Mammootty Birthday : మమ్ముట్టి మాస్, ఫైర్ అంతే - 'భ్రమ యుగం'లో మలయాళ మెగాస్టార్ లుక్ చూశారా?

మలయాళ మెగాస్టార్ మమ్ముట్టి (Mammootty)కి మలయాళం తో పాటు తెలుగులోనూ మంచి క్రేజ్ ఉంది. మహి. వి రాఘవ తెరకెక్కించిన 'యాత్ర' సినిమాతో మమ్ముట్టి తెలుగు ప్రేక్షకులకు ఎంతో దగ్గరయ్యారు. ఈ మధ్య ఆయన నటిస్తున్న మలయాళీ సినిమాలు తెలుగులో డబ్ అయి ఇక్కడ కూడా మంచి రెస్పాన్స్ అందుకుంటున్నాయి. ఇదిలా ఉంటే మమ్ముట్టి  ఈ రోజు (సెప్టెంబర్ 7 న) తన 72వ పుట్టినరోజు జరుపుకుంటున్నారు. ఈ సందర్భంగా ఆయన అభిమానులు, సినీ ప్రముఖులు సోషల్ మీడియా వేదికగా ఆయనకి బర్త్డే విషెస్ అందజేస్తున్నారు. మరోవైపు మమ్ముట్టి పుట్టినరోజు సందర్భంగా ఆయన నటిస్తున్న కొత్త సినిమాలకు సంబంధించి వరుస అప్డేట్స్ ఇస్తున్నారు మేకర్స్.

ఈ క్రమంలోనే మమ్ముట్టి నటిస్తున్న 'భ్రమయుగం' (Bramayugam Movie) సినిమా నుంచి ఆయన ఫస్ట్ లుక్ పోస్టర్ నిర్మాతలు విడుదల చేశారు. రీసెంట్ గానే మేకర్స్ ఈ సినిమా నుంచి విడుదల చేసిన టైటిల్ పోస్టర్ మంచి రెస్పాన్స్ ని అందుకుంది. హారర్ థ్రిల్లర్ జోనర్ లో తెరకెక్కుతున్న ఈ సినిమాకి 'భూతకాలం' మూవీ ఫేమ్ రాహుల్ సదాశివన్ దర్శకత్వం వహిస్తున్నారు. ఫస్ట్ లుక్ లో మమ్ముట్టి చాలా భయంకరంగా కనిపిస్తున్నారు. ఈ పోస్టర్ టోటల్ బ్లాక్ థీమ్ తోనే డిజైన్ చేశారు మేకర్స్. అందులో మమ్ముట్టి తన స్మైల్ తో అదరగొట్టేసారు. సినిమాలో ఆయన పాత్ర చాలా డిఫరెంట్ గా ఉండబోతుందని అర్థమవుతుంది. ఈ పోస్టర్ తో సినిమాపై మరింత క్యూరియాసిటీని పెంచేశారు. ప్రస్తుతం సోషల్ మీడియాలో మమ్ముట్టి ఫస్ట్ లుక్ వైరల్ అవుతోంది.

#HappyBirthdayMammukka ! ✨
Here is the #Bramayugam Special Poster in Tamil, Telugu, Kannada & Hindi !@mammukka #Mammootty #RahulSadasivan@chakdyn @sash041075@allnightshifts @studiosynot@SureshChandraa @pro_sabari @venupro pic.twitter.com/DSQkLFbbto

— Night Shift Studios LLP (@allnightshifts) September 7, 2023

కేరళలోని చీకటి యుగాల నేపథ్యంలో ఈ సినిమా ఉండనున్నట్లు తెలుస్తోంది. పాన్ ఇండియా స్థాయిలో భారీ బడ్జెట్ తో నైట్ షిఫ్ట్ స్టూడియోస్, వై నాట్ స్టూడియోస్ బ్యానర్ల పై   రామచంద్ర, ఎస్​. శశికాంత్​ ఈ సినిమాని సంయుక్తంగా నిర్మిస్తున్నారు. ఇక ఈ సినిమాలో అర్జున్ అశోకన్​, సిద్ధార్థ్​ భరతన్​, అమల్దా లిజ్​ ఇతర కీలక పాత్రల్లో నటిస్తున్నారు. షెహ్నాద్​ జలాల్​ సినిమాటోగ్రాఫర్​గా వ్యవహరిస్తున్నారు. జోతిశ్ శంకర్​ ప్రొడక్షన్ డిజైనర్​గా, షాఫిక్ మహ్మద్​ అలీ ఎడిటర్​గా, క్రిస్టో.. మ్యూజిక్​, టీడీ రామకృష్ణన్​ డైలాగ్స్​ను అందిస్తున్నారు. 2024 లో పాన్ ఇండియా లెవెల్ లో మలయాళం తో పాటు హిందీ, తెలుగు, తమిళ, కన్నడ భాషల్లో ఈ సినిమాని విడుదల చేయనున్నారు.

ఇక రీసెంట్గా టాలీవుడ్ లో అక్కినేని అఖిల్ నటించిన 'ఏజెంట్' సినిమాలో మమ్ముట్టి కీలక పాత్ర పోషించిన విషయం తెలిసిందే. భారీ అంచనాలతో వచ్చిన ఈ మూవీ బాక్స్ డిజాస్టర్ గా నిలిచింది. మరోవైపు 'భ్రమయుగం' సినిమాతో పాటు మమ్ముట్టి మలయాళంలో 'బజూక' అనే సినిమా చేస్తున్నారు. డీనో డెన్నిస్ డైరెక్ట్ చేస్తున్న ఈ మూవీ గేమ్ థ్రిల్లర్గా తెరకెక్కుతోంది. మమ్ముట్టి తో పాటూ గౌతమ్ వాసుదేవ్‌ మీనన్‌, టామ్‌ షైన్‌ ఛాకో, సుమిత్‌ నావల్‌, సిద్దార్ధ్‌ భరతన్‌ కీలక పాత్రల్లో నటిస్తున్నారు.