Drishyam 3 Collections: 'దృశ్యం 3' @ 180 కోట్లు... స్టడీగా మోహన్ లాల్ సినిమా కలెక్షన్లు... ఏడో రోజు ఎంత వచ్చిందంటే?

Drishyam 3 Box Office Collection Day 7: వీకెండ్ తర్వాత మోహన్ లాల్ 'దృశ్యం 3' సినిమా బాక్సాఫీస్ బరిలో స్టడీగా కలెక్షన్లు రాబడుతోంది. విడుదలైన ఏడు రోజుల్లో ఈ సినిమా ఎంత కలెక్ట్ చేసిందో తెలుసుకోండి.

మోహన్ లాల్ దృశ్యం 2 ఫస్ట్ వీక్ కలెక్షన్స్

Source : https://www.instagram.com/p/DYm5zbSpSY8/

మోహన్‌ లాల్ (Mohanlal) కథానాయకుడిగా మలయాళ దర్శకుడు జీతూ జోసెఫ్ (Jeethu Joseph) తెరకెక్కించిన ఇన్వెస్టిగేటివ్ థ్రిల్లర్ 'దృశ్యం 3' (Drishyam 3). ఈ సినిమా బాక్సాఫీస్ బరిలో దూసుకుపోతోంది. థియేటర్లలో విడుదలైన ఏడు రోజుల్లో ప్రపంచ వ్యాప్తంగా భారీ వసూళ్ళు సాధించింది. ఏడు రోజుల్లో ఎన్ని కోట్లు వచ్చాయి? ఫస్ట్ వీక్ కలెక్షన్స్ ఎంత? అనేది తెలుసుకోండి.

'దృశ్యం 3' ఫస్ట్ వీక్ కలెక్షన్స్ @ 183 కోట్లు...
దృశ్యం 3 సినిమా ఏడో రోజున (అంటే బుధవారం) ఇండియాలో రూ. 6.65 కోట్ల నెట్ కలెక్షన్స్ సాధించింది. ఆరో రోజు (రూ. 6.50 కోట్లు) కలెక్షన్లతో కంపేర్ చేస్తే కొంచెం బెటర్ అని చెప్పాలి. 2.3 శాతం గ్రోత్ ఉంది. 

• తొలి వారం ముగిసే సమయానికి ఇండియాలో 'దృశ్యం 3' నెట్ కలెక్షన్లు రూ. 75.30 కోట్లకు చేరుకున్నాయి.
• ఇండియాలో 'దృశ్యం 3' ఫస్ట్ వీక్ గ్రాస్ కలెక్షన్స్ రూ. 87.38 కోట్లు.
• ఓవర్సీస్‌లోనూ 'దృశ్యం 3' హవా కొనసాగుతోంది. ఏడో రోజున విదేశాల్లో ఈ సినిమా రూ. 5 కోట్లు గ్రాస్ వసూలు చేసింది.
• 'దృశ్యం 3' టోటల్ ఫస్ట్ వీక్ ఓవర్సీస్ గ్రాస్ రూ. 95.70 కోట్లు.
• ప్రపంచవ్యాప్తంగా మొదటి వారంలో 'దృశ్యం 3' రూ. 183.08 కోట్ల గ్రాస్ కలెక్ట్ చేసి సంచలనం సృష్టించింది.
• ప్రజెంట్ సినిమాకు వస్తున్న కలెక్షన్స్ చూస్తుంటే... సెకండ్ వీకెండ్ ముగిసే సమయానికి 200 కోట్ల క్లబ్బులో చేరుతుందని చెప్పవచ్చు.

తెలుగు రాష్ట్రాల్లో రోజుకు రూ. 50 లక్షలు!
ఏపీ, తెలంగాణ... తెలుగు రాష్ట్రాల్లో కూడా 'దృశ్యం 3' చెప్పుకోదగ్గ రీతిలో వసూళ్ళు రాబడుతోంది. బుధవారం (మే 27న) ఈ సినిమా తెలుగు వెర్షన్ రూ. 50 లక్షల నెట్ సాధించింది. అయితే ఆక్యుపెన్సీ తక్కువగా ఉంది. తెలుగు మార్కెట్‌లో ఏవరేజ్ 14.19% ఆక్యుపెన్సీ నమోదు అవుతోంది. థియేటర్లలో విడుదలైన మొదటి వారం రోజుల్లో 'దృశ్యం 3' తెలుగు వెర్షన్ రూ. 6.35 కోట్ల నెట్ కలెక్షన్స్ రాబట్టింది. సినిమాకు మొదటి రోజు నెగిటివ్ టాక్ వచ్చింది. క్రిటిక్స్ బాలేదని తేల్చారు. మిక్స్డ్ రివ్యూస్ వచ్చాయి. అయితే మోహన్ లాల్ స్టార్ డమ్ సినిమాకు కోట్ల కలెక్షన్స్ తెచ్చి పెడుతోంది. 

'దృశ్యం' సినిమాలో జార్జ్‌ కుట్టిని కేవలం ఒక కేబుల్ టీవీ ఆపరేటర్‌గా చూపించారు. మూడో భాగం వచ్చేసరికి ఆయనొక విజయవంతమైన నిర్మాతగా ఎదిగినట్లు చూపించారు. తన కుటుంబాన్ని కాపాడుకోవడం కోసం, కుటుంబ గౌరవం కోసం తాను దాచిన నిజం, పాత రహస్యాలు మళ్లీ అతడిని ఎలా వెంటాడాయి? భయం భయంగా బతుకుతున్న కుమార్తెను, భయం నీడలో బతుకుతున్న కుటుంబాన్ని ఓ తండ్రిగా ఎలా కాపాడుకున్నాడు? అనేది సినిమా కోర్ పాయింట్.