Kantara Chapter 1 Cast Remunerations: 'కాంతార' Vs 'కాంతార చాప్టర్ 1' - బడ్జెట్ నుంచి రెమ్యునరేషన్స్ వరకూ...

Kantara Chapter 1: 'కాంతార'తో పోలిస్తే 'కాంతార చాప్టర్ 1'కు నిర్మాతలు భారీ బడ్జెట్ కేటాయించారు. ఈ క్రమంలో బడ్జెట్, నటీనటుల రెమ్యునరేషన్ ఎంత అనే దానిపై ఆసక్తి నెలకొంది.

'కాంతార చాప్టర్ 1' బడ్జెట్, రెమ్యునరేషన్

Source : https://www.youtube.com/watch?v=axBF-4nNZ3s

Rishab Shetty's Kantara Chapter 1 Budget Remuneration Details: 'కాంతార చాప్టర్ 1' గురువారం ప్రేక్షకుల ముందుకు వచ్చి హిట్ టాక్‌తో దూసుకెళ్తున్న సంగతి తెలిసిందే. 2022లో వచ్చిన 'కాంతార' మూవీకి ప్రీక్వెల్‌గా ఈ మూవీ తెరకెక్కగా ఫస్ట్ పార్ట్‌ను మించి గ్రాండియర్ లుక్, అద్భుతమైన విజువల్స్‌తో ఆడియన్స్‌ను ఆకట్టుకుంటోంది. దీంతో మూవీ బడ్జెట్, నటీనటుల రెమ్యునరేషన్‌పై మరోసారి చర్చ సాగుతోంది.

'కాంతార' Vs 'కాంతార చాప్టర్ 1'

నిజానికి 2022లో 'కాంతార'కు రిలీజ్ టైంలో అంత హైప్ లేదు. ఫస్ట్ కన్నడలో రిలీజ్ అయిన మూవీ మంచి టాక్ సొంతం చేసుకోగా కేవలం మౌత్ టాక్‌తోనే సక్సెస్ అందుకుంది. దీంతో మేకర్స్ ఇతర భాషల్లోనూ రిలీజ్ చేశారు. ఓ ఊరి మట్టి కథతో పాటు సంస్కృతి, సంప్రదాయాలకు డివోషనల్ టచ్ ఇస్తూ తెరకెక్కించిన అద్భుతం బాక్సాఫీస్ వద్ద కలెక్షన్ల వర్షం కురిపించింది. కేవలం రూ.30 కోట్ల బడ్జెట్‌తో రూపొందించిన ఫస్ట్ పార్ట్ ప్రపంచవ్యాప్తంగా రూ.400 కోట్ల వసూళ్లు సాధించింది.

ఇదే జోష్‌తో 'కాంతార'కు ప్రీక్వెల్ అనౌన్స్ చేయగా అప్పటి నుంచే భారీ హైప్ క్రియేట్ అయ్యింది. అందుకు తగిన విధంగానే 'కాంతార చాప్టర్ 1' ప్రీక్వెల్ బడ్జెట్ సైతం అమాంతంపెరిగింది. దాదాపు రూ.125 కోట్ల బడ్జెట్‌తో ఈ మూవీని తెరకెక్కించినట్లు తెలుస్తోంది. అడవిలో సెట్స్, భాంగ్రా రాజ్యం సెట్, భారీ యాక్షన్ సీక్వెన్స్, గ్రాండియర్ లుక్స్ కోసం ఎక్కడా తగ్గకుండా చిత్ర నిర్మాణ సంస్థ హోంబలే ఫిల్మ్స్, ప్రొడ్యూసర్స్ భారీగా ఖర్చు చేశారు.

నటీనటుల రెమ్యునరేషన్స్

ఫస్ట్ పార్ట్ 'కాంతార' కోసం హీరో రిషబ్ శెట్టి రూ.4 కోట్ల రెమ్యునరేషన్ తీసుకున్నట్లు తెలుస్తోంది. ఈసారి ఆయన ఒక్క రూపాయి కూడా రెమ్యునరేషన్ తీసుకోలేదనే టాక్ వినిపిస్తోంది. దానికి బదులుగా బాలీవుడ్ స్టార్ హీరోల మాదిరిగానే లాభాల్లో వాటాలు తీసుకుంటారని సమాచారం. ఈ మూవీలో రిషబ్ హీరోగా నటిస్తూనే దర్శకత్వ బాధ్యతలు కూడా నిర్వహించారు. రిలీజ్ తర్వాత వచ్చే లాభాల్లో వాటా తీసుకునే విధంగా ముందే నిర్మాతలతో ఆయన ఒప్పందం కుదుర్చుకున్నారని తెలుస్తోంది.

ఇక హీరోయిన్ రుక్మిణీ వసంత్, జయరామ్, గుల్షన్ దేవయ్య సైతం కీలక రోల్స్ పోషించారు. వీరు ఒక్కొక్కరు రూ.కోటి రెమ్యునరేషన్ తీసుకున్నట్లు తెలుస్తోంది. ఇక మూవీలో వారి వారి పాత్రలకు తగిన విధంగా రెమ్యునరేషన్ అందినట్లు సమాచారం. ఫస్ట్ పార్ట్‌ను మించి ప్రీక్వెల్ ఉండడంతో ఆడియన్స్ ఫిదా అవుతున్నారు. ఇక క్లైమాక్స్‌లో సీక్వెల్ ఉంటుందని హింట్ ఇవ్వగా దానిపై కూడా అప్పుడే ఆసక్తి నెలకొంది.

అటు, రిలీజ్‌కు ముందే 'కాంతార చాప్టర్ 1' భారీ బిజినెస్ డీల్ జరిగినట్లు తెలుస్తోంది. తెలుగు రాష్ట్రాలతో పాటు వరల్డ్ వైడ్‌‌గా థియేట్రికల్, నాన్ థియేట్రికల్ హక్కులు భారీ ధరకు అమ్ముడుపోయినట్లు తెలుస్తోంది. ఓటీటీ డీల్ కూడా భారీగానే జరిగినట్లు టాక్ వినిపిస్తోంది. ఇక ప్రీమియర్లతో పాటు ఫస్ట్ డే రూ.50 కోట్లకు పైగా గ్రాస్ ఓపెనింగ్స్ వచ్చే అవకాశం ఉందని ట్రేడ్ వర్గాలు అంచనా వేస్తున్నాయి. 

మరిన్ని చదవండి

మెగాస్టార్ చిరంజీవి 'కొదమసింహం' రీ రిలీజ్: 35 ఏళ్ల తర్వాత మళ్ళీ థియేటర్లలోకి... డేట్ ఫిక్స్!