Deva Katta: ఎన్టీఆర్ సినిమాకు దేవకట్టా డైరెక్షన్... ఇదిగో క్లారిటీ వచ్చేసింది

Deva Katta On Dragon: ఎన్టీఆర్ హీరోగా ప్రశాంత్ నీల్ డైరెక్ట్ చేస్తున్న సినిమా 'డ్రాగన్'. ఈ సినిమాకు దర్శకత్వంలో దేవ కట్టా కూడా ఓ చెయ్యి వెయ్యబోతున్నారని వార్తలు వచ్చాయి. వాటిపై ఆయన క్లారిటీ ఇచ్చారు.

ఎన్టీఆర్, దేవ కట్టా గురించి సోషల్ మీడియాలో ఓ పోస్ట్ వైరల్ అవుతోంది. దానిపై ఆయన క్లారిటీ ఇచ్చారు.

Source : https://x.com/devakatta/status/2065319195076907089

Show Quick Read

Key points generated by AI, verified by newsroom

• క్లిక్స్ కోసం తప్పుడు వార్తలు వ్యాపిస్తున్నాయని కట్టా ఆవేదన చెందారు.
• తన తదుపరి ప్రాజెక్టు రచన, ప్రీ-ప్రొడక్షన్ పనులలో నిమగ్నమయ్యారు.
• రాజమౌళి - మహేష్ బాబు 'వారణాసి'కి కట్టా సంభాషణలు అందిస్తున్నారు.

దర్శకుడు దేవ కట్టా (Deva Katta)కు సపరేట్ ఫ్యాన్ బేస్ ఉంది. విలక్షణ కథలు, సినిమాలతో తెలుగు చిత్రసీమలో తనకంటూ ప్రత్యేక గుర్తింపు తెచ్చుకున్నారు. రాజకీయ నేపథ్యంలో ప్రజలలో ఆలోచన రేకెత్తించే, అవగాహన కల్పించే సినిమాలు తీయడం ఆయన స్టైల్. నారా చంద్రబాబు నాయుడు, వైఎస్ రాజశేఖర్ రెడ్డిని గుర్తు చేసేలా 'మయసభ' వెబ్ సిరీస్ తీసి ఓటీటీలో భారీ హిట్ కొట్టారు. ఆ తర్వాత మరొక ప్రాజెక్ట్ స్టార్ట్ చేయలేదు. అయితే కొన్ని రోజులుగా ఆయన నెక్స్ట్ సినిమా గురించి సోషల్ మీడియాలో కొన్ని రూమర్స్ చక్కర్లు కొడుతున్నాయి. సదరు పుకార్లపై ఆయన స్పందించారు. వాటిపై క్లారిటీ ఇచ్చారు.

ఎన్టీఆర్ 'డ్రాగన్'కు దేవ కట్టా డైరెక్షన్.... 
దేవ కట్టా మీద వచ్చిన రూమర్లు ఏమిటి?
ఎన్టీఆర్ కథానాయకుడిగా ప్రశాంత్ నీల్ దర్శకత్వం వహిస్తున్న పాన్ ఇండియా యాక్షన్ డ్రామా 'డ్రాగన్'. దీనికి దేవ కట్టా డైలాగులు రాస్తున్నారని కొన్ని రోజుల నుంచి ప్రచారం జరుగుతోంది. ఇప్పుడు మరో అడుగు ముందుకు వేసి 'డ్రాగన్' సినిమాలో కొన్ని కీలకమైన ఘట్టాలకు దేవ కట్టా దర్శకత్వం వహిస్తున్నారని ప్రచారం మొదలు పెట్టారు.

ఎన్టీఆర్ 'డ్రాగన్'కు దేవ కట్టా ఘోస్ట్ డైరెక్షన్ చేస్తున్నాని మాత్రమే కాదు... ఏపీ డిప్యూటీ సీఎం పవన్ కళ్యాణ్ హీరోగా దేవ కట్టా సినిమా చేయనున్నారని కూడా మరో ప్రచారం ఎప్పట్నుంచో జరుగుతోంది. ఈ ప్రచారాలకు ఆయన చెక్ పెట్టారు.

అవన్నీ క్లిక్స్ కోసం చేసే పనులు...
దేవ కట్టా మీద రూమర్స్ ఎక్కువ అవ్వడంతో సోషల్ మీడియాలో ఆయన ఒక పోస్ట్ చేశారు. దాంతో రూమర్లు అన్నిటికీ క్లారిటీ ఇచ్చినట్టు అయ్యింది. వెబ్‌ సైట్లకు వచ్చే క్లిక్స్, వ్యూస్ కోసం అవాస్తవాలను ప్రచారం చేస్తున్నారని దేవ కట్టా ఆవేదన వ్యక్తం చేశారు. ఇతరుల సినిమాలకు తాను ఒక్క షాట్ కూడా డైరెక్ట్ చేయలేదని ఆయన స్పష్టం చేశారు. అటువంటి వార్తలను అభిమానులు అస్సలు నమ్మవద్దని ఆయన విజ్ఞప్తి చేశారు. దాంతో ఎన్టీఆర్ 'డ్రాగన్'కు దేవ కట్టా డైరెక్షన్ చేస్తున్నారని వచ్చిన వార్తలు ఫేక్ అని తేలింది. తన 'ఎక్స్' పోస్ట్ (ట్వీట్)లో 'డ్రాగన్' పేరును దేవ కట్టా ప్రస్తావించలేదు. కానీ, క్లారిటీ మాత్రం వచ్చింది.

Been spending most of my time writing and developing my next film. Excited about the journey ahead.

Just to clear some rumours circulating in bad taste for clicks — I’m not at all directing even a single shot from any other films!! Looking forward to sharing updates on my most…

— deva katta (@devakatta) June 12, 2026

ప్రస్తుతం తన దృష్టి అంతా త్వరలో చేయబోయే ప్రాజెక్ట్‌ మీద ఉందనిదేవ కట్టా తెలిపారు. ఆ సినిమాకు సంబంధించిన రైటింగ్, ప్రీ ప్రొడక్షన్ పనుల్లో చాలా బిజీగా ఉన్నట్లు ఆయన పేర్కొన్నారు. తన తదుపరి చిత్రానికి సంబంధించిన వివరాలను త్వరలో అధికారికంగా వెల్లడిస్తానని ఆయన తెలిపారు. అయితే... సూపర్ స్టార్ మహేష్ బాబు - దర్శక ధీరుడు రాజమౌళి కలయికలో రూపొందుతున్న 'వారణాసి' సినిమాకు దేవ కట్టా డైలాగులు రాస్తున్నారని తెలిసింది. 'వారణాసి' టైటిల్ లాంచ్ ప్రోగ్రాంలో ఆయన కూడా హాజరైన సంగతి తెలిసిందే.