Alluri Movie Teaser: శ్రీవిష్ణును ఇంత పవర్‌ఫుల్‌గా ఏ సినిమాలో చూసుండరు, అల్లూరి టీజర్ అదిరిపోయిందిగా

(Alluri Movie) అల్లూరి సినిమా టీజర్ విడుదలైంది. చూస్తే గూస్ బంప్స్ రావడం ఖాయం.

(Image credit: Instagram)

(Alluri Movie Teaser) అల్లూరి సీతారామరాజు 125వ జయంతి నాడు ‘అల్లూరి’ సినిమా టీజర్ విడుదల చేసింది చిత్ర యూనిట్. ఇందులో అల్లూరి సీతారామరాజుగా శ్రీ విష్ణు నటించారు. ఇదేమో అల్లూరి జీవిత చరిత్ర అనుకుంటున్నారా? కాదు, హీరోకి ఆ పేరు పెట్టారంతే. ఇందులో శ్రీ విష్ణు పవర్ ఫుల్ పోలీసుగా కనిపించబోతున్నాడు. ఒక నిమిషం ఇరవై సెకన్ల నిడివి ఉన్న టీజర్లో శ్రీ విష్ణును చూస్తూ అలా ఉండిపోతారంతా. ఆయన ఇంతవరకు చేసిన సినిమాల్లో ఆకతాయిగా కనిపించాడు, సీరియస్ గా ఉండే క్యారెక్టర్లు చేశారు. కానీ ఇంత పవర్ ఫుల్ పోలీస్ గా చేయలేదు. కోర మీసాలతో టీజర్‌లో ప్రధాన ఆకర్షణగా నిలిచాడు శ్రీవిష్ణు. 

‘ఎక్కడి దొంగలు అక్కడే గప్ చుప్... పోలీస్ బయల్దేరాడు రా’ డైలాగుతో శ్రీ విష్ణు ఎంట్రీని చూపించారు. టీజర్ లో ఎన్నో షాట్లు ఉన్నప్పటికీ ఎవరు విలన్,ఎవర ఏ పాత్ర అనేది రివీల్ కాకుండా జాగ్రత్త పడ్డారు. టీజర్ చూస్తుంటే ఇది ఈనాటి కథ కాదనిపిస్తుంది. ఎప్పుడో 20 లేదా 30 ఏళ్ల క్రితం నాటి పరిస్థితుల నేపథ్యంలో తీసిన కథలా కనిపిస్తుంది. నక్సల్స్ ను కూడా టీజర్లో చూపించారు. దీన్ని బట్టి ఈ కథ 1980 తరువాత 1995 కి ముందు మధ్య సాగే కథ కావొచ్చని భావిస్తున్నారు. ఈ టీజర్లో అన్నీ మగ క్యారెక్టర్లే కనిపించాయి. లేడీ పాత్రలు ఒక్కటి కూడా కనిపించలేదు. హీరోయిన్ లేదేమో అన్న సందేహం కూడా వస్తోంది. 

టీజర్ మాత్రం థ్రిల్లింగ్ గా ఉందని చెప్పవచ్చు. శ్రీ విష్ణు కెరీర్ లో ఈ సినిమా గుర్తుండిపోయే మూవీగా మారే అవకాశం ఉంది. ఈ సినిమాకు హర్షవర్ధన్ బ్యాక్ గ్రౌండ్ స్కోర్ అందించారు. ఇక ప్రదీప్ వర్మ దర్శకత్వం వహించారు. బెక్కం వేణుగోపాల్ నిర్మాతగా వ్యవహరించారు. షూటింగ్ దాదాపు పూర్తయింది. త్వరలోనే విడుదలకు సిద్ధమవుతోంది.  

[yt]

 

 

 

 

 

View this post on Instagram

 

 

 

 

 

 

 

 

 

 

 

A post shared by Sree Vishnu (@sreevishnu29)