Janhvi Kapoor: హైదరాబాద్ సిటీలో ‘దేవర‘ బ్యూటీ... మధురా నగర్ హనుమాన్ ఆలయంలో ప్రత్యేక పూజలు

బాలీవుడ్ బ్యూటీ జాన్వీ కపూర్ హైదరాబాద్ కు వచ్చింది. ఈ సందర్భంగా మధురానగర్ లోని శ్రీహనుమాన్ ఆలయంలో ప్రత్యేక పూజలు చేసింది. ఆలయ పండితులు ఆమెను ఆశీర్వదించి తీర్థ ప్రసాదాలు అందించారు.

హనుమాన్ ఆలయంలో జాన్వీ కపూర్

Source : Social Media

Janhvi Kapoor In Hyderabda: అతిలోక సుందరి శ్రీదేవి ముద్దుల కూతురు, ప్రముఖ బాలీవుడ్ నటి జాన్వీ కపూర్ కు దైవ భక్తి చాలా ఎక్కువ. ఆమె తనకు వీలున్నప్పుడల్లా ఆలయాలకు వెళ్లి ప్రత్యేక పూజలు చేస్తుంటుంది. రెండు, మూడు నెలలకు ఓసారి తిరుమలకు వెళ్లి తప్పనిసరిగా వేంకటేశ్వరుడిని దర్శించుకుంటుంది. నార్త్ లోని పలు ఆలయాల్లో పూజలు నిర్వహిస్తుంటుంది. తాజాగా హైదరాబాద్ కు వచ్చిన ఈ ముద్దుగుమ్మ, మధురా నగర్‌ లోని  ఆంజనేయస్వామి ఆలయానికి వెళ్లింది. అక్కడ ప్రత్యేక పూజలు చేసింది. ఆలయ పండితులు ఆమెకు వేద ఆశీర్వచనాలు ఇచ్చి, తీర్థప్రసాదాలు అందించారు. సుమారు అరగంట పాటు ఆమె ఆలయంలోనే గడిపారు. పూజ అనంతరం బయటకు వచ్చిన జాన్వీ, అభిమానులతో ఫోటోలు దిగి సందడి చేసింది. జాన్వీ ఆంజనేయ స్వామి ఆలయంలో పూజలు నిర్వహించిన ఫోటోలు, వీడియోలు సోషల్ మీడియాలో వైరల్ అవుతున్నాయి.      

తొలి తెలుగు సినిమాతోనే బ్లాక్ బస్టర్ హిట్

ఇక రీసెంట్ గా జాన్వీ కపూర్ ‘దేవర’ సినిమాలో కనిపించింది. ఆమె నటించిన తొలి తెలుగు సినిమా బ్లాక్ బస్టర్ హిట్ అందుకుంది. యంగ్ టైగర్ ఎన్టీఆర్ హీరోగా, కొరటాల శివ దర్శకత్వంలో తెరకెక్కిన ‘దేవర’ సినిమాలో ఆమె హీరోయిన్ గా అవకాశాన్ని దక్కించుకుంది. సెప్టెంబర్ 27న దేశ వ్యాప్తంగా విడుదలైన ఈ సినిమా తొలి రోజునే ఏకంగా రూ.172 కోట్లు వసూలు చేసి సరికొత్త రికార్డు సృష్టించింది. సుమారు రూ. 400 కోట్ల బడ్జెట్లో తెరకెక్కిన ఈ సినిమా నిర్మాతలకు భారీ లాభాను సాధించింది పెట్టింది. ‘దేవర’ తొలి భాగంలో జాన్వీ కనిపించింది కాసేపే అయినా ప్రేక్షకులను బాగా ఆకట్టుకుంది. రెండో భాగంలో ఆమె క్యారెక్టర్ అద్భుతంగా ఉండబోతుందని మేకర్స్ వెల్లడించారు.

తెలుగులో జాన్వీ కపూర్ కు క్రేజీ అవకాశాలు

ఇక తెలుగులో ఆమె నటించిన తొలి సినిమా మంచి సక్సెస్ అందుకోవడంతో వరుస సినిమా అవకాశాలు వస్తున్నాయి.   ‘దేవర’ సినిమా తర్వాత జాన్వీకి మరో సినిమాలో అవకాశం వచ్చింది. రామ్ చరణ్ హీరోగా బుచ్చిబాబు సాన దర్శకత్వంలో ఓ సినిమా తెరకెక్కుతోంది. ఈ సినిమాలో ఆమెను హీరోయిన్ గా ఎంపిక చేశారు. ఆ తర్వాత నేచురల్ స్టార్ నానితో జోడీ కట్టేందుకు ఓకే చెప్పినట్లు తెలుస్తోంది. మరికొన్ని సినిమాలు కూడా చర్చల దశలో ఉన్నట్లు ఇండస్ట్రీలో టాక్ వినిపిస్తోంది.

రెమ్యునరేషన్ పెంచిన జాన్వీ

‘దేవర’ సినిమా హిట్ తర్వాత ఈ ముద్దుగుమ్మ రెమ్యునరేషన్ పెంచినట్లు తెలుస్తోంది. సౌత్ హీరోయిన్స్ ను కాదని ఆమెకు అవకాశాలు వస్తున్న నేపథ్యంలో భారీ మొత్తంలో డిమాండ్ చేస్తున్నట్లు టాక్ వినిపిస్తోంది. దీపం ఉండగానే ఇల్లు చక్కదిద్దుకోవాలనే సామెతను ఈ ముద్దుగుమ్మ గట్టిగా వంట బట్టించుకుందని నెటిజన్లు కామెంట్స్ చేస్తున్నారు. ఇక సోషల్ మీడియాలో జాన్వీ ఫుల్ యాక్టివ్ గా ఉంటుంది. తన గ్లామరస్ ఫోటోలతో కుర్రకారును కట్టిపడేస్తుంది.