Mrunal Thakur : హీరోయిన్‌గా ఉండడం నచ్చలేదు - మాజీ ప్రియుడితో బ్రేకప్‌పై మృణాల్ ఠాకూర్ రియాక్షన్

Mrunal Thakur Reaction : బాలీవుడ్ హీరోయిన్ మృణాల్ ఠాకూర్ తన బ్రేకప్ స్టోరీ గురించి ఇంట్రెస్టింగ్ కామెంట్స్ చేశారు. తన మాజీ ప్రియుడి మనస్తత్వం తెలిసి జాలి పడినట్లు తెలిపారు.

మృణాల్ ఠాకూర్ బ్రేకప్ స్టోరీ

Source : https://www.instagram.com/p/DRv5DtICC3I/?img_index=3

Mrunal Thakur Reaction About Her Breakup Love Story : 'సీతారామం'తో తెలుగు తెరకు పరిచయమైన హీరోయిన్ మృణాల్ ఠాకూర్. గత కొద్ది రోజులుగా ప్రేమ, పెళ్లి రూమర్స్‌తో వరుసగా వార్తల్లో నిలుస్తున్నారు. తాజాగా తన మాజీ ప్రియుడి గురించి ఓపెన్ అయ్యారు. ఆమె నటించిన లేటెస్ట్ మూవీ 'దో దీవానే శహర్ మే' మూవీ ప్రమోషన్లలో భాగంగా ఇచ్చిన ఇంటర్వ్యూలో ఇంట్రెస్టింగ్ విషయాలు షేర్ చేసుకున్నారు. 

'యాక్టింగ్ చేయడం నచ్చలేదు'

తాను యాక్టింగ్ చేయడం తన మాజీ ప్రియుడికి నచ్చలేదని... అందుకే బ్రేకప్ చెప్పాడని మృణాల్ ఠాకూర్ తెలిపారు. 'అతనితో బంధం ముగిసిపోయినందుకు నేనేం బాధ పడలేదు. నాకు దూకుడు ఎక్కువని నాతో ఉండలేనని బ్రేకప్ చెప్పాడు. నేను యాక్టింగ్ చేయడం కూడా అతనికి నచ్చలేదు. చాలా ఇంపల్సివ్‌గా ఉంటావు. హీరోయిన్‌వి అది కూడా నాకు నచ్చదు అంటూ బ్రేకప్ చెప్పాడు. అలాంటి వాళ్లతో కంటిన్యూ కావడం కూడా కష్టమే. అందుకే విడిపోయాం.

అతని మనస్తత్వం గురించి తెలిసి జాలిపడ్డాను. అలాంటి వాళ్లతో ఉంటే భవిష్యత్తులో పిల్లలు కూడా అదే భావనలతో పెరుగుతారు. అది నాకు ఇష్టం లేదు. అందుకే విడిపోయాం.' అంటూ చెప్పారు.

ధనుష్‌తో పెళ్లి రూమర్స్‌పై

గత కొంత కాలంగా కోలీవుడ్ స్టార్ ధనుష్‌తో మృణాల్ ఠాకూర్ డేటింగ్, రిలేషన్ అంటూ ప్రచారం సాగింది. దీనిపై మృణాల్ టీం ఫుల్ క్లారిటీ ఇచ్చేసినా ఇంకా ఆ రూమర్స్ మాత్రం ఆగలేదు. రీసెంట్‌గా వీరిద్దరి పెళ్లి జరిగినట్లు ఏఐ వీడియో కూడా వైరల్ అయ్యింది. 'సన్నాఫ్ సర్దార్ 2' ప్రీమియర్‌లో ధనుష్ కనిపించడం సహా 'తేరే ఇష్క్ మే' షూటింగ్ ఫినిష్ అయిన సందర్భంగా ధనుష్ ఇచ్చిన పార్టీకి మృణాల్ అటెండ్ కావడం, ఆయన సోదరీమణులు మృణాల్ ఇన్ స్టా ఫాలో అవుతుండడం ఇలాంటి వాటితో ఇద్దరి మధ్య రిలేషన్ ఉందంటూ వార్తలు హల్చల్ చేశాయి. 

ఆ వార్తల్లో ఎలాంటి నిజం లేదంటూ మృణాల్ టీం వీటిపై క్లారిటీ ఇచ్చింది. తాజాగా... మృణాల్ సైతం ఈ రూమర్స్‌పై రియాక్ట్ అయ్యారు. 'ఇలాంటి రూమర్స్ వినడానికి కూడా హాస్యాస్పదంగా ఉంటాయి. వాళ్లు ఇలాంటి వార్తలు క్రియేట్ చేస్తుంటే నేను నవ్వుకుంటాను. ఫ్రీ పీఆర్ స్టంట్స్ ఇవి.' అంటూ వాటికి చెక్ పెట్టారు. 

సినిమాల విషయానికొస్తే... మృణాల్ నటించిన లేటెస్ట్ బాలీవుడ్ మూవీ 'దో దివానే శహర్ మే' ఈ నెల 20న ప్రేక్షకుల ముందుకు రానుంది. తెలుగులో అడివి శేష్ హీరోగా నటించిన 'డెకాయిట్'లో హీరోయిన్‌గా చేస్తున్నారు. ఈ మూవీ మార్చి 19న వరల్డ్ వైడ్‌గా థియేటర్లలోకి రానుంది.

మరిన్ని చదవండి

నిఖిల్ మూవీ కోసం 'ధురంధర్' మ్యూజిక్ డైరెక్టర్ - క్రేజీ ప్రాజెక్ట్స్‌తో టాలీవుడ్ ఎంట్రీ!