Janhvi Kapoor: తెలుగులో మరో భారీ ప్రాజెక్ట్‌ కొట్టేసిన జాన్వీ కపూర్‌ - నాని సినిమాలో హీరోయిన్‌గా ఫిక్స్‌ అయినట్టేనా?

Janhvi Kapoor Act in Nani-Srikanth Odela: తెలుగులో ఒక్క సినిమా రిలీజ్‌ కాకుండానే జాన్వీ వరుస ప్రాజెక్ట్స్‌కి సైన్‌ చేస్తుంది. ఇప్పటికే 'దేవర', RC16 వంటి భారీ ప్రాజెక్ట్స్‌ చేస్తుంది.

Image Credit: janhvikapoor/Instagram

Source : https://x.com/klapboardpost/status/1813025207734706471

Janhvi Kapoor in Nani 33 Movie: ఎంట్రీతోనే బాలీవుడ్‌ బ్యూటీ జాన్వీ కపూర్‌ టాలీవుడ్‌లో యమ జోరు చూపిస్తుంది. హిందీలో ఆడపదడపా సినిమాలు చేసుకుంటున్న జాన్వీ.. ఏకంగా పాన్‌ ఇండియా సినిమాతో టాలీవుడ్‌ ఎంట్రీ ఇస్తుంది. జూనియర్‌ ఎన్టీఆర్‌-కొరటాల శివ కాంబినేషన్‌లో పాన్‌ ఇండియా 'దేవర' (Devara Movie)మూవీ తెరకెక్కుతోన్న సంగతి తెలిసిందే. ప్రతిష్టాత్మకంగా రూపొందుతున్న ఈ చిత్రంలో జాన్వీ కపూర్‌ హీరోయిన్‌. ఈ సినిమాతోనే ఆమె టాలీవుడ్‌ ఎంట్రీ ఇస్తుంది.

ఈ మూవీ సెట్‌లో ఉండగానే రామ్‌ చరణ్‌తో మరో పాన్‌ ఇండియా మూవీ చేస్తుంది. ఇలా ఎంట్రీతోనే ఇద్దరు గ్లోబల్‌ స్టార్స్ సరసన నటించే చాన్స్‌ కొట్టేసింది జాన్వీ. దీంతో ఈ అమ్మడికి లక్క్‌ మామూలుగా లేదంటూ అంతా జాన్వీ గురించి మాట్లాడుకుంటున్నారు. బాలీవుడ్‌లో చెప్పుకోదగ్గ సినిమాలు లేకపోయినా.. టాలీవుడ్‌లో మాత్రం పాన్‌ ఇండియా సినిమాల ఆఫర్స్‌ కొట్టేసింది. ఎన్టీఆర్‌, రామ్‌ చరణ్‌ సినిమాలతో ఒక్కసారిగా టాలీవుడ్‌ సెన్సేషన్ గా నిలిచింది. తాజాగా ఈ భామ మరో క్రేజీ ప్రాజెక్ట్‌లో హీరోయిన్‌గా ఫిక్స్‌ అయినట్టు తెలుస్తోంది. అదే 'దసరా' కాంబినేషన్‌లో రాబోతున్న భారీ చిత్రం. న్యాచులర్‌ స్టార్‌ నాని, శ్రీకాంత్‌ ఓదెల కాంబోలో ఓ భారీ యాక్షన్‌ థ్రిల్లర్‌గా ఓ సినిమా తెరకెక్కనున్న సంగతి తెలిసిందే.

'నాని33'వ సినిమాగా రాబోతుంది. దసరా వంటి బ్లాక్‌బస్టర్‌ తర్వాత వీరిద్దరి కాంబోలో వస్తున్న రెండో సినిమా ఇది. దీంతో ఈ మూవీపై ప్రేక్షకుల్లో భారీ అంచనాలు నెలకొన్నాయి.  నాని కోసం శ్రీకాంత్‌ ఓదెల ఈ సినిమాను భారీగా ప్లాన్‌ చేశారట. స్క్రిప్ట్‌ కూడా నానికి బాగా నచ్చిందట. వెంటనే ఈసినిమా చేసేందుకు నాని చాలా ఎగ్జైటింగ్‌గా ఉన్నట్టు తెలుస్తోంది. సరిపోదా శనివారం అయిపోయాగానే ఈ సినిమా పట్టాలెక్కించేందుకు ప్లాన్‌ చేస్తున్నారట. దీంతో ఈ చిత్రంలో హీరోయిన్‌ వేటలో పడిందట మూవీ టీం.

Exclusive : #JanhviKapoor has signed her third Telugu film alongside #Nani for #Nani33, directed by Srinath Oddela.

Stay tuned for more updates on this promising collaboration! pic.twitter.com/Co85xrdRcW

— KLAPBOARD (@klapboardpost) July 16, 2024

ఈ క్రమంలో ఈ సినిమాకు జాన్వీని హీరోయిన్‌గా తీసుకోవాలని అనుకుంటున్నారట. ప్రస్తుతం దీనిపై చర్చలు జరుగుతున్నట్టు తెలుస్తోంది. ఇదే నిజమైతే మాత్రం ఈ అమ్మడి లక్‌ మామూలుగా లేదని చెప్పాలి. వచ్చిరాగానే మూడు పెద్ద సినిమాలు, అదీ పాన్‌ ఇండియా ప్రాజెక్ట్స్‌ ఆఫర్స్‌ కొట్టేసింది. దీంతో ఇక తెలుగులో జాన్వీ మోస్ట్‌ వాంటెడ్‌ హీరోయిన్‌ అయిపోతుందనడంలో సందేహం లేదు. కాగా ఆ మధ్య నాని నటనపై జాన్వీ కపూర్‌ ప్రశంసలు కురిపించిన సంగతి తెలిసిందే. నాని-మృణాల్ ఠాకూర్ జంటగా నటించి హాయ్‌ నాన్న సినిమా మంచి విజయం సాధించింది. మూవీపై ప్రశంసలు కురిపించింది. నాని.. ఎప్పటిలాగే అదరగొట్టాడు అంటూ నాని నటనను ప్రశంసించింది.