Kalki 2898 AD Collections: కలెక్షన్స్ విషయంలో ‘కల్కి 2898 ఏడీ’ జోరు - ప్రపంచవ్యాప్తంగా ఎంత కలెక్ట్ చేసిందంటే?

Kalki 2898 AD Box Office Collections: నాగ్ అశ్విన్, ప్రభాస్ కాంబినేషన్‌లో తెరకెక్కిన ‘కల్కి 2898 ఏడీ’.. ప్రేక్షకులను మెప్పించడంతో పాటు కలెక్షన్స్ విషయంలో కూడా దూసుకుపోతోంది.

కల్కి 2898 ఏడీ (Image Credit: Kalki 2898 AD/Instagram)

Source : Other

Kalki 2898 AD World Wide Box Office Collections: ఒక సినిమాను సరిగా ప్రమోట్ చేసి, ఎక్కువమంది ప్రేక్షకులను రీచ్ అయ్యేలా చేస్తే కచ్చితంగా దానికి ఓపెనింగ్స్ బాగుంటాయి. అదే సినిమాను ప్రేక్షకులు చూసిన తర్వాత మౌత్ టాక్ బాగుంటే కలెక్షన్స్ విషయంలో దూసుకుపోతుంది. ప్రస్తుతం ‘కల్కి 2898 ఏడీ’ పరిస్థితి కూడా అదే. ప్రీ బుకింగ్ దగ్గర నుండి, ఫస్ట్ డే కలెక్షన్స్ వరకు అన్ని కోణాల్లో ‘కల్కి 2898 ఏడీ’ రికార్డులు సృష్టిస్తూనే ఉంది. ఇక విడుదలయిన వారం రోజుల్లోనే ఓ రేంజ్‌లో కలెక్షన్స్ సాధించింది. ఇప్పుడు రెండో వారంలోకి అడుగుపెట్టడంతో అసలు ఈ మూవీ ఇప్పటివరకు ఎంత కలెక్షన్స్ సాధించిందో మేకర్స్ రివీల్ చేశారు.

పాజిటివ్ టాక్..

నాగ్ అశ్విన్ డైరెక్షన్‌లో తెరకెక్కిన ‘కల్కి 2898 ఏడీ’పై ప్రేక్షకుల్లో ముందు నుండే భారీగా అంచనాలు ఉన్నాయి. దాదాపు మూడేళ్ల క్రితమే ఈ సినిమాను ఫైనల్ చేశారు మేకర్స్. ఆ తర్వాత ప్రీ ప్రొడక్షన్ పనులు పూర్తి చేయడానికే చాలాకాలం పట్టింది. ఇక షూటింగ్ మొదలుపెట్టిన తర్వాత కూడా పలు ఇబ్బందులు ఎదురయ్యాయి. ఫైనల్‌గా మూవీ రిలీజ్ అవుతుంది అనుకున్న తర్వాత కూడా రెండుసార్లు పోస్ట్‌పోన్ అయ్యింది. అలా అన్ని అడ్డంకులను దాటి జూన్ 27న ‘కల్కి 2898 ఏడీ’ ప్రేక్షకుల ముందుకు వచ్చింది. ఈ సినిమా బెనిఫిట్ షో నుండే పాజిటివ్ టాక్ రావడంతో కలెక్షన్స్ కూడా అదే రేంజ్‌లో ఉన్నాయి.

రికార్డ్ స్థాయి కలెక్షన్స్..

‘కల్కి 2898 ఏడీ’ విడుదలయిన ఫస్ట్ వీకెండ్‌లోనే ప్రపంచవ్యాప్తంగా రూ.700 కోట్లకు పైగా గ్రాస్ కలెక్షన్స్‌ను సాధించి అందరినీ ఆశ్చర్యపరిచింది. ఇక విడుదలయిన మొదటి వారం పూర్తయ్యే సమయానికి ‘కల్కి 2898 ఏడీ’.. రూ.800 కోట్ల మార్క్‌ను టచ్ చేసింది. ఈ విషయాన్ని స్వయంగా మేకర్స్ తమ సోషల్ మీడియాలో షేర్ చేశారు. ఇక ఈ మూవీ స్పీడ్ చూస్తుంటే త్వరలోనే కచ్చింగా రూ.1000 కోట్ల మార్క్‌ను కూడా టచ్ చేస్తుందని ఫ్యాన్స్ ఆశిస్తున్నారు. ఇప్పటికీ ఇంకా చాలా థియేటర్లలో హౌజ్‌ఫుల్ షోలు రన్ అవుతుండడంతో రూ.1000 కోట్లు ఈజీగా కలెక్ట్ చేస్తుందని భావిస్తున్నారు.

 

 

 

 

 

View this post on Instagram

 

 

 

 

 

 

 

 

 

 

 

A post shared by Vyjayanthi Movies (@vyjayanthimovies)

యాక్టింగ్‌కు ఫిదా..

‘కల్కి 2898 ఏడీ’లో ప్రభాస్ హీరోగా నటించినా కూడా ఇందులో ఇతర నటీనటులు అందరూ కలిసి సినిమాను నిలబెట్టారని ప్రేక్షకులు పాజిటివ్ రివ్యూలు అందించారు. ముఖ్యంగా అమితాబ్ బచ్చన్ పాత్రకు ప్రేక్షకులు ఫిదా అవుతున్నారు. ఈ వయసులో ఆయన అలాంటి యాక్షన్ సీన్స్ చేయడం మామూలు విషయం కాదని ప్రశంసిస్తున్నారు. ఆయనతో పాటు కమల్ హాసన్ కూడా తన క్యారెక్టర్‌తో అందరినీ ఆశ్చర్యపరిచారు. మిగతా స్టార్ల గెస్ట్ రోల్స్ కూడా ప్రేక్షకులను అలరించాయి.