Meera Jasmine : మీరా జాస్మిన్‌కు తెలుగులో మరో ఛాన్స్ - ఈసారి యంగ్ హీరోతో...

మీరా జాస్మిన్ మరో తెలుగు సినిమాకు సంతకం చేశారని సమాచారం. ఇంతకీ, ఆ సినిమా ఏది? హీరో ఎవరు? అనేది చూస్తే...

మీరా జాస్మిన్

కథానాయిక మీరా జాస్మిన్ (Meera Jasmine) గుర్తున్నారా? గాడ్ ఆఫ్ మాసెస్, నట సింహం నందమూరి బాలకృష్ణ సరసన 'మహారథి'లోనూ, పవర్ స్టార్ పవన్ కళ్యాణ్ జోడీగా 'గుడుంబా శంకర్' సినిమాలోనూ నటించారు. తెలుగు చలన చిత్ర పరిశ్రమ (Telugu Film Industry)లో మంచి చిత్రాలు చేశారామె. ఆ తర్వాత కనుమరుగు అయ్యారు. ఇటీవల రీ ఎంట్రీ ఇచ్చారు. కొత్తగా మరో సినిమాకు సంతకం చేశారు. ఆ సినిమా ఏది? అందులో హీరో ఎవరు? వంటి వివరాల్లోకి వెళితే... 

యువ హీరో శ్రీ విష్ణుతో... 
Meera Jasmine in Sree Vishnu Ritu Varma movie : 'సామజవరగమన' సినిమాతో ఈ ఏడాది కామెడీ హిట్ అందుకున్న యువ కథానాయకుడు శ్రీ విష్ణు. ఇప్పుడు ఆయన 'స్వాగ్' (Swag Telugu Movie) పేరుతో ఓ సినిమా చేస్తున్నారు. అందులో రీతూ వర్మ హీరోయిన్. ఆమె కాకుండా మరో కథానాయికకు కూడా చోటు ఉందట. ఆ పాత్రకు మీరా జాస్మిన్‌ను ఎంపిక చేసినట్లు తెలిసింది. 

తెలుగు, తమిళ 'విమానం'లో నటించినా...
మీరా జాస్మిన్ సినిమాలు చేస్తూనే ఉన్నారు. ఆమె ఎప్పుడూ ఇండస్ట్రీకి దూరంగా లేరు. నటనకు గ్యాప్ కూడా ఇవ్వలేదు. అయితే, 2014 తర్వాత మీరా జాస్మిన్ చేసిన సినిమాల సంఖ్య చూస్తే... నాలుగు అంటే నాలుగే. అవి కూడా మలయాళ సినిమాలు. తెలుగులో సినిమా చేసి అయితే పదేళ్ళు అవుతోంది.

సముద్రఖని, మాస్టర్ ధృవన్, అనసూయ భరద్వాజ్, రాహుల్ రామకృష్ణ, ధనరాజ్ తదితరులు ప్రధాన పాత్రల్లో నటించిన తెలుగు, తమిళ ద్విభాషా సినిమా 'విమానం'. అందులో మీరా జాస్మిన్ నటించారు. ఎయిర్ హోస్టెస్ పాత్రలో కనిపించారు. అయితే... అది అతిథి పాత్ర తరహాలో ఉంటుంది. ఇప్పుడీ శ్రీ విష్ణు 'స్వాగ్'లో మీరా జాస్మిన్ పాత్ర నిడివి ఎక్కువే ఉంటుందట.

      

'మోక్ష' (2013) తర్వాత మీరా జాస్మిన్ తెలుగులో సినిమాలు చేయలేదు. మొన్న 'విమానం'లో తళుక్కున మెరిశారు. అయితే, అంతకు ముందు స్టార్స్ సరసన నటించారు. బాలకృష్ణ, పవన్ కళ్యాణ్ మాత్రమే కాదు... రవితేజ, గోపీచంద్, రాజశేఖర్, శ్రీకాంత్, శివాజీ వంటి హీరోలతో మీరా జాస్మిన్ నటించారు. శివాజీతో చేసిన 'అమ్మాయి బాగుంది'లో ఆమెది డ్యూయల్ రోల్. ఆ సినిమా మంచి పేరు తీసుకు వచ్చింది. రవితేజ 'భద్ర' కూడా తెలుగులో పెద్ద హిట్. 'గోరింటాకు'లో రాజశేఖర్ చెల్లెలి పాత్రలో మీరా జాస్మిన్ అభినయం ప్రేక్షకులను ఆకట్టుకుంది. డబ్బింగ్ సినిమా 'పందెం కోడి' కూడా మీరాకు మంచి హిట్ ఇచ్చింది. 

ఇన్‌స్టాలో గ్లామరస్ ఎంట్రీ
తెలుగు ప్రేక్షకులు ఆల్మోస్ట్ మీరా జాస్మిన్ (Meera Jasmine)ను మర్చిపోయిన సమయంలో సోషల్ మీడియాలో ఆమె ఎంట్రీ హాట్ టాపిక్ అయ్యింది. తెలుగు సినిమాల్లో గానీ, ఆ సమయంలో ఇతర భాషల్లో చేసిన సినిమాల్లో గానీ మీరా జాస్మిన్ పద్ధతిగా కనిపించారు. డ్రస్సింగ్ ట్రెడిషనల్ గా ఉండేది. ఎప్పుడూ అందాల ప్రదర్శన చేసింది లేదు. ఇన్‌స్టాగ్రామ్‌లో ఎంట్రీ ఇచ్చిన తర్వాత గ్లామర్ ఫోటోలతో ప్రేక్షకుల చూపు తనవైపు తిప్పుకున్నారు. 

 

 

 

 

 

View this post on Instagram

 

 

 

 

 

 

 

 

 

 

 

A post shared by Meera Jasmine (@meerajasmine)

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial