వాత కూడా సౌత్లో లేడీ సూపర్ స్టార్గా కొనసాగుతూ బ్యాక్ టు బ్యాక్ సినిమాలతో బిజీగా ఉంది నయన్. అంతే కాకుండా పెళ్లి తర్వాత బిజినెస్లోకి కూడా అడుగుపెట్టింది. తాజాగా తన బిజినెస్ ప్రమోషన్ కార్యక్రమంలో తన భర్త విఘ్నేష్ గురించి చెప్తూ ఎమోషనల్ అయ్యింది నయనతార.
ప్రైవేట్ ఈవెంట్లో భార్యభర్తలు..
పెళ్లికి ముందు కూడా నయనతార.. ఒకవైపు హీరోయిన్గా నటిస్తూనే.. మరోవైపు బిజినెస్ ఉమెన్గా కొన్ని వ్యాపారాలలో పెట్టుబడులు పెట్టింది. కానీ పెళ్లి తర్వాత సొంతంగా బ్యూటీ ప్రొడక్ట్స్ బిజినెస్లోకి అడుగుపెట్టింది. సొంతంగా శానిటరీ ప్యాడ్స్ బ్రాండ్ను మార్కెట్లోకి ప్రవేశపెట్టింది. ఇక ఈ ప్రొడక్ట్ను ప్రమోట్ చేయడం కోసం నయనతార సోషల్ మీడియాలో చాలా కష్టపడుతోంది. కేవలం సోషల్ మీడియాలోనే ప్రమోట్ చేస్తే సరిపోదు అని, తాజాగా ఈ ప్రొడక్ట్ను ప్రమోట్ చేయడం కోసం ఒక ప్రైవేట్ ఈవెంట్ను కూడా ఏర్పాటు చేశారు. ఇందులో తన భర్త విఘ్నేష్ శివన్తో కలిసి పాల్గొంది నయన్. అదే సమయంలో తన భర్త గురించి చెప్తూ.. ఎమోషనల్ కూడా అయ్యింది.
తోడుగా ఉంటాడు..
ప్రతీ పురుషుడి వెనుక ఒక స్త్రీ ఉంటుంది అనే సామెతను ముందుగా గుర్తుచేసుకుంది నయనతార. కానీ అదే విధంగా ప్రతీ విజయవంతమైన, సంతోషంగా ఉన్న స్త్రీ వెనుక కూడా ఒక పురుషుడు కచ్చితంగా ఉంటాడని చెప్పింది. దానికి తననే ఉదాహరణగా తీసుకోమంది. ఎన్నో ఏళ్లుగా సినిమాల్లో నటిస్తున్నానని, ఆ సినీ ప్రయాణంలో తన భర్త విఘ్నేష్ను కలిశానని తెలిపింది. అప్పటినుండి ఇప్పటివరకు తాను ఆనందంగానే ఉన్నానని బయటపెట్టింది. ప్రతీ విషయంలో తన భార్త తనకు తోడుగా ఉంటాడని, తన నిర్ణయాలను ఎప్పుడూ ప్రశ్నించలేదని రివీల్ చేసింది. తాను ఏదైనా చేయగలను అనే నమ్మకాన్ని కల్పించాడని చెప్తూ.. విఘ్నేష్కు థ్యాంక్స్ చెప్పింది నయనతార. ఇక ఈ ఈవెంట్కు సంబంధించిన ఫోటోలను విఘ్నేష్.. తన సోషల్ మీడియాలో పోస్ట్ చేశారు.
View this post on Instagram
కెరీర్లో బిజీ..
సినిమాల విషయానికొస్తే.. హీరోయిన్గా నయనతార, డైరెక్టర్గా విఘ్నేష్ శివన్.. ఇద్దరూ తమ కెరీర్లలో బిజీగా ఉన్నారు. ఇటీవల నయన్ కెరీర్లోని 75వ చిత్రంగా ప్రేక్షకుల ముందుకు వచ్చింది ‘అన్నపూర్ణి’. కానీ ఈ మూవీ విడుదల అవ్వకముందు నుండే ఎన్నో సమస్యలను ఎదుర్కుంటుంది. హిందువుల మనోభావాలు ఈ సినిమా దెబ్బతీసేలా ఉందని, బ్రాహ్మణ కమ్యూనిటీని కించపరిచేలా ఉందని చాలామంది ప్రేక్షకులు దీనిని ఖండించారు. దీంతో నెట్ఫ్లిక్స్లో విడుదలయిన తర్వాత కూడా ‘అన్నపూర్ణి’ని స్ట్రీమింగ్ నుండి తొలగించాల్సిన పరిస్థితి ఏర్పడింది. దీని తర్వాత ‘టెస్ట్’ అనే స్పోర్ట్స్ డ్రామా సినిమా షూటింగ్లో నయన్ బిజీ అయిపోయింది.
Also Read: బిజినెస్మ్యాన్తో శ్రద్ధా దాస్ ప్రేమ, పెళ్లి - అసలు సంగతి చెప్పేసిందిగా!
Before You Go
National Award for Committee Kurrollu | మెగా డాటర్ చిత్రానికి నేషనల్ అవార్డ్
టాప్ హెడ్ లైన్స్
ట్రెండింగ్ వార్తలు
