Allu Arjun: బసిల్ జోసెఫ్‌తో అల్లు అర్జున్ సినిమా కన్ఫర్మ్... హింట్ ఇచ్చిన దర్శకుడు

Allu Arjun Basil Joseph Movie: మలయాళ కథానాయకుడు, దర్శకుడు బసిల్ జోసెఫ్ దర్శకత్వంలో ఐకాన్ స్టార్ అల్లు అర్జున్ ఓ సినిమా చేయనున్నారు. ఆ వార్తను దర్శకుడు కన్ఫర్మ్ చేశారు.

అల్లు అర్జున్ 25వ సినిమాపై బసిల్ జోసెఫ్ హింట్... 'ఐకాన్' క్యాప్‌తో క్లారిటీ

Source : https://www.instagram.com/ibasiljoseph/

Show Quick Read

Key points generated by AI, verified by newsroom

• అల్లు అర్జున్‌తో సినిమాపై దర్శకుడు బసిల్ జోసెఫ్ హింట్ ఇచ్చారు.
• “ఐకాన్” క్యాప్ షేర్ చేస్తూ, అధికారిక ప్రకటన ఇంకా రాలేదు.
• బన్నీ 25వ చిత్రంగా తెరకెక్కే అవకాశముంది, ‘శక్తిమాన్’ కాదని స్పష్టం.

ఐకాన్ స్టార్ అల్లు అర్జున్ (Allu Arjun), మాలయాళ దర్శకుడు బసిల్ జోసెఫ్ (Basil Joseph) కాంబినేషన్‌లో ఓ సినిమా రాబోతోంది. ఆ వార్తలు ఇటు టాలీవుడ్, అటు మాలీవుడ్ సినిమా ఇండస్ట్రీలలో ఎప్పట్నుంచో పెద్ద ఎత్తున వినిపిస్తున్నాయి. ఆ మధ్య జరిగిన అల్లు శిరీష్ పెళ్ళిలో బసిల్ జోసెఫ్ కనిపించడం వెనుక కారణం కూడా అదేనని తెలిసింది. అయితే... ఈ సినిమాను దర్శకుడు కన్ఫర్మ్ చేశారు. ఓ హింట్ ఇచ్చారు. 

ఇన్‌స్టాలో 'ఐకాన్' క్యాప్ షేర్ చేసిన బసిల్!
బసిల్ జోసెఫ్ తన ఇన్‌స్టాగ్రామ్ అకౌంట్‌లో ఓ ఫోటో షేర్ చేశారు. అందులో ఓ క్యాప్ ఉంది. ఆ క్యాప్ మీద 'Icon' అని ఉంది. ఆ ఫోటోను ఆయన ఇన్‌స్టా స్టోరీలో కూడా షేర్ చేశారు. దాంతో అల్లు అర్జున్‌తో చేయబోయే సినిమా గురించి ఇన్ డైరెక్ట్ హింట్ ఇచ్చారని అర్థం అవుతోంది. 

ఇప్పటి వరకు ఇటు అల్లు అర్జున్ గానీ, అటు బసిల్ జోసెఫ్ గానీ తామిద్దరం కలిసి సినిమా చేస్తున్నామని అనౌన్స్ చేయలేదు. ఈ ప్రాజెక్టుకు సంబంధించి ఎటువంటి అధికారిక ప్రకటన రాలేదు. అయితే... గత కొన్నాళ్లుగా దర్శకుడు, హీరో మధ్య చర్చలు అయితే జరుగుతున్నాయని తెలిసింది.

 

 

 

 

 

View this post on Instagram

 

 

 

 

 

 

 

 

 

 

 

A post shared by Basil ⚡Joseph (@ibasiljoseph)

బన్నీతో చేయబోయేది 'శక్తిమాన్' కాదు - బసిల్!
టోవినో థామస్ హీరోగా బసిల్ జోసెఫ్ దర్శకత్వం వహించిన సూపర్ హీరో సినిమా 'మిన్నల్ మురళి'కి చాలా మంది ఫ్యాన్స్ ఉన్నారు. ఆ తర్వాత ఆయన మరో సూపర్ హీరో కథ 'శక్తిమాన్' రెడీ చేశారు. బన్నీతో ఆ సినిమా చేయబోతున్నారని వార్తలు వచ్చాయి. అయితే... అది కాదని బసిల్ జోసెఫ్ స్పష్టం చేశారు. కథ గురించి కాస్త కూడా క్లారిటీ ఇవ్వలేదు. అల్లు కుటుంబానికి చెందిన గీతా ఆర్ట్స్ పతాకంపై ఈ సినిమా నిర్మించే అవకాశం ఉందని సమాచారం.

ప్రస్తుతం అట్లీ దర్శకత్వంలో కథానాయకుడిగా నటిస్తున్న 'రాకా' (Raaka) సినిమా పనుల్లో బిజీగా ఉన్నారు అల్లు అర్జున్. ఆ తర్వాత లోకేష్ కనగరాజ్ దర్శకత్వంలో మరో సినిమా చేయనున్నారు. ఆ కమిట్‌మెంట్లను పూర్తి చేసిన తర్వాత బసిల్ జోసెఫ్ సినిమా పట్టాలు ఎక్కే అవకాశం ఉంది. అట్లీతో చేస్తున్నది అల్లు అర్జున్ 22వ సినిమా. అప్పుడు లోకేష్ కనగరాజ్ మూవీ 23 అవుతుంది. బసిల్ జోసెఫ్ సినిమాను తన 25వ సినిమా చేయాలని బన్నీ భావిస్తున్నారట. మధ్యలో ఎవరితో సినిమా చేస్తారో చూడాలి.