Indian 2 First Review: 'ఇండియన్ 2' ఫస్ట్ రివ్యూ... ఆడియన్స్‌లో బజ్ తక్కువే కానీ సూపర్ హిట్ రిపోర్ట్!

Bharateeyudu 2 First Review: కమల్ హాసన్, శంకర్ కలయికలో సూపర్ డూపర్ హిట్ 'భారతీయుడు'కు సీక్వెల్‌గా తెరకెక్కిన సినిమా 'భారతీయుడు 2'. ఈ శుక్రవారం విడుదలవుతున్న ఈ సినిమా ఫస్ట్ రివ్యూ ఎలా ఉందో చూడండి.

'భారతీయుడు 2' సినిమాలో కమల్ హాసన్

Source : Other

Kamal Haasan Indian 2 First Review In Telugu: లోకనాయకుడు కమల్ హాసన్, సౌత్ ఇండియన్ స్టార్ ఫిల్మ్ మేకర్ శంకర్ షణ్ముగం కాంబినేషన్‌లో తెరకెక్కిన తాజా సినిమా 'ఇండియన్ 2'. తెలుగు ప్రేక్షకుల ముందుకు 'భారతీయుడు 2' (Bharateeyudu 2)గా, హిందీలో 'హిందుస్తానీ 2'గా తీసుకు వస్తున్నారు. జూలై 12... అంటే ఈ శుక్రవారం భారీ ఎత్తున ప్రపంచవ్యాప్తంగా సినిమా విడుదల అవుతోంది. మరి, బజ్ సంగతి ఏంటి? ఫస్ట్ రివ్యూ ఎలా ఉంది? అనేది చూస్తే... 

2024లో పవర్ ఫుల్ ఫిల్మ్ 'ఇండియన్ 2'
'ఇండియన్ 2'కు సెన్సార్ బోర్డు 'యు/ఎ' సర్టిఫికెట్ ఇచ్చింది. సినిమా రన్ టైమ్ 180.04 మినిట్స్! అంటే... అక్షరాలా మూడు గంటలు అన్నమాట. అటు చెన్నై, ఇటు హైదరాబాద్ నుంచి ఫస్ట్ రివ్యూ రాలేదు. దుబాయ్ నుంచి వచ్చింది. తనకు తాను సెన్సార్ బోర్డు మెంబర్ అని చెప్పుకొనే సోషల్ మీడియా సెన్సేషన్ ఉమైర్ సందు తెలుసు కదా! అతడు సోషల్ నెట్వర్కింగ్ సైట్ 'ఎక్స్'లో 'ఇండియన్ 2' రివ్యూ షేర్ చేశాడు. 

'ఇండియన్ 2'ను వారం క్రితమే చూశానని ఉమైర్ సందు పేర్కొన్నాడు. ''సెన్సార్ బోర్డులో ఇప్పుడే 'ఇండియన్ 2' చూశా. మైండ్ బ్లోయింగ్'' అని జూలై 3న ట్వీట్ చేశారు. అతడు బుధవారం రాత్రి మళ్ళీ 'ఇండియన్ 2' గురించి ట్వీట్ చేశారు. ''ఈ ఏడాది వచ్చిన పవర్ ఫుల్ సినిమా ఇది. వారం క్రితమే చూశా. మజా ఆగాయా'' అని ఉమైర్ పేర్కొన్నాడు. సినిమాకు 3.5 రేటింగ్ ఇచ్చాడు. సాధారణంగా ప్రతి సిన్మా రిలీజ్ ముందు అతడు నెగెటివ్ రివ్యూలు ఇస్తూ పాపులర్ అయ్యాడు. కానీ, కమల్ 'ఇండియన్ 2'కు పాజిటివ్ రివ్యూ ఇవ్వడం విశేషం.

Powerful Film of the Year !! I already watched it last week at Censor Board ! Maza a gaya ! #indian2

3.5⭐️/5⭐️ https://t.co/ggjIN8VboO

— Umair Sandhu (@UmairSandu) July 10, 2024

First Review #Indian2 :

Paisa Vasool Action Thriller with Powerful Social message! #KamalHaasan Stole the show all the way. Biggest Tamil Hit of 2024 on the way.

3.5⭐️/5⭐️ pic.twitter.com/3jMFhBj7Dn

— Umair Sandhu (@UmairSandu) July 10, 2024

ఇంటర్వెల్ ముందు కమల్ హాసన్ ఎంట్రీ!
ఒక్క సినిమా అనుకుని రెండు భాగాలు చేయడంతో 'ఇండియన్ 2'లో ఉండాల్సిన కాజల్ అగర్వాల్ క్యారెక్టర్ 'ఇండియన్ 3'లోకి వెళ్లింది. 'ఇండియన్ 2'లోనూ కొన్ని మార్పులు జరిగాయి. ఇంటర్వెల్ ముందు కమల్ హాసన్ క్యారెక్టర్ స్క్రీన్ మీద ఎంటర్ అవుతుంది. అప్పటి వరకు సిద్దార్థ్ కథను నడిపించనున్నారు. ఆయనకు జోడీగా రకుల్ ప్రీత్ సింగ్ సందడి చేయనున్నారు.

'ఇండియన్ 2' సినిమాలో గుల్షన్ గ్రోవర్, ఎస్.జె. సూర్య, ప్రియా భ‌వానీ శంక‌ర్‌, వివేక్‌, కాళిదాస్ జ‌య‌రామ్, స‌ముద్ర‌ఖ‌ని, బాబీ సింహ‌, నెడుముడి వేణు ప్రధాన పాత్రల్లో కనిపించనున్నారు. కామెడీ కింగ్ బ్ర‌హ్మానందం అతిథి పాత్రలో సందడి చేయనున్నారు. ఈ చిత్రానికి అనిరుద్ రవిచందర్ సంగీతం అందించారు. అతడి పాటలను రెహమాన్ 'భారతీయుడు 2' పాటలతో కంపేర్ చేయడంతో కొన్ని విమర్శలు వచ్చాయి.