GV Prakash Kumar: కోట్లు ఇచ్చినా కొన్ని పనులు చేయను... పవన్ రూటులో జీవీ ప్రకాష్

GV Prakash On Commercial Ads: తెలుగు స్టార్ హీరోల్లో పవన్ కళ్యాణ్ తనకంటూ ఓ పాలసీ పెట్టుకున్నారు యాడ్స్ విషయంలో. చూస్తుంటే జీవీ ప్రకాష్ కుమార్ కూడా ఆ రూటులో వెళుతున్నట్టు అనిపించింది.

కోట్లు ఇచ్చినా కొన్ని పనులు చేయను... అందులో మొదటి ఇదే - జీవీ ప్రకాష్

Source : https://www.instagram.com/p/DXbtQWbAY-9/?img_index=1

కొంత మంది సెలబ్రిటీలు సినిమాల కంటే ఎక్కువ యాడ్స్ చేస్తుంటారు. బుల్లితెర తారలు, బిగ్ బాస్ సెలబ్రిటీలు, సినిమా తారలు ఇలా అందరూ తమ స్థాయికి తగ్గట్టుగా ప్రమోషన్లు చేస్తుంటారు. బ్రాండ్ ప్రమోషన్స్‌తో లక్షలు, కోట్లలో డబ్బు వస్తుందన్న సంగతి తెలిసిందే. ఇక టాప్ హీరోలకు అయితే కోట్లలో రెమ్యూనరేషన్ ఉంటుంది. కొంత మంది సెలబ్రిటీలు మాత్రం ఎన్ని కోట్లు ఇచ్చినా సరే కొన్ని యాడ్స్‌ చేయడానికి ఒప్పుకోరు. పవర్ స్టార్ పవన్ కళ్యాణ్ కెరీర్ ప్రారంభంలో ఓ కూల్ డ్రింక్ యాడ్ చేసినా తర్వాత మానేశారు. కానీ మరి కొంత హీరోలు జనాల ప్రాణాలకు హానికరం అని తెలిసినా కూడా గుట్కా, పాన్ మసాలా, మందు బ్రాండ్‌లకు ప్రమోషన్స్ చేస్తుంటారు. చూస్తుంటే జీవీ ప్రకాష్ కుమార్ కూడా పవన్ రూటులో వెళుతున్నట్టు అనిపించింది.

కొంత మంది సెలబ్రిటీలు మాత్రం ఎన్ని కోట్లు ఇచ్చినా సరే జనాలకు చెడు చేసే వాటికి అస్సలు ప్రమోషన్స్ చేయరు. తాజాగా జీవీ ప్రకాష్ సైతం ఇలాంటి కేటగిరీలోనే ఉంటారు. తాజాగా ఓ మీడియా సమావేశంలో జీవీ ప్రకాష్ మాట్లాడిన మాటలు వైరల్ అవుతున్నాయి. తనకు ఎన్నో కోట్ల రోపాయల ఆఫర్స్ వచ్చాయని, కూల్ డ్రింక్స్‌ని ప్రమోట్ చేయమని అడిగారని, తాను మాత్రం అంగీకరించలేదని జీవీ ప్రకాష్ తెలిపారు. ఆల్కహాల్, గ్యాంబ్లింగ్ వంటి వాటికి సంబంధించిన ప్రమోషన్స్ తాను ఎన్నటికీ చేయను అని, ఎన్ని కోట్లు ఇచ్చినా చేయను అని తెగేసి చెప్పారు జీవీ ప్రకాష్.

కొంత మంది హీరోలు మాత్రం కోట్లు వస్తున్నాయంటే ఎలాంటి ప్రకటనలు చేసేందుకు అయినా సిద్దపడుతుంటారు. గుట్కా యాడ్స్ విషయంలో కొంత మంది బాలీవుడ్ స్టార్లు విమర్శలు సైతం ఎదుర్కొన్నారు. జీవీ ప్రకాష్ చేసిన ఈ కామెంట్లు మాత్రం నెటిజన్లను ఆకట్టుకుంటున్నాయి. జీవీ ప్రకాష్ నిజంగానే గ్రేట్.. అని నెటిజన్లు ప్రశంసలు కురిపిస్తున్నారు. ఇప్పటికీ కొంత మంది హీరోలు అసలు బ్రాండ్ ప్రమోషన్స్ జోలికి వెళ్లరన్న సంగతి తెలిసిందే.