Chiranjeevi: 'గబ్బర్ సింగ్' రమేష్‌కు 'మెగా'స్టార్ అండ... చికిత్సకు సాయం, కుటుంబ సభ్యులకు చెక్ అందజేత

Gabbar Singh Ramesh Health Update: బ్రెయిన్ స్ట్రోక్‌ రావడంతో నటుడు 'గబ్బర్ సింగ్' రమేష్ ఆస్పత్రి పాలైన సంగతి తెలిసిందే. ఆయన కుటుంబానికి మెగాస్టార్ చిరంజీవి అండగా నిలిచారు.

చిరంజీవి మానవత్వం... నటుడు రమేష్‌కు భారీ సాయం, అండగా మెగా ఫ్యామిలీ

Source : ABPLIVE AI

Show Quick Read

Key points generated by AI, verified by newsroom

• మెగాస్టార్ చిరంజీవి నటుడు రమేష్‌ చికిత్సకు వెంటనే స్పందించారు.
• ఆ కుటుంబానికి మూడు లక్షల చెక్కు, ఆరోగ్య పర్యవేక్షణ చేశారు.
• నాగబాబు రెండు లక్షలు, ప్రభుత్వ పథకం సాయం కూడా అందించారు.

తోటి కళాకారులకు అండగా నిలబడటంలో, వాళ్ళ కష్టసుఖాల్లో ఎప్పుడూ ముందు ఉండే మెగాస్టార్ చిరంజీవి (Chiranjeevi) మరోసారి తన మానవత్వాన్ని, మంచి మనసును చాటుకున్నారు. 'గబ్బర్ సింగ్'తో పాటు పలు చిత్రాల్లో విలన్, కామెడీ రోల్స్ చేసి ప్రేక్షకులను అలరించిన నటుడు రమేష్ (Gabbar Singh Ramesh Actor) ఇటీవల బ్రెయిన్ స్ట్రోక్‌కు గురై అపోలో ఆసుపత్రిలో చికిత్స పొందుతున్న  సంగతి తెలిసిందే. ఆ విషయం తెలుసుకున్న చిరంజీవి వెంటనే స్పందించారు.

రమేష్ కుటుంబానికి మూడు లక్షల సాయం
అపోలో ఆసుపత్రిలో డాక్టర్ సుబ్బారెడ్డితో మాట్లాడుతూ ఎప్పటికప్పుడు రమేష్ ఆరోగ్య పరిస్థితిని చిరంజీవి తెలుసుకుంటున్నారు. అతని చికిత్సకు అవసరమైన అన్ని విధాల సహాయం చేస్తున్నారు. ప్రత్యేక శ్రద్ధ తీసుకున్నారు. రమేష్ త్వరగా కోలుకుని సంపూర్ణ ఆరోగ్యంతో తిరిగి రావాలని చిరంజీవి ఆకాంక్షించారు.

రమేష్ కుటుంబ సభ్యులను చిరంజీవి పరామర్శించారు. చికిత్స ఖర్చులకు ఎటువంటి ఇబ్బందులు ఎదురు కాకూడదనే ఉద్దేశంతో రమేష్ సతీమణికి మూడు లక్షల రూపాయల చెక్కును అందజేశారు చిరంజీవి. అంతే కాకుండా... రాష్ట్ర ప్రభుత్వ ఆరోగ్య బీమా పథకం ద్వారా కూడా అవసరమైన సహాయం అందేలా సిఫార్సు చేస్తామని రమేష్ కుటుంబ సభ్యులకు చిరంజీవి హామీ ఇచ్చారు.

మెగా కుటుంబం నుంచి 'గబ్బర్ సింగ్' రమేష్ కుటుంబానికి మరో రెండు లక్షల రూపాయల సాయం అందింది. శనివారం (జూలీ 25న) నాగబాబు తన తరఫున రెండు లక్షల రూపాయల చెక్కును అందించారు. తోటి కళాకారుల పట్ల చిరంజీవి, ఆయన కుటుంబ సభ్యులు చూపిస్తున్న ఆప్యాయత, ఆత్మీయత, బాధ్యతాభావానికి ఇది మరో నిదర్శనంగా నిలిచిందని రమేష్ కుటుంబ సభ్యులు కృతఙ్ఞతలు తెలిపారు. సినీ కార్మికులు, నటీనటులు అవసరంలో ఉన్నప్పుడు చిరంజీవి ఎన్నో సందర్భాల్లో సహాయం అందించారు.