Chiranjeevi : రామ్ చరణ్ నటనకు నేషనల్ అవార్డు - మెగాస్టార్ రియాక్షన్ ఏంటంటే?
Chiranjeevi Reaction : పెద్దిలో రామ్ చరణ్ నటన అద్భుతమని ప్రశంసించారు మెగాస్టార్ చిరంజీవి. తాజాగా పెద్ది చూసిన ఆయన టీంకు అభినందనలు తెలియజేశారు.
Chiranjeevi Interaction With Director Buchibabu Sana For Peddi Success : మెగా పవర్ స్టార్ రామ్ చరణ్ పెద్ది బాక్సాఫీస్ వద్ద రికార్డు కలెక్షన్స్తో దూసుకెళ్తోంది. వరల్డ్ వైడ్గా 268 కోట్లకు పైగా కలెక్షన్స్తో చరణ్ కెరీర్లోనే సరికొత్త రికార్డు క్రియేట్ చేసింది. ఈ సందర్భంగా మెగాస్టార్ చిరంజీవి సూపర్ హ్యాపీగా ఉన్నారు. తాజాగా సినిమా చూసిన ఆయన మూవీ టీంను అభినందించారు. డైరెక్టర్ బుచ్చిబాబుతో, టీం సభ్యులతో మాట్లాడారు.
చరణ్ నటన అద్భుతం
సినిమాలో చరణ్ నటన చూసిన తర్వాత పుత్రోత్సాహం కలిగిందని అన్నారు చిరంజీవి. 'చరణ్ నటన అద్భుతం. ఎమోషన్స్ కళ్లతోనే పండించారు. చరణ్ నటించలేదు. ఆ పాత్రలో ఒదిగి జీవించాడు. అందుకే ఆడియన్స్ ఇన్వాల్వ్ అయ్యారు. అప్పలసూరి మరణం తర్వాత సినిమా గ్రిప్పింగ్లోకి వెళ్లింది. నేషనల్ అవార్డుకు మించిన సంతృప్తి ఇచ్చారు. నా కొడుకుని చూస్తుంటే నిజంగా చాలా గర్వంగా ఉంది. చరణ్తో పాటు అప్పలసూరిగా జగపతిబాబు పాత్రలో లీనమైపోయారు.' అంటూ సంతోషం వ్యక్తం చేశారు.
'శ్రమకు తగ్గ ప్రతిఫలం'
రెజ్లింగ్ యాక్షన్ సీన్స్, బాడీ ట్రాన్స్ఫర్మేషన్ కోసం చరణ్ చాలా కష్టపడినట్లు చెప్పారు చిరు. 'చరణ్ ఇంట్లో ఎలా కష్టపడేవాడో నాకు తెలుసు. ఉదయం 5 గంటలకు లేచి కాసేపు వర్కౌట్స్ చేసి మూవీ సెట్కు వచ్చి ఈవినింగ్ షూట్ కంప్లీట్ అయిన తర్వాత మళ్లీ నీరసంగా వచ్చి కాస్త సూప్ తాగి మళ్లీ జిమ్కు వెళ్లిపోయేవాడు. 70 రోజులు ప్యూర్ వెజిటేరియన్గా ఉన్నాడు. అది చూసి కొన్నిసార్లు చాలా బాధేసింది. అయితే, ఆ కష్టానికి తగ్గ ప్రతిఫలం దక్కింది. పెద్ది ఓ ఇన్ స్పిరేషన్ మూవీ.' అని చెప్పారు.
సార్ ఒక్క ఛాన్స్ ప్లీజ్
'సార్ చరణ్ గారు ఓ ఛాన్స్ ఇచ్చారు. మీరు కూడా నాకు ఓ ఛాన్స్ ఇవ్వండి ప్లీజ్. మూవీ చేస్తా.' అన్నారు డైెరెక్టర్ బుచ్చిబాబు. దీనికి నవ్వుతూ ఆన్సర్ ఇచ్చారు చిరు. 'నువ్వు అలా పరిగెత్తమని, దూకమని అలాంటి సీన్స్ చెయ్యమంటే వెళ్లెళ్లవయ్యా అంటా.' అంటూ నవ్వులు పూయించారు.
Also Read : Aishwarya Rajesh : విజయ్, అజిత్లను రీప్లేస్ చేయగలరా? - హీరోయిన్ ఐశ్వర్య రాజేష్ ఇంట్రెస్టింగ్ ఆన్సర్
Before You Go
Trinayani Serial Actress Ashika Padukone | 'త్రినయని' ఆషికా రియల్ లైఫ్ సీక్రెట్స్
టాప్ హెడ్ లైన్స్
ట్రెండింగ్ వార్తలు
