Pushpa 2: ‘పుష్ప 2’ క్లైమాక్స్ సీన్ లీక్? నెట్టింట వైరల్ అవుతున్న క్లిప్ చూశారా?
‘పుష్ప 2’ క్లైమాక్స్ సీన్ లీక్ అయ్యింది. ఇందుకు సంబంధించిన వీడియోను ఓ నెటిజన్ సోషల్ మీడియాలో షేర్ చేశారు. ప్రస్తుతం ఈ క్లిప్ వైరల్ అవుతోంది.
Pushpa 2 Movie: ఐకాన్ స్టార్ అల్లు అర్జున్ హీరోగా, క్రియేటివ్ డైరెక్టర్ సుకుమార్ తెరకెక్కిస్తున్న తాజా చిత్రం ‘పుష్ప 2’. ప్రస్తుతం ఈ సినిమా శరవేగంగా నిర్మాణం జరుపుకుంటున్నది. రష్మిక మందన్న హీరోయిన్ గా నటిస్తుండగా, మలయాళీ స్టార్ ఫహద్ ఫాసిల్ ప్రధాన పాత్ర పోషిస్తున్నారు. తాజాగా ఈ సినిమాకు సంబంధించిన ఓ క్లిప్ నెట్టింట వైరల్ అవుతోంది. ‘పుష్ప 2’ క్లైమాక్స్ సీన్ అంటూ చక్కర్లు కొడుతోంది.
సెల్ ఫోన్లను నిషేధించినా లీకులు తప్పడం లేదు
సినిమా షూటింగ్ విషయంలో దర్శకుడు సుకుమార్ చాలా జాగ్రత్తలు తీసుకుంటున్నార. సెట్స్ లో ఎవరూ సెల్ ఫోన్లు వినియోగించకూడదని చెప్పారు. ఈ సినిమాలో నటించే ఆర్టిస్టులు కూడా ఫోన్లు తీసుకురావద్దని చెప్పారు. అయితే, ఎన్ని జాగ్రత్తలు తీసుకున్నా, కొంత మంది దొంగచాటుగా ఫోన్లు తీసుకెళ్లి కీలక సన్నివేశాలను చిత్రీకరిస్తున్నారు. వాటిని నెమ్మదిగా సోషల్ మీడియాలోకి వదులుతున్నారు. తాజాగా ఈ సినిమాకు సంబంధించి క్లైమాక్స్ సీన్ అంటూ ఓ వీడియోను షేర్ చేశారు. ఇందులో ఒక వ్యక్తిని కొంత మంది తాళ్లు పట్టుకుని లాగుతున్నట్లు కనిపిస్తున్నది. క్లియర్ గా వివరాలేవీ తెలియకపోయినా, ఓ యాక్షన్ సీన్ షూట్ చేస్తున్నట్లు కనిపిస్తుంది
వీడియో క్లిప్పై బన్నీ అభిమానుల ఆగ్రహం
అటు ‘పుష్ప 2’ సినిమాకు సంబంధించి లీకైన యాక్షన్ సీన్ పై బన్నీ అభిమానులు ఆగ్రహం వ్యక్తం చేస్తున్నారు. ఈ వీడియోను షేర్ చేసిన వ్యక్తిపై క్రిమినల్ చర్యలు తీసుకోవాలని డిమాండ్ చేస్తున్నారు. లీకులకు పాల్పడే వారిపై సీరియస్ యాక్షన్ తీసుకోవాలని కోరుతున్నారు.
డిసెంబర్ 6న ‘పుష్ప 2’ విడుదల
‘పుష్ప 2: ది రూల్’ సినిమాకు సంబంధించి బోలెడు వార్తలు వైరల్ అయ్యాయి. సుకుమార్, బన్నీకి మధ్య గొడవలు వచ్చాయని, సినిమా షూటింగ్ వదిలేసి ఫారిన్ వెకేషన్ కు వెళ్లాడని టాక్ వినిపించింది. బన్నీ గడ్డం ట్రిమ్ చేసుకోవడం కూడా చర్చనీయాంశంగా మారింది. మరోవైపు ఈ సినిమా ఆగష్టు 15న విడుదల కావాల్సి ఉన్నా, పలు కారణాలతో విడుదల వాయిదా పడింది. డిసెంబర్ 6న ఈ సినిమాను విడుదల చేయాలని చిత్రబృందం నిర్ణయించింది. అప్పుడైనా విడుదల అవుతుందా? అని మరికొంత మంది కామెంట్ చేస్తున్నారు.
అయితే, అక్టోబర్ వరకు సినిమా షూటింగ్ కంప్లీట్ చేసి, డిసెంబర్ లో ప్రేక్షకుల ముందుకు తీసుకురావాలని మేకర్స్ భావిస్తున్నారు. ‘పుష్ప’ విడుదలైన సుమారు మూడేళ్ల తర్వాత రెండో పార్టును విడుదల చేస్తున్నారు. ఈ సినిమా తొలి భాగాన్ని మించి సక్సెస్ అవుతుందని ట్రేడ్ వర్గాలు అంచనా వేస్తున్నాయి. ఇక ఇప్పటికే ఈ సినిమాకు సంబంధించి విడుదలైన రెండు పాటలు ప్రేక్షకులను బాగా ఆకట్టుకుంటున్నాయి. దేవిశ్రీ ప్రసాద్ మ్యూజిక్ ఆడియెన్స్ ఉర్రూతలూగిస్తోంది. మైత్రి మూవీ మేకర్స్ ఈ చిత్రాన్ని అత్యంత ప్రతిష్టాత్మకంగా నిర్మిస్తోంది.
Read Also: మంచి మనసు చాటుకున్న చియాన్ విక్రమ్, వయనాడ్ బాధితులకు అండగా నిలిచిన ‘తంగళన్‘ నటుడు
టాప్ హెడ్ లైన్స్
ట్రెండింగ్ వార్తలు
