CID Series OTT Streaming: సూపర్ హిట్ క్రైమ్ థ్రిల్లర్ టీవీ షో 'సీఐడీ' - మరో ఓటీటీలోనూ స్ట్రీమింగ్.. ఎప్పటి నుంచో తెలుసా?

CID OTT Streaming: టీవీ ప్రేక్షకులను విపరీతంగా అలరించిన క్రైమ్ థ్రిల్లర్ షో 'సీఐడీ'. ఇటీవలే సీజన్ 2 ప్రారంభం కాగా.. సోనీ లివ్‌లో స్ట్రీమింగ్ అవుతోంది. తాజాగా నెట్ ఫ్లిక్స్‌లోనూ స్ట్రీమింగ్ కానుంది.

మరో ఓటీటీలోకి సీఐడీ సీజన్ 2

Source : Twitter (X)

CID Crime Thriller Series Now Streaming On Netflix: 'CID' అంటే క్రైమ్ ఇన్వెస్టిగేషన్ డిపార్ట్‌మెంట్. క్రైమ్ జరిగితే ఈ డిపార్ట్‌మెంట్ ఎలా విచారణ చేస్తుందో అనేదే ప్రధానాంశంగా రూపొందించిన క్రైమ్ థ్రిల్లర్ టీవీ షో 'సీఐడీ'. 1998లో ప్రారంభమైన ఈ టీవీ షో 2018 వరకూ మొత్తం 1,547 ఎపిసోడ్లు ఏకధాటిగా ప్రసారమై ప్రేక్షకులకు విపరీతమైన థ్రిల్లింగ్‌ను పంచింది. దీనికి కొనసాగింపుగా కొద్ది రోజుల క్రితమే 'సీఐడీ 2' (CID 2) సైతం ప్రారంభమైంది. ఫస్ట్ సీజన్ పూర్తైన ఆరేళ్ల తర్వాత గతేడాది డిసెంబర్ నుంచి కొత్త సీజన్ మొదలైంది. ప్రస్తుతం ప్రముఖ ఓటీటీ 'సోనీ లివ్'లో (Sony LIV) స్ట్రీమింగ్ అవుతున్న సిరీస్.. మరో ఓటీటీలోనూ స్ట్రీమింగ్ కాబోతోంది.

CID, ab Netflix ke darwaze par bhi 🔥💥
Kal se dekhiye CID naye season ke saare released episodes Netflix par bhi! Saath hi naye episodes har Shanivaar aur Ravivaar raat 10 baje🕵️‍♂️#CIDonNetflix pic.twitter.com/sR7za5rg5e

— Netflix India (@NetflixIndia) February 20, 2025

Iska matlab samjhe Daya? CID ab Netflix par bhi aa chuka hai🔥💪
Aur har Shanivaar aur Ravivaar, dekhiye naye episodes, raat 10 baje se!#CIDonNetflix pic.twitter.com/eSRZXlVFZw

— Netflix India (@NetflixIndia) February 21, 2025

శుక్రవారం (ఫిబ్రవరి 21) నుంచి 'నెట్ ఫ్లిక్స్' (Netflix) ఓటీటీలోనూ స్ట్రీమింగ్ అవుతుంది. ఈ మేరకు సదరు ఓటీటీ ప్రోమో రిలీజ్ చేసింది. 'సీఐడీ ఇప్పుడు నెట్ ఫ్లిక్స్ దగ్గరికి కూడా వచ్చింది. సీఐడీ కొత్త సీజన్ అన్నీ ఎపిసోడ్స్ శుక్రవారం రాత్రి నుంచి నెట్ ఫ్లిక్స్‌లో చూడండి. అంతేకాదు కొత్త ఎపిసోడ్స్ ప్రతి శని, ఆదివారాల్లో రాత్రి 10 గంటలకు స్ట్రీమింగ్ అవుతాయి.' అని నెట్ ఫ్లిక్స్ తెలిపింది. ఇప్పటివరకూ కొత్త సీజన్‌లో 18 ఎపిసోడ్స్ పూర్తయ్యాయి. సీఐడీ క్రైమ్ షోలో శివాజీ సతమ్, దయానంద్ శెట్టి, ఆదిత్య శ్రీవాస్తవ తదితరులు ప్రధాన పాత్రలు పోషించారు. ఓ క్రైమ్‌ కేస్‌ను సీఐడీ ఎంత చాకచక్యంగా సాల్వ్ చేస్తుందో ఈ టీవీ షోలో చూపించారు. ఈ షోకు దేశవ్యాప్తంగా ఫ్యాన్స్ ఉన్నారు.