Bigg Boss 6 Telugu: నీ ఆటతీరు చూసి మేము కూడా షాకయ్యాం - ఆ కంటెస్టెంట్‌కు ఇచ్చిపడేసిన నాగార్జున

Bigg Boss 6: బాలాదిత్య ఆట పట్ల చాలా అసంతృప్తిగా కనిపించారు నాగార్జున.

(Image credit: Star Maa)

Bigg Boss 6: అందరూ ఎంతగానో వెయిట్ చేసే వీకెండ్ ఎపిసోడ్ వచ్చేసింది. నాగార్జున ఎవరికి క్లాసు తీసుకుంటారో, ఎవరికి చప్పట్లు కొడతారో అని ప్రేక్షకులు ఆత్రుతగా ఎదురుచూస్తున్నారు. తాజాగా విడుదలైన ప్రోమోలో నాగార్జున బాలదిత్యకు క్లాసు తీసుకున్నారు. స్క్రీన్ మీదకి రావడమే నాగార్జున చాలా సీరియస్ ముఖంతో కనిపించారు. గతవారం సరిగా ఆడని కారణంగా తొమ్మిది మంది సోఫా వెనక్కి నిల్చున్నారు. వారిని తిరిగి సోఫా వెనక్కి నిల్చోమన్నారు నాగార్జున. వారిలో శ్రీసత్య, శ్రీహాన్ బాగా ఆడారని సోఫాలో కూర్చోమని చెప్పారు. వారి కోసం చప్పట్లు కూడా కొట్టరా? అని అడిగారు. దానికి బాలాదిత్య ‘వెనక్కి ఉండిపోయామన్న షాక్‌లో కొట్టలేదు’ అన్నాడు. దానికి నాగార్జున ‘నువ్వు ఆడిన తీరు చూసి మేము కూడా షాకయ్యాం’ అన్నారు.

వీడియోతో...
బాలాదిత్యకు సంబంధించిన వీడియో వేయమన్నారు నాగార్జున. అందులో ఇనయాను ముగ్గురు, నలుగురు లాక్కెళ్లుతుంటే, పెద్ద గొడవ అవుతుంటే... బాలాదిత్య మాత్రం కిమ్మనకుండా కూర్చుని ఉన్నాడు. అంత గొడవ జరుగుతున్నా తనకు పట్టనట్టు ఉన్నాడు. అది చూపించి నాగార్జున బాలాదిత్యను అడిగారు. ‘ఇది నా ఆటతీరు కాదు, నా తీరే అంత అని అన్నావ్ కదా, పోలీసు టీమ్ లో నీ బాధ్యతేంటి?’ అని అడిగారు. దానికి బాలాదిత్య ‘సర్ నేను అప్పుడు పోలీసు కన్నా, మనిషిగా ఆలోచించాను’ అన్నాడు. దానికి నాగార్జున ‘బాలాదిత్య మంచి వాక్చాతుర్యంతో ఇచ్చిన సమాధానాన్ని మీరు ఒప్పుకుంటారా’ అని ఆడియెన్స్ ను అడిగారు. దానికి ఆడియెన్స్ ‘నో’ అని చెప్పారు. 

పిట్టకధలు...
ముందున్న వాళ్ల గురించి చాలా చాలా పిట్ట కథలు చెప్పాలి అన్నారు నాగార్జున. దానికి గీతూ, ఇనయ, శ్రీహాన్ ఎక్స్ ప్రెషన్స్ మారిపోయాయి. ఎందుకంటే వారి ముగ్గురు మధ్యే పిట్ట గొడవ అయింది. ఈ మొత్తం సీన్లో ఎవరికి క్లాసు పడుతుందో తెలియదు. ఈ ఎపిసోడ్ కోసం అంతా ఆత్రుతగా ఎదురుచూస్తున్నారు.   

ఈ వారం నామినేషన్లలో మొత్తం తొమ్మిది మంది నిలిచారు. 
1. వాసంతి
2. ఆదిత్య
3. చంటి
4. ఆరోహి
5. నేహ
6. ఇనయా
7. శ్రీహాన్
8. రేవంత్
9. గీతూ

ఈ తొమ్మిది మందిలో బాగా వీక్ కంటెస్టెంట్ వాసంతి. ఆమె వెళ్లే ఛాన్సులు అధికంగా ఉన్నాయి. ఆమె కాకపతే ఇనయాకు ఎసరు తప్పేలా లేదు.

"Mee aata teeru chusi memu kuda shock lo unnam..." says 👑 Nagarjuna! 😱

Don't miss tonight's exciting episode of #BiggBossTelugu6 on @StarMaa & @DisneyPlusHSTel.@iamnagarjuna #BBLiveOnHotstar #StarMaa #DisneyPlusHotstar pic.twitter.com/6pUkPxj9Jh

— starmaa (@StarMaa) September 24, 2022