విజయ్ ఫ్యాన్స్‌కి భారీ షాక్ ఇచ్చిన తమిళనాడు ప్రభుత్వం - 'లియో' షోస్ రద్దు?

'లియో' చిత్ర యూనిట్ తమిళనాడు ప్రభుత్వం భారీ షాక్ ఇచ్చింది. తమిళనాడులో లియో ఎర్లీ మార్నింగ్ షోస్ వేయడాన్ని అక్కడి ప్రభుత్వం నిషేధించింది.

Photon Credit : Leo/Twitter

కోలీవుడ్లో మరికొద్ది గంటల్లో తలపతి విజయ్ నటించిన 'లియో'(Leo) మూవీ థియేటర్స్ లో సందడి చేయబోతోంది. సౌత్ లోనే మోస్ట్ అవైటెడ్ మూవీ గా భారీ ప్రీ రిలీజ్ బిజినెస్ తో అక్టోబర్ 19 న రిలీజ్ కాబోతున్న ఈ చిత్రానికి తాజాగా తమిళనాడు ప్రభుత్వం భారీ షాక్ ఇచ్చింది. 'లియో' మూవీకి సంబంధించి తమిళనాడులో ఎర్లీ మార్నింగ్ షోస్ వేయడాన్ని అక్కడి ప్రభుత్వం నిషేధించింది. ఉదయం 7 గంటల షో క్యాన్సిల్ చేసి 9 గంటల ఆట నుంచి లియో చిత్రాన్ని థియేటర్స్ లో ప్రదర్శించుకోవచ్చు అని ఉత్తర్వులు జారీ చేసింది. లియో నిర్మాతలు ఎర్లీ మార్నింగ్ షోస్ తో సినిమాని ప్రదర్శింపజేసేలా తమిళనాడు ప్రభుత్వాన్ని అభ్యర్థించారు.

కానీ ప్రభుత్వం అందుకు నిరాకరణ తెలుపుతూ 7 గంటల షో కాకుండా 9 గంటలకు షో ప్రారంభమయ్యేలా అనుమతి ఇచ్చింది. ప్రభుత్వం అనుమతి లేకుండా ఎవరైనా మార్నింగ్ షోస్ వేస్తే థియేటర్ యాజమాన్యంపై కఠిన చర్యలు తీసుకోవడానికి సిద్ధమైంది. అలాగే రిలీజ్ రోజు థియేటర్స్ బయట ట్రాఫిక్ కి అంతరాయం కలిగించినా చర్యలు తీసుకుంటామని హెచ్చరించింది. దీంతో విజయ్ ఫ్యాన్స్ నిరాశ చెందుతున్నారు. ఓపెనింగ్ రోజు రికార్డ్ కలెక్షన్స్ తో సరికొత్త రికార్డ్ సెట్ చేయాలనుకున్న ఫ్యాన్స్ కి తీవ్ర నిరాశ ఎదురైంది. తమిళనాడు ప్రభుత్వం సడన్ గా ఇలా ఎర్లీ మార్నింగ్ షో క్యాన్సిల్ చేయడం సినిమా యూనిట్ కి ఇది పెద్ద దెబ్బేనని విశ్లేషకులు చెబుతున్నారు.

నిజానికి మొదటి నుంచి ఈ చిత్రానికి పలు ఇబ్బందులు తలెత్తుతూ వచ్చాయి. మొదట లియో మూవీ ఆడియో లాంచ్ ని చెన్నైలో నిర్వహించాలని అనుకోగా అందుకు ప్రభుత్వం నిరాకరించింది. ఆ తర్వాత దుబాయ్ లో ఈవెంట్ ప్లాన్ చేసినా అక్కడ వర్కౌట్ కాలేదు. ఇక ఇప్పుడు ఎర్లీ మార్నింగ్ షో ని క్యాన్సిల్ చేసి షాక్ ఇచ్చారు. ఇదిలా ఉంటే ఇటీవల లియో నిర్మాతలు తమిళనాడు ప్రభుత్వానికి బెనిఫిట్ షోలకు అనుమతి కోరగా.. అందుకు సానుకూలంగా స్పందించి 5 ఆటలు ప్రదర్శించేందుకు అనుమతిచ్చింది. అక్టోబ‌ర్ 19 నుంచి 24 వ‌ర‌కు ‘లియో’ సినిమా 5 షోల‌కు అనుమతిస్తూ త‌మిళనాడు ప్రభుత్వం జీవో జారీ చేసింది.

కానీ ఇప్పుడేమో ఉదయం 7 గంటల షోని క్యాన్సిల్ చేయడం చర్చనీయాంశంగా మారింది. తమిళనాడు ముఖ్యమంత్రి ఉదయనిధి స్టాలిన్ సంస్థ రెడ్ జాయింట్ మూవీస్ కి లియో సినిమా హక్కులు ఇవ్వకపోవడం వల్లే ప్రభుత్వం మార్నింగ్ షోస్ క్యాన్సిల్ చేశారని కోలీవుడ్లో టాక్ నడుస్తోంది. కాగా లియో మూవీని పాన్ ఇండియా స్థాయిలో తమిళం తో పాటు తెలుగు, హిందీ, కన్నడ భాషల్లో విడుదల చేస్తున్నారు. తమిళం తో పాటు తెలుగులోనూ లియో మూవీకి ఎక్కువ థియేటర్స్ దొరికాయి. దీంతో బుకింగ్స్ కూడా పర్వాలేదు అనే స్థాయిలో జరుగుతున్నాయి. ఓవర్సీస్ లో మాత్రం లియో క్రేజ్ నెక్స్ట్ లెవెల్ లో ఉంది. ఇప్పటికే లియో అడ్వాన్స్ బుకింగ్స్ వన్ మిలియన్ డాలర్స్ మార్క్ ని అందుకొని సరికొత్త రికార్డు క్రియేట్ విశేషం. 

Join Us on Telegram: https://t.me/abpdesamofficial