Bigg Boss 5 Telugu: ఈ వారం బయటకు వెళ్లేది అతడేనా..?  

రవి, శ్రీరామ్, విశ్వ, సిరి, షణ్ముఖ్, జెస్సీ, ప్రియాంక, కాజల్ లలో అందరూ స్ట్రాంగ్ కంటెస్టెంట్స్ కావడంతో హౌస్ నుంచి ఎవరు బయటకు వెళ్తారనే విషయం ఆసక్తికరంగా మారింది.

ఈ వారం బయటకు వెళ్లేది అతడేనా..?  

బిగ్ బాస్ సీజన్ 5 ఇప్పుడు తొమ్మిది వారాలు పూర్తిచేసుకోబోతుంది. ఎనిమిది వారాలకు గాను మొత్తం ఎనిమిది మంది కంటెస్టెంట్స్ బయటకు వెళ్లారు. ఇక ఈ వారం నామినేషన్స్ లో మొత్తం ఎనిమిది మంది ఉన్నారు. రవి, శ్రీరామ్, విశ్వ, సిరి, షణ్ముఖ్, జెస్సీ, ప్రియాంక, కాజల్ లలో అందరూ స్ట్రాంగ్ కంటెస్టెంట్స్ కావడంతో హౌస్ నుంచి ఎవరు బయటకు వెళ్తారనే విషయం ఆసక్తికరంగా మారింది. అందుతున్న సమాచారం ప్రకారం.. ఈ వారం మేల్ కంటెస్టెంట్ బయటకు వెళ్లబోతున్నారు. ఆయన ఎవరంటే.. విశ్వ. 

హౌస్ లో ఉన్న కంటెస్టెంట్స్ లో విశ్వ ఫిజికల్ గా చాలా స్ట్రాంగ్. ఎలాంటి టాస్క్ ఇచ్చినా.. ప్రాణం పెట్టి ఆడతాడు. కానీ హౌస్ లో మిగిలినవాళ్లతో పోలిస్తే అతడికి ఫాలోయింగ్ కాస్త తక్కువనే చెప్పాలి. సరైన సోషల్ మీడియా ప్రమోషన్స్ కూడా లేవు. శ్రీరామ్, షణ్ముఖ్, రవి, సిరి, కాజల్ ఇలా ప్రతి ఒక్కరూ హౌస్ లోకి వచ్చేముందు సోషల్ మీడియా టీమ్ ను నియమించుకొనే వచ్చారు. అందుకే ఎక్కడ చూసినా.. వీళ్లకు సంబంధించిన పోస్ట్ లు కనిపిస్తుంటాయి. కానీ విశ్వ సంగతి అలా కాదు. 

పైగా ఇంట్లో కూడా అతడు ఫిజికల్ గేమ్స్ లో తప్ప ఇంకెక్కడా కనిపించడు. మొన్నామధ్య ప్రియాంకతో గొడవ పడడంతో వార్తల్లో నిలిచాడే తప్ప.. తన గేమ్ స్ట్రాటజీతో కాదు. ఓటింగ్స్ పరంగా షణ్ముఖ్, రవి టాప్ లో ఉన్నట్లు తెలుస్తోంది. శ్రీరామచంద్రకు కూడా ఓట్లు బాగానే వస్తున్నాయి. సిరి, జెస్సీలకు మోస్తరు ఓట్లు పడుతున్నాయి. ఈ వారం కాజల్, విశ్వలకు తక్కువ ఓట్లు పడ్డాయట. వీరిద్దరిలో తక్కువ ఓట్లు విశ్వకి రావడంతో అతడు ఈ వారం ఎలిమినేట్ అవ్వడం ఖాయమని అంటున్నారు.  

ఇంట్రస్టింగ్‌ వీడియోలు, విశ్లేషణల కోసం ABP Desam YouTube Channel సబ్‌స్క్రైబ్‌ చేయండి