Gautham Ghattamaneni: గౌతమ్‌ను చూస్తుంటే గర్వంగా ఉంది, కొడుకు గొప్ప మనసుకు తల్లి నమ్రత ఎమోషనల్!
మహేష్ బాబు తనయుడు గౌతమ్ మంచి మనసు చాటుకున్నాడు. గుండె ఆపరేషన్ చేయించుకున్న ఓ బాబును హాస్పిటల్ కు వెళ్లి మరీ పరామర్శించారు. ఈ ఫోటోలను తల్లి నమ్రత సోషల్ మీడియా ద్వారా షేర్ చేశారు.
తెలుగు సినిమా పరిశ్రమలో నెంబర్ వన్ హీరోగా కొనసాగుతున్న సూపర్ స్టార్ మహేష్ బాబు, సేవా గుణంలోనూ తనకు తానే సాటి అని నిరూపించుకుంటున్నారు. గుండె సంబంధ సమస్యలతో బాధ పడుతున్న ఎంతో మంది చిన్నారులకు ఆపరేషన్లు చేయించి ప్రాణ దాతగా నిలుస్తున్నారు. మహేష్ బాబు ఫౌండేషన్ పేరుతో స్వచ్ఛంద సంస్థను నెలకొల్పి, సేవా కార్యక్రమాలు నిర్వహిస్తున్నారు. ప్రత్యేకంగా చిన్నారుల గుండె ఆపరేషన్ల కోసం ఆంధ్రా హాస్పిటల్స్, రెయిన్ బో హాస్పిటల్స్ తో కలిసి పని చేస్తున్నారు. సాయం కోసం వచ్చిన ప్రతి చిన్నారి తల్లిదండ్రులకు కొండంత ధైర్యం అందిస్తున్నారు. గుండె ఆపరేషన్లు చేయించి ప్రాణాలు నిలుపుతున్నారు.
హార్ట్ ఆపరేషన్ చేయించుకున్న బాబుకు గౌతమ్ పరామర్శ
అటు తండ్రి బాటలోనే నడుస్తున్నాడు ఆయన కొడుకు గౌతమ్. తాజాగా గుండె ఆపరేష్ చేయించుకున్న ఓ బాబును హాస్పిటల్ కు వెళ్లి పరామర్శించాడు. తన స్కూల్ అయిపోయాక నేరుగా హాస్పిటల్ కే వెళ్లాడు. సర్జరీ సక్సెస్ అయిన తర్వాత తనను కలిశాడు. బాబు సంతోషంగా ఉండేందుకు వెళ్లే సమయంలో ఓ బహుమతి కూడా తీసుకెళ్లి ఇచ్చాడు. బాబుతో కాసేపు సరదాగా ముచ్చటించాడు. డాక్టర్లను అడిగి ఆయన ఆరోగ్య పరిస్థితి గురించి తెలుసుకున్నాడు. బాబు తల్లిదండ్రులకు ధైర్యం చెప్పి వచ్చాడు.
సోషల్ మీడియాలో గౌతమ్ ఫోటోలను షేర్ చేసిన నమ్రత
ఈ విషయాన్ని గౌతమ్ తల్లి నమ్రత సోషల్ మీడియా ద్వారా వెల్లడించారు. గౌతమ్ హాస్పిటల్లో ఆపరేషన్ చేయించుకున్న బాబును పరామర్శించే ఫోటోలను అభిమానులతో పంచుకున్నారు. స్కూల్ అయిపోగానే నేరుగా తను హాస్పిటల్ కు వెళ్లి బాబును పరామర్శించి వచ్చినట్లు చెప్పారు. ఇప్పటికే చాలా మంది గుండె ఆపరేషన్ చేయించుకున్న పిల్లలను తను వెళ్లి కలిసి వచ్చాడని చెప్పారు. గౌతమ్ ను చూస్తుంటే గర్వంగా ఉందంటూ ఆమె సోషల్ మీడియా వేదికగా తెలిపారు. చాలా కాలంగా మహేష్ బాబు ఎంతో మంది పిల్లలకు హార్ట్ ఆపరేషన్ చేయించారు. దీని కోసం పలు హాస్పిటల్స్ తో కలిసి పని చేస్తున్నారు. తరుచుగా మహేష్ ఫ్యామిలీ మెంబర్స్ హాస్పిటల్స్ కు వెళ్లి గుండె ఆపరేషన్ చేయించుకున్న వారిని పరామర్శిస్తుంటారు. చిన్నారులతో మాట్లాడి, వారి కుటుంబ సభ్యుల్లో మనో ధైర్యాన్ని పెంచే ప్రయత్నం చేస్తుంటారు. అందులో భాగంగానే గౌతమ్ తరచుగా వెళ్లి వస్తుంటారని నమ్రత తెలిపారు.
View this post on Instagram
గౌతమ్ పై నెటిజన్ల ప్రశంసలు
నమ్రత పోస్టు చూసి నెటిజన్లు సంతోషం వ్యక్తం చేస్తున్నారు. మహేష్ బాబు తనయుడిని ప్రశంసలతో ముంచెత్తుతున్నారు. తండ్రి మాదిరిగానే మంచి మనసున్న అబ్బాయి అంటూ కొనియాడుతున్నారు. మహేష్ ఫ్యామిలీ మంచి మనసు కారణంగా ఎంతో మంది తల్లిదండ్రుల తమ పిల్లలను కాపాడుకుని సంతోషంగా ఉన్నారని కామెంట్స్ పెడుతున్నారు. మహేష్ ఇంకా ఎన్నో సేవా కార్యక్రమాలు చేపట్టాలని ఆకాంక్షిస్తున్నారు.
Read Also: రజినీకాంత్ సినిమాలో RCB జెర్సీని తొలగించాలని ఆదేశించిన ఢిల్లీ హైకోర్ట్!
ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial
టాప్ హెడ్ లైన్స్
ట్రెండింగ్ వార్తలు
