Poonam Kaur Tweets :త్రివిక్రమ్‌ను ప్రశ్నించలేరా అని నిలదీస్తున్న పూనమ్‌కౌర్. ముందు మీరు ఫిర్యాదు ఇవ్వండన్న MAA

Poonam Kaur Controversy : త్రివిక్రమ్ శ్రీనివాస్​పై ఫిర్యాదు చేసినా.. మూవీ ఆర్టిస్ట్ అసోసియేషన్ పట్టించుకోవడం లేదంటూ పూనమ్ కౌర్ ట్వీట్ చేసింది. దీనిపై స్పందించిన MAA ఏమందంటే..

త్రివిక్రమ్ శ్రీనివాస్ పూనమ్ కౌర్ కాంట్రవర్సీపై మా స్పందన

Source : Instagram

MAA Association Response on Poonam Kaur Tweets : పూనమ్ కౌర్ కాంట్రవర్సీ మరోసారి తెరపైకి వచ్చింది. డైరక్టర్ త్రివిక్రమ్ శ్రీనివాస్​పై తనదైన శైలిలో పూనమ్ ఎప్పుడూ ట్వీట్స్ చేస్తూ ఉంటుంది. అయితే తాజాగా త్రివిక్రమ్ శ్రీనివాస్​పై మూవీ ఆర్టిస్ట్ అసోసియేషన్​కి ఎన్నిసార్లు ఫిర్యాదు చేసినా.. అతనిపై చర్యలు తీసుకోవడం లేదంటూ మరో ట్వీట్ చేసింది. దీనిపై మూవీ ఆర్టిస్ట్ అసోసియేషన్ స్పందించింది. 

త్రివిక్రమ్​పై ఎలాంటి చర్య తీసుకోలేదు..

పూనమ్ తాజాగా ఏమి ట్వీట్ చేసిందంటే.. త్రివిక్రమ్ శ్రీనివాస్​పై గతంలో ఇచ్చిన ఫిర్యాదుపై మా అసోసియేషన్ ఏ మాత్రం స్పందించలేదని.. అతనిని ఏమి ప్రశ్నించలేదని రాసుకొచ్చింది. అలాగే అతనిని మరింత ఎంక్రేజ్ చేస్తూ.. ముందుకు తీసుకెళ్తుందని ట్వీట్ చేసింది. నా ఆరోగ్యాన్ని, సంతోషాన్ని నాశనం చేసిన వ్యక్తిపై ఎలాంటి చర్య తీసుకోలేదంటూ మండిపడింది. 

No questioning or even action taken on director #Trivikramsrinivas for complaint give in maa association for very long , he rather is encouraged by the big wigs after damaging my life which has affected health and happiness .

— पूनम कौर ❤️ poonam kaur (@poonamkaurlal) January 5, 2025

మా అసోసియేషన్ రిప్లై.. 

పూనమ్ కౌర్ చేసిన ట్వీట్​పై మా అసోసియేషన్ స్పందించింది. మూవీ ఆర్టిస్ట్ అసోసియేషన్ కోశాధికారి శివబాలాజీ పూనమ్ ట్వీట్​పై క్లారిటీ ఇచ్చారు. ఇప్పటివరకు పూనమ్ కౌర్​ నుంచి మూవీ ఆర్టిస్ట్ అసోసియేషన్​కు రాతపూర్వకంగా ఎలాంటి ఫిర్యాదు రాలేదని స్పష్టం చేశారు. మా కంటే ముందు కూడా ఎలాంటి ఫిర్యాదు వచ్చినట్లు రికార్డులో లేదని తెలిపారు. పూనమ్ ఇలా ట్వీట్ చేయడం వల్ల ఎలాంటి ఉపయోగం లేదని.. మా అసోసియేషన్​లో కానీ.. న్యాయ వ్యవస్థను కానీ ఆశ్రయిస్తేనే న్యాయం జరుగుతుందంటూ సూచించారు. 

సినిమాలకు మాత్రమే దూరం..

తెలుగు, కన్నడ భాషల్లో హీరోయిన్​గా చేసిన పూనమ్ కౌర్​.. సినీ ప్రేక్షకులకు సుపరిచితురాలే. కొంతకాలంగా సినిమాలకు దూరంగా ఉంటోన్న ఈ భామ.. సోషల్ మీడియా ద్వారా మాత్రం ఎప్పుడూ హాట్​ టాపిక్​గానే కనిపిస్తూ ఉంటుంది. వ్యక్తిగత విషయాలతో పాటు.. కాంట్రవర్సీలను కూడా సోషల్ మీడియా ద్వారా నెటిజన్లకు చెప్తూ ఉంటుంది ఈ భామ. 

పవన్​పై కూడా..

ముఖ్యంగా డైరక్టర్ త్రివిక్రమ్ శ్రీనివాస్​పై ప్రత్యక్షంగా, పరోక్షంగానూ ట్వీట్స్ వేస్తూ ఉంటుంది. అసలు రీజన్​ ఏంటో చెప్పకుండా.. త్రివిక్రమ్ గురించి.. ఎన్నో ట్వీట్స్​ చేసింది పూనమ్. హీరో, ప్రస్తుత ఏపీ డిప్యూటీ సీఎం పవన్ కళ్యాణ్​పై కూడా పూనమ్ ఎన్నోసార్లు తన అక్కసు వెళ్లగక్కింది. అయితే ఆమె ఎన్ని ట్వీట్స్ చేసినా.. త్రివిక్రమ్, పవన్ ఇప్పటివరకు ఎలాంటి రిప్లై ఇచ్చింది లేదు. ఆమె కూడా తనకు జరిగిన అన్యాయం ఇది అంటూ నేరుగా చెప్పింది కూడా లేదు.