Brahmamudi June 15th: పంతులు తెలివి అదుర్స్, తెలివి చూపించిన రాజ్- రాహుల్, రుద్రాణి షాక్

స్వప్న, రాహుల్ పెళ్లి ఫిక్స్ కావడంతో సీరియల్ ఇంట్రెస్టింగ్ గా సాగుతోంది. ఈరోజు ఎపిసోడ్లో ఏం జరిగిందంటే..

Image Credit: Disney Plus Hotstar/ Star Maa

స్వప్న పెళ్లి మండపం నుంచి వెళ్లిపోవడంతో రుద్రాణి శివతాండవం ఆడుతుంది. స్వప్నని తీసుకువెళ్లడానికి రాజ్, కావ్య వెళ్లారు కదా అప్పుడు ఆ అమ్మాయి కూడా రాకపోతే మాట్లాడమని శుభాష్ అంటాడు. దీంతో రుద్రాణి నోరు మూస్తుంది. ఇరగదీశావ్ మమ్మీ ఆ స్వప్న ఎక్కడ ఉందో తెలుసుకోవడం వీళ్ళ తరం కాదని రాహుల్ అంటాడు. పెళ్లి పీటల మీద కూర్చుని పంతులు ఇంకా రాలేదు ఏంటని మైఖేల్ ఫోన్ చేస్తాడు. తన బండి ఆగిపోయిందని ఎవరో ఒకరిని లిఫ్ట్ అడిగి వస్తానని మళ్ళీ మళ్ళీ ఫోన్ చేస్తే వెనక్కి వెళ్లిపోతానని పంతులు బెదిరిస్తాడు. రోడ్డు మీద రాజ్ కారు వెళ్తుంటే పంతులు అడ్డంగా నిలబడి ఆపుతాడు. అర్జంట్ గా పెళ్లికి వెళ్లాలని అంటాడు. దీంతో కారులో కూర్చోమని చెప్తారు. రోడ్డు మీద వెళ్తున్న వాళ్ళని కావ్య స్వప్న ఫోటో చూపించి ఎక్కడైనా చూశారా అని అడుగుతుంది. ఆ ఫోటో చూపించమని పంతులు అడిగితే కావ్య చూపిస్తుంది.

ఇద్దరూ కారులో మళ్ళీ టామ్ అండ్ జెర్రీలాగా పోట్లాడుకుంటారు. పంతుల్ని మైఖేల్ పెళ్లి జరిగే ఇంటి దగ్గర దింపేసి వెళ్లిపోతారు. లోపలికి వచ్చి పంతులు స్వప్నని చూస్తాడు. వాళ్ళు వెతుకుతున్న అమ్మాయి ఇక్కడ ఉంది ఏంటి ఎలాగైనా వీళ్ళకి మస్కా కొట్టి వాళ్ళకి ఈ అడ్రస్ తెలిసేలా చేయాలని పంతులు మనసులో అనుకుంటాడు. మైఖేల్ ని వెర్రి వెధవని చేసి తిక్క తిక్క పనులు చేయిస్తాడు. పంతులు వెంటనే స్వప్నకి ఫోన్ ఇచ్చి మీ వాళ్ళకి ఫోన్ చేయమని చెప్తాడు. స్వప్న వెంటనే రాజ్ నెంబర్ కి కాల్ చేసి ఫోన్ పక్కన పెడుతుంది. పంతులు తెలివిగా స్వప్న వివరాలు ఫోన్లో వినలేగా అడుగుతాడు. అన్నీ వివరాలు చెప్తారు. పెళ్లి తంతు పేరుతో అడ్రస్ మొత్తం చెప్పిస్తాడు. మనం లిఫ్ట్ ఇచ్చిన పంతులు వెళ్ళింది స్వప్న దగ్గరకి వాళ్ళకి డౌట్ రాకుండా అడ్రస్ చెప్తూ మంత్రాలు చెప్తున్నాడని రాజ్ అంటాడు.

రాజ్, కావ్య టైమ్ కి పెళ్లి జరిగే ప్లేస్ కి వస్తారు. కథలోకి కథానాయకుడు వచ్చాడు కాబట్టి ఆయనే మీ పెళ్లి చేస్తాడని పంతులు పారిపోతాడు. కామెడీ పీస్ గాళ్ళు రాజ్ మీద ఫైటింగ్ కి దిగబోతుంటే రాజ్ క్లాస్ పీకుతాడు. నేను చెప్పినట్టు చేస్తే వాడు ఇచ్చిన డబ్బు కంటే ఎక్కువ ఇస్తాను మీ ఇంట్లో కూడా మీ వాల్యూ పెరిగిపోతుందని రాజ్ రౌడీలకు ఆఫర్ ఇస్తాడు. నా మూడ్ మారిపోతే మిమ్మల్ని కొట్టి పోలీసులకు పట్టిస్తానని బెదిరిస్తాడు. మీ ఆఫర్ బాగా నచ్చింది మీరు ఏం చెప్తే ఆదేనని మైఖేల్ దగ్గర వ్యక్తి అంటాడు. రాజ్ మాట్లాడటం చూసి కావ్య బిత్తరపోతుంది. మీరు ఇంకా హీరోలా ఫైట్ చేస్తారని అనుకున్నానని కావ్య ఆశ్చర్యంగా అడుగుతుంది. గన్ తలకి గురి పెట్టించి నిన్ను పంపించింది ఎవరని రాజ్ అడుగుతాడు. స్వప్నని చాలా రోజుల నుంచి చూస్తున్నా ఒంటరిగా దొరికితే  ఎత్తుకెళ్ళి పెళ్లి చేసుకుందామని అనుకున్నా అందుకే పెళ్లి నుంచి తీసుకెళ్లానని చెప్తాడు. ఆ మాటలు నమ్మేసి రాజ్ వాళ్ళు  వెళ్లబోతుంటే మైఖేల్ గాడు సెల్ఫీ అడిగితే లాగి పెట్టి చెంప పగలగొడుతుంది.