Krishna Is Fine: ఆరోగ్యంగా సూపర్‌స్టార్ కృష్ణ, ఆయన లేటెస్ట్ ఫొటో ఇదిగో
సూపర్‌స్టార్ కృష్ణకు ఏమైంది? సోషల్ మీడియాలో నిన్న అంతా ఓ ఫొటో చక్కర్లు కొట్టింది. అది చూసి ఫ్యాన్స్ కంగారు పడ్డారు. ఆయన సూపర్ ఫైన్ అని చెప్పడానికి సాక్ష్యంగా లేటెస్ట్ ఫొటో ఇదిగో!
ఇప్పుడు సూపర్ స్టార్ కృష్ణ ఘట్టమనేని (Krishna Ghattamaneni) ఆరోగ్యం ఎలా ఉంది? అంటే... 'సూపర్ ఫైన్' అని చెప్పాలి. అసలు, ఆయనకు ఏం కాలేదు కూడా! మరి, ఇప్పుడు ఎందుకు ఈ ప్రశ్న వచ్చింది? అంటే... సోషల్ మీడియాలో చక్కర్లు కొడుతున్న ఒక ఫొటో. ఒక ఫ్యామిలీ ఫంక్షన్‌లో కృష్ణ పాల్గొన్నారు. అందులో ఆయన్ను చూసి రకరకాల అనుమానాలు, సందేహాలు వచ్చాయి.
కుటుంబ సభ్యులతో కృష్ణ ఉన్న ఫొటో శుక్రవారం విడుదలైంది. అందులో ఆయన ముఖం మీద ఏవో తెల్ల మచ్చలు ఉన్నట్టు కనిపించాయి. అసలు విషయం ఏంటంటే... కరోనా వచ్చినప్పటి నుంచి కృష్ణ చాలా జాగ్రత్తగా ఉంటున్నారు. మాస్క్ లేకుండా ఆయన బయటకు రావడం లేదు. ఇప్పటికీ మాస్క్ ధరిస్తున్నారు. గ్లాస్ మాస్క్ పెట్టుకోవడం వల్ల ఫొటోలో అది సరిగా పడలేదు. తెల్ల మచ్చలు కింద వచ్చాయి. అయితే... ఆ విషయం చెప్పినా చాలా మందిలో అనుమానం అలాగే ఉంది. కృష్ణకు ఏదో అయ్యిందని అనుకోవడం మొదలు పెట్టారు. అయితే... కృష్ణ లేటెస్ట్ ఫొటో ఆ అనుమానాలకు సమాధానం ఇచ్చిందని చెప్పవచ్చు.
కృష్ణను ఈ రోజు ఆయన వీరాభిమాని ఒకరు కలిశారు. కొన్నేళ్లుగా కృష్ణకు చెందిన స్టూడియోలోనే పని చేస్తున్నారు. తన పుట్టినరోజు సందర్భంగా కృష్ణను కలిశారు. అప్పుడు ఫొటోలు తీసుకున్నారు. ఆ ఫొటో ఇది. వీటిలో కృష్ణ ఆరోగ్యంగా కనిపించారు. ఎప్పటిలా హ్యాండ్సమ్‌గా ఉన్నారు. సో... ఘట్టమనేని, సూపర్ స్టార్ ఫ్యాన్స్ టెన్షన్ పడొద్దు.
ఇప్పుడు కృష్ణ వయసు 78 సంవత్సరాలు. ఆయన ఆరోగ్యంపై వయసు ప్రభావం కొంత ఉందని టాక్. అంటే... వయసు పెరగడం వల్ల వచ్చే చిన్న చిన్న సమస్యలు తప్ప పెద్దగా ఏమీ లేవని ఫిల్మ్ నగర్ వర్గాలు అంటున్నాయి. ఎక్కువగా ఆయన ఇంట్లోనే ఉంటున్నారు. కుటుంబ సభ్యుల ఇళ్లల్లో వేడుకలకు తప్పకుండా హాజరు అవుతున్నారు. సుధీర్ బాబు, మంజుల ఇంట్లో వేడుకలు జరిగితే తప్పకుండా కృష్ణ అటెండ్ అవుతారు. కృష్ణ బర్త్ డే ఫంక్షన్ రోజున ఫ్యామిలీ మెంబర్స్ అందరూ ఆయన దగ్గరకు వెళతారు.
టాప్ హెడ్ లైన్స్
ట్రెండింగ్ వార్తలు
