Amitabh Bachchan: కూతురికి కాస్ట్‌లీ గిఫ్ట్ ఇచ్చిన అమితాబ్ - కోట్లు విలువ చేసే బంగ్లా బహుమతిగా!
Amitabh Bachchan: అమితాబ్ బచ్చన్ ఎంతోకాలం నివసించిన ‘ప్రతీక్ష’ బంగ్లాను కూతురు శ్వేతా నందకు గిఫ్ట్ ఇచ్చారు. ఆ బంగ్లా విలువ ఎంతో తెలుసుకోవడానికి ప్రేక్షకులు ఆసక్తి చూపిస్తున్నారు.
Amitabh Bachchan Daughter : సినీ సెలబ్రిటీలు తమ వారసులకు ఇచ్చే గిఫ్ట్స్ విలువ చాలావరకు కోట్లలోనే ఉంటుంది. తాజాగా బాలీవుడ్‌లో బిగ్ బీగా పేరు తెచ్చుకున్న అమితాబ్ బచ్చన్ కూడా తన కూతురుకు ఒక స్పెషల్ గిఫ్ట్ అందించారని టాక్ వినిపిస్తోంది. తను ఎంతోకాలం ఉన్న ఇల్లును కూతురి పేరుపై మార్చేశాడట అమితాబ్. ఇప్పటికే రిజిస్ట్రేషన్ పనులు కూడా పూర్తయ్యాయని సమాచారం. అమితాబ్ కూతురు శ్వేతా నందకు అందిన ఈ బంగ్లా విలువ తెలిసి బాలీవుడ్ ప్రేక్షకులు షాక్ అవుతున్నారు.
మొత్తం మూడు ఇల్లులు..
అమితాబ్ బచ్చన్‌కు ముంబాయ్‌లోని జుహూలో దాదాపు మూడు ఇల్లులు ఉన్నాయి. అందులో ఒకటి ‘ప్రతీక్ష’. నటుడిగా తన కెరీర్‌ను ప్రారంభించిన సమయంలో చాలా ఏళ్లపాటు ప్రతీక్షలోనే తన ఫ్యామిలీతో కలిసి నివసించారు అమితాబ్. దాంతోపాటు జుహూలోనే ‘జల్సా’, ‘జనక్’ అనే మరో రెండు ఇల్లులు కూడా ఉన్నాయి. ప్రస్తుతం అమితాబ్.. తన కుటుంబంతో కలిసి ‘జల్సా’లో ఉంటున్న సంగతి తెలిసిందే. అయితే తను ఇష్టంగా చూసుకున్న ప్రతీక్ష బంగ్లాను తాజాగా తన కూతురు శ్వేతా నందకు గిఫ్ట్‌గా రాసి ఇచ్చేశారట బిగ్ బి.
బంగ్లా విలువ ఎన్ని కోట్లంటే..?
జుహూలోని విఠల్‌నగర్ కో ఆపరేటివ్ హౌజింగ్ సొసైటీలో రెండు ప్లాట్స్‌లో ప్రతీక్షను కట్టారు అమితాబ్ బచ్చన్. అందులో ఒక ప్లాట్ 674 చదరపు మీటర్లు ఉండగా.. మరొక ప్లాట్ 890.47 చదరపు మీటర్లు ఉంటుంది. అయితే ఈ బంగ్లా విలువ దాదాపు రూ.50.63 కోట్లు విలువ ఉంటుందని సమాచారం. నవంబర్ 8న రెండు వేర్వేరు గిఫ్ట్ డీడ్స్‌ను సిద్ధం చేసి ప్రతీక్షను శ్వేత నందా పేరు మీద మార్చారట అమితాబ్. అంతే కాకుండా దీనికోసం రూ.50.65 లక్షల స్టాంప్ డ్యూటీని కూడా రెజిస్ట్రేషన్ కోసం అందించారట. అమితాబ్ బచ్చన్‌కు ఇద్దరు వారసులు ఉండగా.. అందులో అభిషేక్ బచ్చన్ పలు బాలీవుడ్ చిత్రాల్లో నటించి.. ప్రేక్షకులకు సుపరిచితుడు అయ్యాడు. ఇక కూతురు శ్వేతా నందా.. రచయితగా, బిజినెస్‌మ్యాన్‌గా తన పర్సనల్ లైఫ్‌గా బిజీ అయిపోయింది. ‘ప్యారడైజ్ టవర్స్’ అనే నవలను రచించి తనలోని రైటర్‌ను బయటపెట్టింది శ్వేతా. శ్వేతా నంద ఎక్కువగా సోషల్ మీడియాలో యాక్టివ్‌గా లేకపోయినా తన పిల్లలు మాత్రం ఎప్పుడూ యాక్టివ్‌గానే ఉంటూ ఫాలోవర్స్‌కు దగ్గరగా ఉంటారు.
అమితాబ్ మనవడు, మనవరాలు..
ఇప్పటికే శ్వేతా నందా కూతురు నవ్య నవేలీ నందా.. నటిగా బాలీవుడ్‌లో పూర్తిస్థాయిలో అడుగుపెట్టే ప్రయత్నాలు చేస్తోంది. ప్రస్తుతం బిజినెస్ ఉమెన్‌గా వ్యాపారంలో ఒడిదొడుకులు నేర్చుకుంటున్న నవ్య.. సోషల్ మీడియాలో ఎక్కువగా యాక్టివ్‌గా ఉంటుంది. తనకంటూ సొంతంగా ఒక పోడ్‌కాస్ట్ ఛానెల్ కూడా ఏర్పాటు చేసుకుంది. ఇక నవ్యకంటే ముందే తన సోదరుడు అగస్థ్య నంద.. నటుడిగా డెబ్యూ ఇచ్చే ప్రయత్నాల్లో ఉన్నాడు. ఇప్పటికే నెట్‌ఫ్లిక్స్ సిరీస్ ‘ది ఆర్కైవ్స్’లో నటించాడు అగస్థ్య. డిసెంబర్ 7న ఈ సిరీస్ నెట్‌ఫ్లిక్స్ యూజర్ల ముందుకు రానుంది. ఇక సోషల్ మీడియాలో ఎప్పుడూ యాక్టివ్‌గా ఉంటూ.. ఫోటోషూట్స్‌తో తన ఫాలోవర్స్‌ను ఆకట్టుకునే నవ్య నవేలి డెబ్యూ కోసం కూడా అమితాబ్ అభిమానులు ఆసక్తిగా ఎదురుచూస్తున్నారు. మొత్తానికి అమితాబ్ తన కూతురికి గిఫ్ట్‌గా ఇచ్చిన బంగ్లా విలువతో హైదరాబాద్ శివారులో ఓ పాతిక విల్లాలు కొనేయొచ్చు అనుకుంటున్నారు నెటిజన్స్.
Also Read: సింపుల్ గా ‘కృష్ణ ముకుంద మురారి’ సీరియల్ హీరోయిన్ పెళ్లి, వరుడు ఎవరో తెలుసా?
ఎలక్షన్ ఫాంటసీ గేమ్ ను ఆడండి. 10వేల రూపాయల విలువైన గాడ్జెట్లు పొందండి. 🏆*T&C Apply
టాప్ హెడ్ లైన్స్
ట్రెండింగ్ వార్తలు
