Velpari Movie Update : 'వేల్పారి'లో మల్టీ సారర్స్ - శంకర్ డ్రీమ్ ప్రాజెక్టులో సూపర్ కాంబో... అప్పుడు మిస్ అయినా...

Ranveer Singh : స్టార్ డైరెక్టర్ శంకర్ తన డ్రీమ్ ప్రాజెక్ట్ 'వేల్పారి' కోసం మల్టీ స్టార్స్‌ను రంగంలోకి దించనున్నట్లు తెలుస్తోంది. చియాన్ విక్రమ్‌ ప్రధాన పాత్ర పోషించనున్నట్లు తెలుస్తోంది.

వేల్పారిలో చియాని విక్రమ్

Source : https://www.instagram.com/p/Cuj7tYvPFwZ/

Director Shankar Is Considering Making His Magnum Opus Velpari With Vikram Ranveersingh : 'గేమ్ ఛేంజర్', 'భారతీయుడు 2' వంటి డిజాస్టర్స్ తర్వాత స్టార్ డైరెక్టర్ శంకర్ డ్రీమ్ ప్రాజెక్ట్ 'వేల్పారి' అనౌన్స్ చేసిన సంగతి తెలిసిందే. ఈ మూవీ అనౌన్స్ చేసినప్పటి నుంచీ భారీ హైప్ క్రియేట్ అవుతోంది. తాజాగా ఈ మూవీ గురించి మరో క్రేజీ అప్డేట్ వైరల్ అవుతోంది.

హీరోగా చియాన్ విక్రమ్

ఈ మూవీలో చియాన్ విక్రమ్ ప్రధాన పాత్ర పోషించనున్నట్లు తెలుస్తోంది. అలాగే, బాలీవుడ్ స్టార్ రణవీర్ సింగ్ కూడా ముఖ్య పాత్ర కోసం తీసుకోనున్నట్లు సమాచారం. ఇద్దరు మల్టీ స్టార్స్‌ను తన బిగ్ ప్రాజెక్టులో చూపించేందుకు శంకర్ రెడీ అవుతున్నారట. అలాగే, కోలీవుడ్ స్టార్ సూర్య కూడా కీలక పాత్ర పోషించనున్నారనే టాక్ వినిపిస్తోంది. మరి దీనిపై అఫీషియల్ అనౌన్స్‌మెంట్ రావాల్సి ఉంది.

'SU వెంకటేశన్' నవల ఆధారంగా ఈ మూవీని తెరకెక్కనుంది. అత్యంత ప్రజాదరణ కలిగి సాహిత్య అకాడమీ అవార్డును సైతం అందుకుంది ఈ నవల. 'అవతార్' టెక్నాలజీతో దాదాపు రూ.1000 కోట్ల భారీ బడ్జెట్‌తో మూవీని తెరకెక్కించేందుకు శంకర్ ప్లాన్ చేస్తున్నారట. 

అప్పుడు మిస్... ఇప్పుడు

చియాన్ విక్రమ్ హీరోగా నటించిన 'అపరిచితుడు' బాక్సాఫీస్ వద్ద సంచలన విజయం సాధించిన సంగతి తెలిసిందే. ఈ మూవీని బాలీవుడ్ స్టార్ రణవీర్ సింగ్‌తో రీమేక్ చేయాలని శంకర్ భావించారు. అప్పట్లో ఈ ప్రాజెక్ట్ ట్రాక్ ఎక్కినా అనుకోని కారణాలతో ఆగిపోయింది. ఇప్పుడు మళ్లీ రణవీర్‌ను తన డ్రీమ్ ప్రాజెక్ట్ 'వేల్పారి'లోకి తీసుకుంటున్నారు. 'ధురంధర్' సక్సెస్‌తో ఫుల్ జోష్‌లో ఉన్న రణవీర్ శంకర్ డ్రీమ్ ప్రాజెక్టులో నటిస్తుండడంతో భారీ హైప్ క్రియేట్ అవుతోంది.

అందులోనూ ఇద్దరు మల్టీ స్టార్స్ కలిసి 'వేల్పారి'లో నటిస్తున్నారనే ప్రచారంతో అది పదింతలు అవుతోంది. హిస్టారికల్ బ్యాక్ డ్రాప్‌గా తెరకెక్కనున్న మూవీలో విక్రమ్, రణవీర్ దుమ్ము లేపుతారంటూ కామెంట్స్ చేస్తున్నారు. మూవీని నిర్మించేందుకు బాలీవుడ్ నిర్మాణ సంస్థ పెన్ స్టూడియోస్ ఆసక్తి చూపిస్తున్నట్లు కోలీవుడ్ వర్గాలు పేర్కొన్నాయి. అన్నీ కుదిరితో త్వరలోనే ట్రాక్ ఎక్కనుంది. 

మరిన్ని చదవండి

ధురంధర్ To రొమాంటిక్ కామెడీ 'పతంగ్' - శుక్రవారం ఓటీటీలో వచ్చే మూవీస్ లిస్ట్