Dhamaka At 100 Cr: రవితేజ కెరీర్‌లో అరుదైన రికార్డ్ - రూ.100 కోట్ల క్లబ్‌లో ‘ధమాకా’

రవితేజ హీరోగా తెరకెక్కిన రీసెంట్ బ్లాక్ బస్టర్ సినిమా ‘ధమాకా’. ఈ సినిమా నాలుగు రోజుల్లోనే బ్రెక్ ఈవెన్ టార్గెట్ ను సాధించగా.. తాజాగా 100 కోట్ల క్లబ్ లో చోటు దక్కించుకొని రికార్డు సృష్టించింది.

Image Credit: People Media Factory/Twitter

మాస్ మహారాజ్ రవితేజ మంచి ఫామ్ లో ఉన్నాడు. వరుసగా సినిమాలు చేస్తూ దూసుకుపోతున్నాడు. ఇటీవల ఆయన నటించిన సినిమా ‘ధమాకా’. ఈ సినిమాకు త్రినాధరావు నక్కిన దర్శకత్వం వహించగా ‘పెళ్లి సందD’ ఫేమ్ బ్యూటీ శ్రీలీల హీరోయిన్ గా నటించింది. ప్రస్తుతం ఈ మూవీ బాక్స్ ఆఫీస్ వద్ద మాస్ జాతర చేస్తోంది. ఈ సినిమా విడుదలైన మొదటి రోజు మిశ్రమ స్పందన వచ్చింది. తర్వాత రెండో రోజు నుంచి సూపర్ హిట్ టాక్ తో కాసుల వర్షం కురిపిస్తోంది. సినిమాలో మాస్ ఎలిమెంట్స్, యాక్షన్ సీన్స్, రవితేజ వింటేజ్ యాటిట్యూడ్ ప్రేక్షకులను ఆకట్టుకుంది. ముఖ్యంగా సినిమాలో పాటలకు మంచి స్పందన వస్తోంది. దీంతో ప్రేక్షకులు థియేటర్లకు క్యూ కడుతున్నారు. తాజాగా ఈ మూవీ కలెక్షన్ల విషయంలో సరికొత్త రికార్డును సృష్టించింది. బాక్స్ ఆఫీస్ వద్ద ‘ధమాకా’ 100 కోట్ల రూపాయల వసూళ్లు సాధించి.. చరిత్ర సృష్టించింది. రవితేజ కెరీర్‌లోనే వంద కోట్ల క్లబ్ లో చోటు సంపాదించుకున్న మొదటి సినిమా ఇదే కావడం విశేషం. దీంతో మాస్ మహరాజ్ ఫ్యాన్స్ సంబరాలు జరుపుకుంటున్నారు. 

‘ధమాకా’ సినిమా విడుదలకు ముందు నుంచీ మంచి హైప్ తీసుకొచ్చారు మూవీ మేకర్స్. ఈ సినిమాలో వింటేజ్ రవితేజను చాలా రోజుల తర్వాత చూశామంటూ ఆనందం వ్యక్తం చేస్తున్నారు ఫ్యాన్స్. ఈ మూవీ గతేడాది డిసెంబర్ 23న ప్రేక్షకుల ముందుకు వచ్చింది. విడుదలైన నాలుగు రోజుల్లోనే ఈ చిత్రం బ్రేక్ ఈవెన్ టార్గెట్ ను క్రాస్ చేయడం విశేషం. ఇక అప్పటి నుంచి నిర్మాతలు లాభాలు లెక్కపెట్టుకుంటూనే వస్తున్నారు. సినిమా విడుదల అయిన రెండు వారాల్లోనే రూ.100 కోట్లు వసూళ్లు సాధించింది. ఈ చిత్రం ప్రీ రిలీజ్ బిజినెస్ కూడా దాదాపు రూ.20 కోట్ల మేర జరుపుకుంది. ఇక ఏ విధంగా చూసినా సినిమా నిర్మాతలకు 30 నుంచి 40 కోట్లు లాభాలు వచ్చినట్టేనని చెబుతున్నాయి ట్రేడ్ వర్గాలు. ఫుల్ అవుట్ అండ్ అవుట్ యాక్షన్ ఎంటర్టైనర్ గా తెరకెక్కిన ఈ చిత్రంలో రవితేజ యాక్టింగ్ కు ఫ్యాన్స్ ఫిదా అయ్యారు.

MassMaharaja @RaviTeja_offl 's
Bombarding 1️⃣0️⃣0️⃣ CR+..
Reverberating Rampage 💥#DhamakaBlockBuster in Cinemas Now 🥳🤩#Dhamaka

Book your tickets nowhttps://t.co/iZ40p9utmY@sreeleela14 @TrinadharaoNak1 @vishwaprasadtg @vivekkuchibotla @KumarBezwada pic.twitter.com/Nb82bElsW1

— People Media Factory (@peoplemediafcy) January 6, 2023

అంతే కాదు మరో వారం రోజుల పాటు తెలుగులో సినిమా రిలీజ్ లు ఏమీ లేవు. కాబట్టి ఇదే ట్రెండ్ కంటిన్యూ అయితే ‘ధమాకా’ తో రవితేజ మరో మ్యాజిక్ చేసినట్టే అవుతుంది. ఇప్పటికే ఈ మూవీ పదో రోజు తెలుగులో అత్యధిక కలెక్షన్స్ సాధించిన సినిమాల లిస్ట్ లోకి ఎక్కింది. తాజాగా వంద కోట్ల క్లబ్ లోకి చేరింది. మరి మున్ముందు ఇంకెన్ని కోట్ల వసూళ్లు రాబడుతుందో చూడాలి. గతంలో రవితేజ నటించిన ‘ఖిలాడీ’, ‘రామారావు ఆన్ డ్యూటీ’ వంటి సినిమాలు ఫ్లాప్ లుగా నిలిచాయి. అయితే మళ్లీ ‘ధమాకా’ హిట్ తో ఫామ్ లోకి వచ్చాడు రవితేజ. ఈ మూవీ తర్వాత ఆయన మెగా స్టార్ చిరంజీవి తో కలసి చేసిన ‘వాల్తేరు వీరయ్య’ సినిమా సంక్రాంతి కానుకగా విడుదల కానుంది.