Ramam Movie: రామం - ది రైజ్ ఆఫ్ అకిరా... తెలుగు నిర్మాత నుంచి పాన్ ఇండియా సినిమా

Producer Venu Donepudi: చిత్రాలయం స్టూడియోస్ అధినేత వేణు దోనేపూడి కొత్త సినిమా అనౌన్స్ చేశారు. పాన్ ఇండియా స్థాయిలో 'రామం' చిత్రాన్ని ప్రొడ్యూస్ చేయనున్నట్లు శ్రీరామనవమి సందర్భంగా చెప్పారు.

రామం - ది రైజ్ ఆఫ్ అకిరా... తెలుగు నిర్మాత నుంచి పాన్ ఇండియా సినిమా

Source : https://x.com/ChitralayamOffl

Ramam Movie: పాన్ ఇండియా సినిమాలు తీయడంలో తెలుగు నిర్మాతలు మిగతా భాషల ఇండస్ట్రీల కంటే తెలుగు నిర్మాతలు ముందు ఉన్నారు. శ్రీరామనవమి  (Sriramanavami) సందర్భంగా చిత్రాలయం స్టూడియోస్ అధినేత వేణు దోనేపూడి కూడా ఓ పాన్ ఇండియా అనౌన్స్ చేశారు.

రామం... ది రైజ్ ఆఫ్ అకిరా!
'రామం' సినిమాలో టాలీవుడ్ యంగ్ హీరో నటిస్తారని వేణు దోనేపూడి తెలిపారు. ఈ సినిమాకు 'ది రైజ్ ఆఫ్ అకిరా' అనేది ట్యాగ్ లైన్. ధర్మ సంస్థాపన కోసం శ్రీరాముడు యుద్ధం చేశారు. ఆయన అడుగుజాడల్లో నడుస్తూ ఆయన చూపించిన బాట ప్రపంచానికి ఆదర్శం అని చాటి చెప్పిన వీరునికి సంబంధించి భారతీయ వెండి తెరపై ఇప్పటి వరకు రానటువంటి ఓ గొప్ప యోధునికి సంబంధించిన కథాంశంతో ఈ సినిమా రూపొందిస్తున్నట్టు వేణు దోనేపూడి తెలిపారు. 

'రామం' సినిమాతో చిత్రసీమలో పలువురి దర్శకుల దగ్గర పని చేసిన లోక‌మాన్య‌ని దర్శకుడిగా పరిచయం చేస్తున్నారు వేణు దోనేపూడి. భారీ నిర్మాణ వ్యయం, ఇంకా అంత‌ర్జాతీయ సాంకేతిక విలువ‌ల‌తో పాన్ ఇండియా స్థాయిలో భారీ ఎత్తున ఈ సినిమాను నిర్మించనున్నట్టు తెలిపారు. శ్రీరామనవమి సందర్భంగా 'రామం' టైటిల్ అనౌన్స్ చేయడంతో పాటు ప్రీ లుక్ పోస్టర్, మోషన్ పోస్టర్‌ విడుదల చేశారు.

Unleashing the Warrior’s Saga 💥#RAMAM ~ The Rise of Akira
The journey begins here.

Wishing you all a Happy Shri Rama Navami. 🏹

Step into the Chitralayam Cinematic Experience.@lokamanya_9 @VenuDonepudi @ChitralayamOffl #KondalJinna @vaisakhn06 #Aagaman2026 #JaiShriRam pic.twitter.com/ohx0QDgUAo

— Chitralayam Studios (@ChitralayamOffl) April 6, 2025

'రామం' సినిమా గురించి వేణు దోనేపూడి మాట్లాడుతూ... ''సమస్త మానవాళికి తారక మంత్రం శ్రీరామ నామం. ధర్మ సంస్థాపనకు ఆ శ్రీరామచంద్రుడు చూపిన బాట, అధర్మం నిర్మూలించటానికి ఆయన కోదండం చేపట్టి చూపిన వీరత్వం గురించి ఎంత చెప్పిన తక్కువే. అటువంటి గొప్ప సమగ్ర మూర్తిమత్వం స్ఫూర్తితో ఈ తరం కథకు రామరాజ్యాన్ని కనెక్ట్ చేస్తూ ప్రపంచ తెరపై ఇప్పటి వరకు రానటువంటి వైవిధ్యమైన కథతో ఈ సినిమా తీస్తున్నాం. ప్రీ ప్రొడ‌క్ష‌న్ ప‌నులు జ‌రుగుతున్నాయి. త్వ‌ర‌లో చిత్రీకరణ ప్రారంభిస్తాం. మిగతా వివరాలు త్వ‌ర‌లో తెలియ‌జేస్తాం'' అని అన్నారు.

మరిన్ని చదవండి

అనసూయ సినిమా రిలీజ్ ఎందుకు లేట్ అవుతోంది? బీజేపీ పెద్దల సపోర్ట్ ఉన్నా కష్టాలు ఎందుకు?