Aaruguru Pativratalu Re Release : ఆరుగురు పతివ్రతలు మళ్లీ వస్తున్నారా? - సోషల్ మీడియాలో అదే హాట్ టాపిక్

Aaruguru Pativratalu : ఒకప్పటి బోల్డ్ అండ్ రియలిస్టిక్ కామెడీ ఎంటర్టైనర్ ఆరుగురు పతివ్రతలు మళ్లీ థియేటర్లలోకి రానుందని తెలుస్తోంది. ప్రస్తుతం సోషల్ మీడియాలో పోస్టర్స్ వైరల్ అవుతున్నాయి.

ఆరుగురు పతివ్రతలు మళ్లీ వస్తున్నారు

Source : ABPLIVE AI

Aaruguru Pativratalu Re Release Soon In Theatres : ఆరుగురు పతివ్రతలు... అప్పట్లో ఈ మూవీ ఓ సెన్సేషన్. బోల్డ్ అండ్ రియలిస్టిక్ కామెడీతో ఈవీవీ సత్యనారాయణ ఈ మూవీని దర్శకత్వం వహించడతో పాటు నిర్మించారు. 2004లో థియేటర్లలోకి వచ్చిన మూవీ అప్పట్లో యూత్‌ ఫేవరెట్‌గా నిలిచింది. ఇప్పటికీ సోషల్ మీడియాలో సీన్స్ మీమ్స్ రూపంలో ట్రెండ్ అవుతూనే ఉన్నాయి. అంతటి కల్ట్ ఫాలోయింగ్ సొంతం చేసుకున్న మూవీ దాదాపు 20 ఏళ్ల తర్వాత ఇప్పుడు మళ్లీ థియేటర్లలో రీ రిలీజ్ కానున్నట్లు తెలుస్తోంది.

మళ్లీ థియేటర్లలోకి ఎప్పుడు?

అతి త్వరలోనే 'ఆరుగురు పతివ్రతలు' సినిమా థియేటర్లలో రీ రిలీజ్ కానుందంటూ సోషల్ మీడియాలో ప్రచారం సాగుతోంది. దీంతో సినీ అభిమానులు పోస్టర్స్‌ను ట్రెండ్ చేస్తున్నారు. 4K వెర్షన్‌లో రీ రిలీజ్ చేయాలంటూ సోషల్ మీడియాలో కమెంట్స్ వస్తున్నాయి. రీ రిలీజ్ డేట్ ఎప్పుడు? అంటూ పోస్టులు పెడుతున్నారు. త్వరలోనే దీనిపై క్లారిటీ రానుంది. ఈ సినిమాలో చాలా మంది కొత్త వాళ్లు నటించగా... అమృత, లహరి, చలపతి రావు, ఎల్‌బీ శ్రీరామ్, శ్రీకృష్ణ కౌశిక్ తదితరులు కీలకపాత్రలు పోషించారు. 40 మంది కొత్త వారు నటించారు.

అప్పట్లో వచ్చిన సినిమాలకు డిఫరెంట్‌గా బోల్డ్ కాన్సెప్ట్ విత్ రియలిస్టిక్ కామెడీతో మూవీ ట్రెండ్ సెట్ చేసింది. భార్యాభర్తల మధ్య అనుబంధం, వివాహేతర సంబంధాలు, లైంగిక సమస్యలు, బలవంతపు పెళ్లిళ్లు, సైకోలాంటి భర్తల సైకాలజీ, లవ్, ఎమోషన్‌తో పాటు కామెడీ అంశాలను కూడా టచ్ చేశారు. రీ రిలీజ్ డేట్‌పై అధికారిక  ప్రకటన రావాల్సి ఉంది.

స్టోరీ ఏంటంటే?

పదో తరగతి చదివే ఆరుగురు అమ్మాయిల చుట్టూ ఈ కథ సాగుతుంది. బెస్ట్ ఫ్రెండ్స్ అయిన వాళ్లు పెరిగి పెద్దైన తర్వాత చాలా ఏళ్లకు ఓ పెళ్లి సందర్భంలో కలుసుకుంటారు. అలా, ఒకరి గురించి ఒకరు చెప్పుకొంటారు. తమ పెళ్లి, వైవాహిక జీవితం, భర్తల వల్ల పడే ఇబ్బందులు, జీవితంలో ఎదురైన కష్ట సుఖాల గురించి షేర్ చేసుకుంటారు.

ఆ ఆరుగురు మహిళల కోణం నుంచే వివాహ వ్యవస్థతో పాటు వైవాహిక బంధాల్లో అపార్ధాలు, వివాహేతర సంబంధాలు, సైకో భర్తల స్వభావాలు, సమాజంలో స్త్రీల పాత్రలను లోతుగా చూపించారు.

NOTE : మరిన్ని సినిమా వార్తలు, గాసిప్స్, ఓటీటీ అప్డేట్స్, వెబ్ సిరీస్‌లు, టాలీవుడ్, బాలీవుడ్ హీరోయిన్స్ లేటెస్ట్ సోషల్ మీడియా అప్డేట్స్, టీవీ సీరియల్స్ కోసం ఇక్కడ క్లిక్ చేయండి.

 

మరిన్ని చదవండి

ఇది నా సిక్స్ ప్యాక్ - ట్రెండింగ్‌‌లో సమంత బేబీ బంప్