Kajal Aggarwal: 'సత్యభామ' కోసం 'భగవంత్‌ కేసరి'- కాజల్ మూవీ ట్రైలర్‌ లాంచ్‌ ఈవెంట్‌కి బాలయ్య, ఎప్పుడంటే!
Sathyabhama Trailer Event: కాజల్ అగర్వాల్ ప్రధాన పాత్రలో నటించిన సత్యభామ సినిమా ట్రైలర్‌ లాంచ్‌ ఈవెంట్‌ను మూవీ టీం గ్రాండ్‌గా ప్లాన్‌ చేసింది. ఆ రోజున జరిగే ఈ ఈవెంట్‌లో బాలయ్య పాల్గొనబోతున్నారు.
Nandamuri Balakrishna Chief Guest to Kajal Aggarwal Satyabhama Trailer Event: 'క్వీన్ ఆఫ్ మాసెస్' కాజల్ అగర్వాల్ ప్రధాన పాత్రలో నటిస్తున్న సినిమా 'సత్యభామ'. యంగ్‌ హీరో నవీన్‌ చంద్ర కీలక పాత్రలో నటించిన ఈ సినిమా మే 31న విడుదలకు రెడీ అవుతుంది. ఈ క్రమంలో మూవీ ప్రమోషన్స్‌లో భాగంగా మూవీ టీం ట్రైలర్‌ లాంచ్‌ ఈవెంట్‌ను గ్రాండ్‌గా ప్లాన్‌ చేసింది. మే 24న సత్యభామ ట్రైలర్‌ ఈవెంట్‌ను నిర్వహించబోతున్నారు.
ఈ కార్యక్రమానికి 'గాడ్ ఆఫ్ మాసెస్' నందమూరి బాలకృష్ణ ముఖ్య అతిథి పాల్గొనబోతున్నారు. తాజాగా దీనిపై అధికారిక ప్రకటన కూడా వచ్చింది. హైదరాబాద్‌లోని ఐటీసీ కోహినూర్‌లో సాయంత్రం 6:30 గంటలకు ఈ ఈవెంట్ ప్రారంభం కానుంది. క్రైమ్ థ్రిల్లర్ నేపథ్యంలో దర్శకుడు సుమన్ చిక్కాల ఈ సినిమాను తెరకెక్కించారు. ఔరం ఆర్ట్స్ పతాకంపై బాబీ తిక్క, శ్రీనివాస్ రావు తక్కలపెల్లి నిర్మిస్తున్న ఈ సినిమాకు శశి కిరణ్ తిక్క కథా రచయితగా వ్యవహరించగా శ్రీచరణ్ పాకాల సంగీతం అందిస్తున్నారు.
Also Read: పవిత్ర నా భర్తను బ్లాక్‌మెయిల్‌ చేసి లోబరుచుకుంది - చందు భార్య షాకింగ్‌ కామెంట్స్‌
కాగా కాజల్ అగర్వాల్, బాలకృష్ణ జంటగా భగవంత్‌ కేసరి సినిమాలో నటించిన సంగతి తెలిసిందే. తొలిసారి ఈ సినిమా జతకట్టారు. వీరిద్దరి జంటగా వచ్చినీ సినిమా బ్లాక్‌బస్టర్‌ హిట్‌ కొట్టింది. ఇప్పుడు కాజల్ సత్యభామ కోసం బాలయ్య ముఖ్య అతిథిగా రానుండటం విశేషం. అయితే మొదట ఈ సినిమాను మే 17న రిలీజ్‌ చేస్తున్నట్టు మూవీ టీం ప్రకటించింది. కానీ కొన్ని కారణాల వల్ల ఈ సినిమా మే 17 నుంచి మే 31కి వాయిదా పడింది. దీంతో ప్రస్తుతం కాజల్ ఈ మూవీ ప్రమోషన్స్‌తో బిజీగా ఉంటుంది. తరచూ ఇంటర్య్వూ ఇస్తూ ఫుల్‌ బిజీ అయిపోతుంది.
టాప్ హెడ్ లైన్స్
ట్రెండింగ్ వార్తలు
