BIGG BOSS 9 Contestants: టాప్ సెలబ్రిటీల నుంచి సామాన్యుల వరకూ... - బిగ్ బాస్ సీజన్ 9 కంటెస్టెంట్స్ వీళ్లేనా!

BIGG BOSS Season 9: బిగ్ బాస్ సీజన్ 9 కంటెస్టెంట్స్‌ జాబితాపై అంతా ఆసక్తిగా ఎదురుచూస్తున్నారు. టీవీ సెలబ్రిటీల నుంచి సోషల్ మీడియా ఇన్‌ఫ్లుయెన్సర్ల వరకూ కొందరి పేర్లు బలంగా వినిపిస్తున్నాయి.

బిగ్ బాస్ 9లో కంటెస్టెంట్స్ వీళ్లే

Source : https://www.youtube.com/

BIGG BOSS Season 9 Contestants List: ఫేమస్ టీవీ రియాలిటీ షో 'బిగ్ బాస్' సీజన్ 9 కోసం అంతా ఆసక్తిగా ఎదురు చూస్తున్నారు. కింగ్ నాగార్జున ఆరోసారి హోస్ట్‌గా వ్యవహరిస్తుండగా... కంటెస్టెంట్స్ ఎవరనే దానిపై ఇంకా సస్పెన్స్ వీడలేదు. దాదాపు 100 రోజులు సాగే ఈ గేమ్ షోలో టీవీ సెలబ్రిటీల నుంచి సోషల్ మీడియా ఇన్‌ఫ్లుయెన్సర్స్ వరకూ పాల్గొంటుంటారు. తాజాగా సామాన్యులకు సైతం హౌస్‌లోకి ఎంట్రీ ఇచ్చేలా నిర్వాహకులు ప్లాన్ చేస్తున్నారు.

కంటెస్టెంట్స్ వీళ్లేనా...

ఫేమస్ టీవీ షోస్ కిర్రాక్ బాయ్స్ ఖిలాడీ గర్ల్స్, జాతిరత్నాలుతో ఫేమస్ అయిన వారిని 'బిగ్ బాస్ 9' కంటెస్టెంట్స్‌గా ఎంపిక చేసినట్లు తెలుస్తోంది. తమ టాలెంట్‌తో ఫేమస్ అయిన ఫోక్ సింగర్స్, టీవీ యాక్టర్స్‌కు ఛాన్స్ వచ్చే అవకాశం ఉంది. జబర్దస్త్ ఇమ్మాన్యుయేల్, బమ్ చిక్ బబ్లూ, రీతూ చౌదరి, జబర్దస్త్ ఐశ్వర్య, సీరియల్ యాక్టర్స్ సాయికిరణ్, దేబ్జానీ, కావ్యశ్రీ పేర్లు బలంగా వినిపిస్తున్నాయి.

అలాగే, అలేఖ్య చిట్టి పికెల్స్ ఫేం రమ్య, సుమంత్ అశ్విన్, కల్పికా గణేష్, జ్యోతి రాయ్, ఆరే రాజ్, శ్రావణి వర్మ, తేజస్విని గౌడ, దీపికా, వర్ష, పరమేశ్వర్ హివ్రాలే, తెలంగాణకు చెందిన ఫోక్ డ్యాన్సర్ నాగదుర్గా దత్తా, ఫేమస్ ఫోక్ సింగర్ లక్ష్మిలు కూడా కంటెస్టెంట్ల జాబితాలో ఉన్నట్లు సమాచారం. ఈ జాబితాపై నిర్వాహకుల నుంచి అధికారిక ప్రకటన రావాల్సి ఉంది.

సామాన్యులు సైతం...

గతంలో బిగ్ బాస్‌లో పార్టిసిపేట్ చేసిన వారికి కూడా ఈసారి ఛాన్స్ ఇవ్వనున్నట్లు తెలుస్తోంది. అలాగే, సామాన్యులకు కూడా ఈసారి హౌస్‌లోకి ఎంట్రీ ఇచ్చేలా ప్లాన్ చేశారు నిర్వాహకులు. అప్లై చేసుకున్న సామాన్యుల్లో కొంతమందిని స్క్రూట్నీ చేసి వారితో ఓ షో పెట్టి అందులో 3 నుంచి ఐదుగురి ఎంపిక చేస్తారనే టాక్ వినిపిస్తోంది. దీంతో షోపై మరింత హైప్ క్రియేట్ అవుతోంది. కంటెస్టెంట్స్ ఎంపికపై కింగ్ నాగార్జున స్పెషల్ ఫోకస్ చేసినట్లు తెలుస్తోంది.

గతంలో చాలామంది ఫేమస్ సెలబ్రిటీలకు అవకాశం ఇవ్వలేదంటూ సోషల్ మీడియా వేదికగా విమర్శలు వచ్చాయి. దీంతో సెలబ్రిటీలకు ఎక్కువ ప్రిఫరెన్స్ ఇవ్వాలని నాగార్జున సూచించారట. ఈ షోలో పాల్గొనేందుకు చాలామంది చిన్న యాక్టర్స్, యూట్యూబర్స్, సోషల్ మీడియా ఇన్‌ఫ్లుయెన్సర్స్ చూస్తుండగా... ఈసారి ఫైనల్ లిస్ట్‌ను నాగార్జునే ఓకే చేస్తారనే టాక్ వినిపిస్తోంది. గత సీజన్లలో జరిగిన ట్రోలింగ్స్, విమర్శలు రాకుండా ప్లాన్ చేస్తున్నారని సమాచారం.

న్యూ రూల్స్... సరికొత్త గేమ్స్

బిగ్ బాస్‌లో గతంలో కంటే ఈసారి డిఫరెంట్‌గా గేమ్స్ ప్లాన్ చేస్తున్నట్లు తెలుస్తోంది. భారీ బడ్జెట్‌తో పార్టిసిపెంట్స్‌తో పాటు ఆడియన్స్‌కు ఫుల్ ఎంటర్‌టైన్‌మెంట్ అందించేందుకు రెడీ అవుతున్నారు. సీక్రెట్ రూమ్, రీఎంట్రీ కాన్సెప్ట్స్ పూర్తిగా క్యాన్సిల్ చేయనున్నారట. పార్టిసిపెంట్స్‌కు శారీరక శ్రమ కంటే మానసిక స్థైర్యం, వ్యక్తిత్వ వికాసం అందేలా గేమ్స్ ఉంటాయనే టాక్ వినిపిస్తోంది. ఇంటెన్స్, డ్రామా, మైండ్ గేమ్స్ ఎక్కువగా ఉంటాయని తెలుస్తోంది. సెప్టెంబర్ 7న కొత్త సీజన్ ప్రారంభం కానుంది.

మరిన్ని చదవండి

హరిహర వీరమల్లు మూవీ సూపర్ హిట్ కావాలి- అంబటి రాంబాబు ఇంట్రెస్టింగ్ పోస్ట్