Balakrishna : బాలయ్యతో కొరటాల శివ మూవీ! - పవన్ రిజెక్ట్ చేసిన స్టోరీకి ఓకే చెప్తారా?

Koratala Siva Balakrishna : గాడ్ ఆఫ్ మాసెస్ బాలయ్యకు స్టార్ డైరెక్టర్ కొరటాల శివ స్టోరీ వినిపించినట్లు తెలుస్తోంది. రెండు కథలు వినిపించగా ఆయనకు ఓ కథ బాగా నచ్చిందట.

కొరటాల శివతో బాలయ్య మూవీ

Source : https://www.instagram.com/p/DK6iAHppkC1/

Koratala Siva Planning To Team Up With Balakrishna Soon : ఎన్టీఆర్ 'దేవర' తర్వాత డైరెక్టర్ కొరటాల శివ చాలా గ్యాప్ తీసుకుంటున్నారు. ఇప్పటివరకూ ఆయన మూవీ ఏదీ ట్రాక్ ఎక్కలేదు. ప్రస్తుతం 'దేవర 2' పోస్ట్ ప్రొడక్షన్ వర్క్స్ కోసం రెడీ చేస్తున్నా... వేరే ప్రాజెక్ట్‌పైనా ఆయన ఫోకస్ చేస్తున్నట్లు తెలుస్తోంది. 

బాలయ్యతో మూవీ!

గాడ్ ఆఫ్ మాసెస్ బాలయ్యతో కొరటాల శివ మూవీ చేసేందుకు ప్లాన్ చేస్తున్నట్లు తెలుస్తోంది. ఇప్పటికే ఆయనకు ఓ రెండు కథలు వినిపించారట. ఇందులో ఓ కథ బాలయ్యకు చాలా బాగా నచ్చిందట. కొరటాల ఇంతకు ముందు పవర్ స్టార్ పవన్ కల్యాణ్‌కు ఓ స్టోరీ వినిపించగా ఆయన రిజెక్ట్ చేశారట. ఆ తర్వాత ఆ స్టోరీనే బాలయ్యకు వినిపించినట్లు టాక్ వినిపిస్తోంది. మరి దీనిపై బాలయ్య నిర్ణయం కోసం ఆయన వెయిట్ చేస్తున్నారట. ఒకవేళ బాలయ్య ఓకే అంటే త్వరలోనే దీనిపై అనౌన్స్‌మెంట్ వచ్చే ఛాన్స్ ఉన్నట్లు తెలుస్తోంది. 

'దేవర 2' ఎప్పుడు?

కొరటాల శివ, ఎన్టీఆర్ కాంబోలో వచ్చిన 'దేవర' 2024లో బాక్సాఫీస్ వద్ద సంచలన విజయం సాధించింది. ఈ మూవీకి సీక్వెల్ కోసం ఫ్యాన్స్ అంతా ఎంతో ఆసక్తిగా ఎదురుచూస్తున్నారు. నిజానికి ఫస్ట్ పార్ట్ క్లైమాక్స్‌లో ఎన్నో ప్రశ్నలతో సస్పెన్స్ క్రియేట్ చేశారు కొరటాల. ఆ తర్వాత 'దేవర 2'పై ఎలాంటి అప్డేట్ లేకపోవడంతో ఫ్యాన్స్ నిరాశ చెందారు. అయితే, నిర్మాత సుధాకర్ మిక్కిలినేని రీసెంట్‌గానే ఓ ఈవెంట్‌లో 'దేవర 2'పై అప్డేట్ ఇచ్చారు. 

మే నెల నుంచే 'దేవర 2' షూటింగ్ ప్రారంభం అవుతుందని... వచ్చే ఏడాది ప్రేక్షకుల ముందుకు వస్తుందంటూ క్లారిటీ ఇచ్చారు. ఫస్ట్ పార్ట్‌తో పోలిస్తే రెండో పార్ట్ మరింత కీలకమని... ఇది మరో బ్లాక్ బస్టర్ విజయం అందుకుంటుందని అన్నారు. దీంతో మరింత హైప్ క్రియేట్ అవుతోంది. త్వరలోనే దీనిపై మరిన్ని అప్డేట్స్ వచ్చే ఛాన్స్ ఉంది. ప్రస్తుతం ఎన్టీఆర్ ప్రశాంత్ నీల్ దర్శకత్వంలో 'డ్రాగన్' మూవీ షూటింగ్‌లో బిజీగా ఉన్నారు. ఆ తర్వాత దేవర 2 షూటింగ్‌లో పాల్గొనే ఛాన్స్ ఉన్నట్లు తెలుస్తోంది. 

మరిన్ని చదవండి

రాజమౌళి రెమ్యునరేషన్ ఎంత? - 'వారణాసి' కోసం మహేష్, జక్కన్న న్యూ స్ట్రాటజీ!