Kajal Aggarwal: అసిస్టెంట్‌ డైరెక్టర్‌ క్యారవాన్‌కు వచ్చి అలా చేశాడు - చాలా భయపడ్డాను, కాజల్‌కు చేదు అనుభవం..
Kajal Aggarwal: హీరోయిన్‌ కాజల్ అగర్వాల్ షూటింగ్‌లో తనకు ఎదురైన చేదు అనుభవాన్ని గుర్తు చేసుకుంది. షూటింగ్ తర్వాత అతను నేరుగా తన క్యారవాన్‌ వచ్చి షర్ట్‌ విప్పాడంటూ భయానక సంఘటనను గుర్తు చేసుకుంది.
Kajal Aggarwal Remember a Shocking Incident from Fan: హీరోహీరోయిన్లకు స్టార్‌ డమ్‌ వచ్చేది అభిమానుల వల్లే. ఎంతమంది అభిమానులుంటే అంత స్టార్‌డమ్‌ ఉంటుంది. అయితే ఒక్కొసారి అదే అభిమానుల వల్ల చేదు అనుభవాలు కూడా ఎదురవుతుంటాయి. ముఖ్యంగా హీరోయిన్లకు. ఎలాంటి ఈవెంట్స్‌ అయినా, షూటింగ్స్‌లో అభిమానుల అత్యుత్సాహం వల్ల చేదు అనుభవాలు ఎదుర్కొంటారు. అభిమానం పేరుతో అనుచితంగా ప్రవర్తించి హీరోయిన్లను ఇబ్బంది పెడుతుంటారు.
Kajal Aggarwal About Shocking Incident: ఇక కాజల్ అగర్వాల్ కూడా ఇలాంటి అనుభవాలు పలుమార్లు ఎదురైన సంగతి తెలిసిందే. ఇటీవల ఓ జ్యూవెల్లర్‌ షాప్ ఒపెనింగ్‌కి వెళ్లిన కాజల్‌కి షాకింగ్‌ సంఘటన ఎదురైంది. సెల్ఫీ దిగేందుకు వచ్చి నడుముపై చేయి వేయబోయాడు. అయితే తనకే షూటింగ్‌లోనే అలాంటి ఒక అనుభవం ఎదురైంది చెప్పింది కాజల్. తన మూవీ సత్యభామ రిలీజైన సందర్భంగా కాజల్ ఇటీవల మీడియాతో ముచ్చటించింది. ఈ సందర్భంగా తన మూవీ విశేషాలు పంచుకున్న ఆమె షూటింగ్ లో తనకు ఎదురై ఓ భయానక సంఘటనను గుర్తు చేసుకుంది. ఈ ఇంటర్య్వూలోఆమె మాట్లాడుతూ ఓ వ్యక్తి చేసిన పనికి భయంతో వణికిపోయానని చెప్పింది.
అప్పుడు నేను ఓ మూవీ షూటింగ్‌లో ఉన్నాను. అది మొదటి రోజు షూటింగ్. షాట్‌ అయిపోయాక నేను నా క్యారవాన్‌లో వెళ్లి కూర్చున్న. అప్పుడు నాతో ఎవరూ లేరు. ఒక్కదాన్నే ఉన్నాను. సడెన్‌ డైరెక్షన్‌ డిపార్ట్‌మెంట్‌ నుంచి ఓ వ్యక్తి క్యారవాన్‌ లోపలికి వచ్చాడు. అతడు అసిస్టెంట్‌ డైరెక్టర్‌. లోపలికి రాగానే షర్ట్‌ విప్పి తన ఛాతీపై నా పేరుతో ఉన్న పచ్చబొట్టుని చూపించాడు. ఎవరు లేని టైంలో అతడు అలా చేసేసరికి చాలా భయపడ్డాను. నాపై అభిమానాన్ని టాటూ రూపంలో చూపించినందుకు సంతోషమే. కానీ ఇలా చేయడం మాత్రం కరెక్ట్ కాదని అతడికి వివరించాను. ఇంకేప్పుడు ఇలా చేయకూడదని కూడా స్మూత్‌గా వార్నింగ్ ఇచ్చాను' అంటూ కాజల్ చెప్పుకొచ్చింది. ప్రస్తుతం ఆమె కామెంట్స్ వైరల్‌ అవుతున్నాయి. దీనిపై నెటిజన్లు రకరకాలుగా స్పందిస్తున్నారు.
కాజల్ అగర్వాల్ (Kajal Aggarwal) ఇటీవల సత్యభామ సినిమాతో ప్రేక్షకులు ముందుకు వచ్చింది. సస్పెన్స్‌ థ్రిల్లర్‌గా వచ్చిన ఈ సినిమా మిక్స్‌డ్‌ టాక్‌ తెచ్చుకుంది. ఇందులో కాజల్‌కు జోడిగా నవీన్‌ చంద్ర నటించాడు. శశికిరణ్ తిక్క సమర్పణలో రూపొందిన ఈ సినిమాకు సుమన్ చిక్కాల దర్వకత్వం వహించాడు. అవురమ్ ఆర్ట్స్ పతాకంపై బాబీ తిక్క, శ్రీనివాసరావు తక్కలపల్లి ప్రొడ్యూస్ చేశారు. మరోవైపు కాజల్ కోలీవుడ్‌లో అత్యంత ప్రతిష్టాత్మకంగా తెరకెక్కిన 'ఇండియన్ 2' (Indian 2 Release Date) మూవీలో నటిస్తుంది. ఇందులో కమల్‌ హాసన్‌కు జోడి కట్టింది ఈ చందమామ. ఈ సినిమా జూలై 27న వరల్డ్‌ వైడ్‌గా రిలీజ్‌ కానుంది. ఈ క్రమంలో ఈ సినిమా నుంచి రేపు ఫస్ట్ సింగిల్‌ విడుదల కానుంది.
Also Read: మా అమ్మనాన్న విడాకులు తీసుకోలేదు - సంచలన విషయాలు బయటపెట్టిన పవిత్ర జయరామ్‌ కూతురు, భర్త ఎమోషనల్‌
టాప్ హెడ్ లైన్స్
ట్రెండింగ్ వార్తలు
