Aayush Sharma: నన్ను కుక్కతో పోల్చారు, దారుణంగా అవమానించారు - సల్మాన్‌ ఖాన్‌ బావ ఆయుష్‌ శర్మ భావోద్వేగం

Aayush Sharma on Trolls:కెరీర్‌లో ప్రారంభంలో తాను ఎదుర్కొన్న చేదు అనుభవాలను గుర్తు చేసుకున్నాడు బాలీవుడ్ నటుడు ఆయుష్‌ శర్మ. తొలి సినిమా టైంలో తనని కుక్కతో పోలుస్తూ వార్తలు రాశారంటూ ఎమోషనల్‌ అయ్యాడు.

Image Credit: aaysharma/Instagram

Aayush Sharma Remembers Trolls on Initial Days: సినీ ఇండస్ట్రీలో విమర్శలు, ప్రశంసలు కామన్‌. ఎంతటి స్టార్‌ హీరో, హీరోయిన్‌ అయినా వరుస ప్లాప్స్‌ పండాయంట దారుమైణ ట్రోల్స్‌ ఎదుర్కొవాల్సిందే. ఇక ఒకరి సపోర్టు ఇండస్ట్రీకి వచ్చిన వారిని అయితే తొందరగా జడ్జ్‌ చేస్తుంటారు. తొలి సినిమా టైంలో వారు ఎదుర్కొనే సవాళ్లు అంతాఇంతా కాదు. మూవీ హిట్‌ అయితే ఒకే అదే ప్లాప్‌ అయితే మాత్రం వారిని మామూలుగా ఆడుకోరు. కెరీర్‌లో ప్రారంభంలో తాను అలాంటి చేదు అనుభవాలే ఎదుర్కొన్నానన్నాడు సల్మాన్‌ ఖాన్‌ సోదరి భర్త ఆయుష్‌ శర్మ. నిజానికి అతడిని మొదటి నుంచి విమర్శలు వెంటాడుతూనే ఉన్నాయి. ఆఫర్ల కోసం, ఫేం కోసమే ఆయుష్‌ శర్మ సల్మాన్‌ చెల్లి అర్ఫిత ఖాన్‌ను పెళ్లి చేసుకున్నాడంటూ పెళ్లి సమయంలో అతడికి విమర్శించారు నెటిజన్లు.

అలాగే సల్మాన్‌ బ్యాగ్రౌండ్‌తోనే ఇండస్ట్రీకి వచ్చాడు. అర్పితా ఖాన్‌తో పెళ్లయిన కొద్ది రోజులకే ఆయుష్‌ శర్మ హీరోగా ఎంట్రీ ఇచ్చిన సంగతి తెలిసిందే. లవ్‌ యాత్రి అనే సినిమాతో అతడు హీరోగా పరిచయం అయ్యాడు. పైగా ఈ సినిమాకు సల్మాన్‌ ఖాన్‌ నిర్మాత. కానీ, ఈ సినిమా బాక్సాఫీసు వద్ద బొల్తా కొట్టింది. ఈ మూవీ ప్లాప్‌ అవ్వడంతో అంతా ఆడియన్స్‌, క్రిటిక్స్‌ ఆయుష్‌ను టార్గెట్‌ చేశారు. అతడికి యాక్టింగ్‌ కూడా రాలేదని, హీరోగా కాదు కనీసం నటుడిగా కూడా అతడు పనికి రాడంటూ దారుణంగా విమర్శించారు. అంతేకాదు కొన్ని మీడియాల్లో అయితే అతడిపై అనుచిత కామెంట్స్‌ చేస్తూ కథనాలు రాశారు. తాజాగా వాటిని గుర్తు చేసుకుని ఎమోషనల్‌ అయ్యాడు ఆయుష్‌. అతడు హీరోగా తెరకెక్కిన లేటెస్ట్‌ మూవీ 'రుస్లాన్‌'. రేపు ఏప్రిల్‌ 26న ఈ చిత్రం విడుదల కానుంది.

నన్ను కుక్కతో పోలుస్తూ వార్తలు రాశారు

ఈ క్రమంలో మూవీ ప్రమోషన్స్‌లో భాగంగా తాజాగా మూవీ టీంతో కలిసి ఆయుష్‌ ఓ బాలీవుడ్‌ మీడియాకు ఇంటర్య్వూ ఇచ్చాడు. ఈ సందర్భంగా కెరీర్‌ ప్రారంభంలో ఎన్నో సవాళ్లు ఎదుర్కొన్నానంటూ భావోద్వేగానికి లోనయ్యాడు. "నా ఫస్ట్‌ మూవీ లవ్‌ యాత్రి మూవీతో ఇండస్ట్రీలో అడుగుపెట్టాను. కానీ ఈ సినిమా తర్వాత నేను దారుణమైన ట్రోల్స్‌, సవాళ్లు ఎదుర్కొన్నాను. 'ఆయుష్‌ బదులుగా ఓ కుక్కను పెట్టి సినిమా తీయాల్సింది' అంటూ దారుణం మాట్లాడారు. నా పిల్లలు నన్ను చూసి గర్వపడాలి అనుకున్నాను. కానీ నా గురించి చెత్తగా రాశారు. మూవీ రిలీజ్‌ రోజు అయితే దారుణంగా తిట్టారు. కుక్కతో పోలుస్తూ కామెంట్స్‌ చేయడం నన్ను చాలా బాధించింది" అంటూ ఆయుష్‌ కన్నీరు పెట్టుకున్నాడు. 

నన్ను చూసి నా పిల్లలు గర్వించాలి అనుకున్నాను. రేపు పెద్దయ్యాక నా కొడుకు, కూతురు ఆ వార్త చదివితే నా పరిస్థితి ఎంటీ? మూవీ రిలీజ్‌ టైంలో మీడియాల్లో నన్ను ట్రోల్‌ చేసిన వార్తలే వచ్చాయి. ఇంటర్నేట్‌ ఆన్‌ చేస్తే నన్ను కుక్క అంటూ రాసిన వార్తలే కనిపించాయి. అవి నా పిల్లలు కూడా చూశారు. కానీ చిన్నవాళ్లు కాబట్టి వారికి అది అర్థం కాలేదు. అదే పెద్దయ్యాక ఆ వార్త చదివితే తండ్రిగా నాకు ఎంత బాధగా ఉంటుంది. కానీ, నన్ను ట్రోల్‌ చేసిన వారికి ఇప్పుడు నేను కృతజ్ఞతలు చెప్పుకోవాలి. అప్పుడు వాళ్లు అలా నన్ను అవమానించడం వల్లే ఇప్పుడు ఈ స్థాయికి వచ్చాను. ఆ ట్రోల్స్‌ నాలో పట్టుదల పెంచాయి. నటుడిగా నన్ను ప్రూవ్‌ చేసుకోవాలని నిర్ణయించుకుని కష్టపడి ఇప్పుడు ఇలా ఉన్నాను" అంటూ అతడు చెప్పుకొచ్చాడు. ప్రస్తుతం అతడి కామెంట్స్‌ వైరల్‌ అవుతున్నాయి. సల్మాన్‌ ఖాన్‌ బావకు కూడా ఇండస్ట్రీలో అవమానాలు తప్పలేదా? అంటూ నెటిజన్లు ఆశ్చర్యపోతున్నారు.