IIFA Utsavam 2024 Winners List: ఐఫా 2024 విన్నర్స్ లిస్ట్... చిరుకు స్పెషల్, నానికి బెస్ట్ యాక్టర్, బాలయ్యకు ఏ అవార్డు వచ్చిందో తెలుసా?

మూడు రోజుల పాటు ఘనంగా జరగనున్న 'ఐఫా 2024' వేడుక అబుదాబిలో సెప్టెంబర్ 27న స్టార్ట్ అయ్యింది. మొదటి రోజు ఈ ప్రతిష్టాత్మక అవార్డులు అందుకున్న స్టార్స్ ఎవరో తెలుసుకుందాం పదండి.

ఐఫా 2024 అవార్డ్స్ విన్నర్స్ లిస్ట్

Source : https://www.instagram.com/p/DAb0KwPon2H/?igsh=emVxODA0dHF0N3Ni&img_index=1

అత్యంత ప్రతిష్టాత్మకంగా జరిగే ఇంటర్నేషనల్ ఇండియన్ ఫిలిం అకాడమీ (IIFA) అవార్డ్స్ 24వ ఎడిషన్ శుక్రవారం ఘనంగా ప్రారంభమైంది. తెలుగు, తమిళ, మలయాళ, కన్నడ వంటి దక్షిణాది చలనచిత్ర పరిశ్రమల నుంచి పలువు స్టార్స్ అవార్డులు అందుకోబోతున్న ఐఫా ఉత్సవం మూడు రోజుల పాటు కన్నుల పండుగగా జరగబోతోంది. 

మెగాస్టార్ కి అవుట్ స్టాండింగ్ అచీవ్మెంట్ హానర్ 
అబుదాబిలో సెప్టెంబర్ 27న బాలీవుడ్ సౌత్ ఫిలిం ఇండస్ట్రీలకు చెందిన దిగ్గజ నటీనటులందరినీ ఒకే తాటిపైకి తీసుకువస్తూ ఐఫా ఉత్సవం మొదటి రోజు అత్యద్భుతంగా జరిగింది. ఇక ఈ వేడుకలో పలువురు నటీనటులు, టెక్నీషియన్లకు అవార్డులను అందజేశారు. అలాగే భారతీయ సినిమా చరిత్రలో అత్యుత్తమ విజయాన్ని సాధించిన మెగాస్టార్ చిరంజీవిని బెస్ట్ అచీవ్‌మెంట్ ఫర్ ఇండియన్ సినిమా అవార్డుతో ఘనంగా సత్కరించారు. ప్రముఖ బాలీవుడ్ నటి షబానా అజ్మీ, ప్రముఖ గీత రచయిత జావేద్ అక్తర్‌లు ఆయనను సన్మానించారు. అంతేకాకుండా ఉమెన్ ఆఫ్ ది ఇయర్ అనే అవార్డును సౌత్ క్వీన్ సమంత రూత్ ప్రభు గెలుచుకోవడం విశేషం. ఈ ఈవెంట్లో మణిరత్నం, ఐశ్వర్యారాయ్ బచ్చన్, బాలకృష్ణ, చిరంజీవి, వెంకటేష్ వంటి స్టార్స్ అందరూ ఒకే ఫ్రేమ్ లో కన్పించి స్పెషల్ అట్రాక్షన్ గా నిలిచారు. రెండవ రోజు ఐఫా అవార్డ్స్ నైట్ లో పలువురు బాలీవుడ్ స్టార్స్ ప్రేక్షకులను అలరించునున్నారు. ఇక ఈ వేడుకలో మొదటి రోజు అవార్డులు అందుకున్న సౌత్ స్టార్స్ ఎవరెవరో ఒక లుక్కేద్దాం పదండి.

ఐఫా 2024 అవార్డ్స్ విన్నర్స్ లిస్ట్ పూర్తి 
ఉత్తమ చిత్రం (తమిళం): జైలర్
ఉత్తమ నటుడు (తెలుగు): నాని (దసరా)
ఉత్తమ నటుడు (తమిళం): విక్రమ్ (పొన్నియిన్ సెల్వన్: 2 )
ఉత్తమ నటి (తమిళం): ఐశ్వర్య రాయ్ (పొన్నియిన్ సెల్వన్: 2)
ఉత్తమ దర్శకుడు (తమిళం): మణిరత్నం (పొన్నియిన్ సెల్వన్: 2)
ఉత్తమ దర్శకుడు (తెలుగు): అనిల్ రావిపూడి (భగవంత్ కేసరి)
ఉత్తమ సంగీత దర్శకత్వం (తమిళం): , ఏఆర్ రెహమాన్ (పొన్నియిన్ సెల్వన్: 2)
బెస్ట్ అచీవ్‌మెంట్ ఫర్ ఇండియన్ సినిమా : చిరంజీవి
భారతీయ సినిమాకు అత్యుత్తమ సహకారం : ప్రియదర్శన్
ఉమెన్ ఆఫ్ ది ఇయర్ ఇన్ ఇండియన్ సినిమా : సమంత రూత్ ప్రభు
బెస్ట్ విలన్ (తమిళం) : ఎస్జె స్సూర్య (మార్క్ ఆంటోని)
బెస్ట్ విలన్ (తెలుగు): షైన్ టామ్ చాకో (దసరా)
బెస్ట్ విలన్ (మలయాళం): అర్జున్ రాధాకృష్ణన్ (కన్నూర్ స్క్వాడ్)
బెస్ట్ సపోర్టింగ్ రోల్ - మేల్ (తమిళం): జయరామ్ (పొన్నియిన్ సెల్వన్: 2)
బెస్ట్ సపోర్టింగ్ రోల్ - ఫిమేల్ (తమిళం): సహస్ర శ్రీ (చిత్త)
గోల్డెన్ లెగసీ అవార్డు: నందమూరి బాలకృష్ణ
కన్నడ సినిమాలో అత్యుత్తమ ప్రతిభ (అవుట్ స్టాండింగ్ ఎక్సలెన్స్): రిషబ్ శెట్టి
బెస్ట్ డెబ్యూ (మహిళ - కన్నడ): ఆరాధనా రామ్ (కాటెరా) 

ఒకే ఫ్రేమ్ లో ముగ్గురు లెజెండ్స్ 
ఇక ఐఫా వేదికపై ముగ్గురు టాలీవుడ్ లెజెండ్స్ చిరంజీవి, బాలకృష్ణ, వెంకటేష్ ఒకే ఫ్రేమ్ లో కన్పించి, అభిమానులకు ఐ ఫీస్ట్ ఇచ్చారు. ప్రస్తుతం ఈ పిక్ సోషల్ మీడియాలో తెగ వైరల్ అవుతోంది. ఇదిలా ఉండగా రెండో రోజు ఐఫా వేడుకల్లో ప్రేక్షకులను అలరించడానికి షారుఖ్ ఖాన్, విక్కీ కౌశల్, కరణ్ జోహార్ వంటి హిందీ తారలు వేదికపైకి రానున్నారు. సీనియర్ నటి రేఖ చాలా కాలం తర్వాత ఐఫా వేదికపై ప్రదర్శన ఇవ్వనుంది. ఆమె 150 మంది డ్యాన్సర్లతో 22 నిమిషాల పాటు ప్రదర్శన ఇవ్వనున్నట్లు సమాచారం.