Sreeleela : శ్రీలీల తిలక్ వర్మ డేటింగ్ రూమర్స్ - హీరోయిన్ తల్లి స్ట్రాంగ్ రియాక్షన్

Sreeleela Dating : హీరోయిన్ శ్రీలీల క్రికెటర్ తిలక్ వర్మ డేటింగ్ రూమర్స్‌పై హీరోయిన్ తల్లి రియాక్ట్ అయ్యారు. సోషల్ మీడియాలో జరుగుతున్న ప్రచారం పూర్తిగా అవాస్తవమని అన్నారు.

శ్రీలీల తిలక్ వర్మ డేటింగ్ రూమర్స్

Source : https://www.instagram.com/p/DXKCrTijI9o/?hl=en&img_index=1

Actress Sreeleela's Mother Reaction On Dating Rumours : క్రికెటర్ తిలక్ వర్మతో (Tilak Varma) స్టార్ హీరోయిన్ శ్రీలీల డేటింగ్‌లో ఉన్నట్లుగా గత రెండు రోజులుగా సోషల్ మీడియాలో ప్రచారం సాగుతున్న సంగతి తెలిసిందే. దీనిపై హీరోయిన్ తల్లి స్వర్ణలత రియాక్ట్ అయ్యారు. శ్రీలీల పెళ్లికి చాలా టైం ఉందంటూ ఈ రూమర్స్‌ను ఖండించారు.

'కొంచెం కూడా నిజం లేదు'

ఈ వార్తల్లో కొంచెం కూడా నిజం లేదని... అసలు ఇలాంటి రూమర్స్ ఎలా పుట్టుకొస్తాయో తెలియడం లేదని తెలిపారు శ్రీలీల తల్లి. 'సోషల్ మీడియాలో జరుగుతున్న ప్రచారం, వార్తలు పూర్తిగా అవాస్తవం నిరాధారం. ఇలాంటి కథలు ఎలా పుట్టుకొస్తాయో తెలియడం లేదు. ఇందులో కొంచెం కూడా నిజం లేదు.

శ్రీలీల (Sreeleela) ప్రస్తుతం తన చదువు, యాక్టింగ్‌లో బిజీగా ఉంది. ఏ మాత్రం కొంచెం గ్యాప్ దొరికినా NEET PGకి ప్రిపేర్ అవుతోంది. ఇలాంటి వ్యక్తిగత విషయాలు ఆలోచించడానికి ఆమెకు మరో ఐదారేళ్లు టైం ఉంది.' అని చెప్పారు. 2025లో డిసెంబరులో శ్రీలీల - తిలక్ ఇద్దరూ తిరుమలను సందర్శించడం, వాంఖడే టీ 20 మ్యాచ్‌లో హీరోయిన్ సందడి చేయడం... రెండూ ఉద్దేశపూర్వకంగా జరగలేదని స్పష్టం చేశారు. వాటి ఆధారంగా కథలు అల్లుకుపోవద్దని అన్నారు. ముంబయి ఐపీఎల్ మ్యాచ్‌కు శ్రీలీల హాజరు కావడంతో డేటింగ్ రూమర్స్ ప్రచారం సాగింది.

గతంలో కూడా శ్రీలీలపై ఇలాంటి రూమర్స్ వచ్చాయి. అప్పుడు కూడా తల్లి స్వర్ణలత వాటిని ఖండించారు. బాలీవుడ్ యాక్టర్ కార్తీక్ ఆర్యన్‌తో ఆమె రిలేషన్‌లో ఉన్నట్లు బీటౌన్‌లో రూమర్స్ వచ్చాయి. కార్తిక్ ఆర్యన్ తల్లి తాను ఇద్దరం గైనకాలజిస్టులమని... వృత్తి నేపథ్యంలో ఇద్దరం కలుసుకుంటామని చెప్పారు. దురదృష్టవశాత్తూ... అందరూ శ్రీలీల, కార్తిక్‌లకు రిలేషన్ ఉందని రాయడం మొదలుపెట్టారని వాటిని తీవ్రంగా ఖండించారు.

ప్రస్తుతం శ్రీలీల వరుస సినిమాలతో బిజీగా ఉన్నారు. పెళ్లిసందDతో ఇండస్ట్రీ ఇచ్చిన ఈ యంగ్ బ్యూటీ... స్టార్ హీరోల సరసన హీరోయిన్‌గా నటించారు. రవితేజ ధమాకాతో సూపర్ హిట్ అందుకున్నారు. ఆ తర్వాత మహేశ్ బాబుతో గుంటూరు కారం, బాలయ్యతో భగవంత్ కేసరి, పవన్ కల్యాణ్‌తో ఉస్తాద్ భగత్ సింగ్‌లో నటించారు. గత కొంతకాలంగా ఆమె ఖాతాలో సరైన హిట్ పడలేదు. రీసెంట్‌గా తమిళంలో ఎంట్రీ ఇచ్చారు. శివకార్తికేయన్ హీరోగా వచ్చిన పరాశక్తి మూవీలో హీరోయిన్‌గా నటించారు. ఇప్పుడు స్టార్ హీరో ధనుష్ హీరోగా నటిస్తోన్న మూవీలో హీరోయిన్‌గా చేస్తున్నారు. బాలీవుడ్‌లోనూ ఓ మూవీ చేస్తున్నారు.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

మరిన్ని చదవండి

ఐదుగురు పిల్లలను దత్తత తీసుకున్న మంచు మనోజ్, మౌనిక - ఐక్య సేవా ట్రస్ట్ ప్రారంభం