Bigg Boss 6 Telugu: ఇంట్లో ఎవరు గాడిద? ఎవరు పాము? ఎవరు ఊసరవెల్లి? ఇదిగో మీరే చూడండి

Bigg Boss 6 Telugu: బిగ్‌బాస్ సండే ఎపిసోడ్‌కు చేరుకుంది.

(Image credit: Star maa)

Bigg Boss 6 Telugu: సండే ఫన్ డే అంటారు కానీ ఆరోజే ఒకరు ఎలిమినేట్ అయి ఇంటికెళ్లిపోతారు. ప్రేక్షకుల ఫన్ డే...కానీ ఇంట్లోని సభ్యులకు మాత్రం టెన్షన్ టెన్షన్. ఎందుకంటే ఒకరు ఎలిమినేట్ అయిపోతారు.నాగార్జున ఈ రోజు ఒక ఫన్నీ టాస్కు ఇచ్చారు ఇంటి సభ్యులకు.కొన్ని జంతువుల పేర్లు రాసి ఉన్న ట్యాగ్‌లను ఇచ్చి, ఆ పేర్లు ఎవరికి సరిపోతాయో వారి మెడలో వేసి, సరైన కారణం చెప్పమని  అడిగారు నాగార్జున. ఈ ప్రోమో తాజాగా విడుదలైంది. 

ఇందులో గీతూ ‘ఊసరవెల్లి’ అనే ట్యాగ్‌ను నేహా మెడలో వేసింది.నేహా పరిస్థితులకు తగ్గట్టు మారిపోతుందని చెప్పింది.  నేహా కూడా ‘ఊపరవెల్లి’ ట్యాగ్‌ను గీతూ మెడలో వేసింది. ‘నాకు తెలుసు, నాకే తెలుసు అనేస్తాది, తరువాత రియలైజ్ అయి మాట మార్చుకుంటుంది’ అని చెప్పింది నేహా. ఇక చంటి ‘గాడిద’ అనే ట్యాగ్‌ను రేవంత్ మెడలో వేశాడు. ‘గాడిదలాగా ఎంతో కష్టపడి పనిచేస్తాడు. దానిలో ఒక పద్ధతి ఉండదు’ అన్నాడు. దానికి రేవంత్ చాలా ఫీలైనట్టు కనిపించాడు. రేవంత్ ‘పాము’ అనే ట్యాగ్‌ను ఆరోహి మెడలో వేశాడు. ‘ఎప్పుడు బావుంటుందో, ఎప్పుడు రియాక్ట్ అవుతుందో తెలియదు’ అన్నాడు. దానికి ఆరోహి ‘నా పక్కనుంచి వెళితే నేను ఏమీ అనను. అలాంటి పాముని. కానీ నామీదకొస్తున్నారు అనిపిస్తే మాత్రం బుస కొట్టడం కాదు, ఏకంగా కాటేస్తా’ అంటూ ఓవర్ చేసింది. 

ఇక సూర్య ‘సింహం’ ట్యాగ్‌ను గీతూ మెడలో వేశాడు. దానికి నాగార్జున ‘అడవిలో సింహం ఆకలేస్తేనే వేటాడుతుంది, కానీ ఈ సింహం ఎప్పుడూ వేటాడుతుంది’ అన్నారు.ఫైమా ‘సింహం’ ట్యాగ్ ను చంటి మెడలో వేసింది. సింహం ఒకేసారి ఎటాక్ చేస్తుంది, అలాగే ఈ సింహం కూడా నామినేషన్లలో రెండు మూడు మాటలు మాట్లాడేసి పక్కకెళ్లిపోతుంది అని చంటి గురించి చెప్పింది. 

సూర్య ‘ఏనుగు’ అనే ట్యాగ్‌ను ఆదిరెడ్డి మెడలో వేశాడు. ‘ఏనుగు ఎంత కంగారులో ఉన్న అడుగు తప్పదు. అలాగే ఆదిరెడ్డి కూడా ఎంత కంగారులో ఉన్న ఆయన శ్రుతిమించడు’ అని చెప్పాడు సూర్య. ఇక శ్రీహాన్ ఇనయాకు ‘పాము’ ట్యాగ్ వేశాడు. 

ఇక ఈరోజు ఎలిమినేషన్లో ఊహించని వ్యక్తి బయటికి వెళ్లిపోబోతోందని సమాచారం. నిజానికి ఇనయా లేదా వాసంతి వెళతారని అంతా ఊహించారు. కానీ నేహా ఈరోజు బయటికి వెళ్లిపోతోందట. నిజానికి నేహా వాసంతి, కీర్తి మీద బాగానే ఆడింది. ఆమె ఎందుకు బయటికి వెళితే మాత్రం ఓటంగ్ సరళిని ఊహించలేం అనే అర్థం. ఇనయా ఎట్టి పరిస్థితుల్లో బయటికి వెళ్లే అవకాశం లేదని మాత్రం ప్రేక్షకులకు అర్థం అవుతోంది. కారణం ఇంట్లో కంటెంట్ ఇచ్చే సభ్యుల్లో ఈమె ఒక్కరు. రేవంత్, ఇనయా, గీతూ లేకపోతే ఈ సీజన్ అటకెక్కిపోయేది.