Renu Desai: సెకెండ్ మ్యారేజ్ ఎందుకు క్యాన్సిల్ చేసుకున్నానంటే?- అసలు విషయం చెప్పిన రేణు దేశాయ్

Renu Desai: పవన్ కల్యాణ్ మాజీ భార్య రేణు దేశాయ్ రెండో పెళ్లి గురించి ఆసక్తికర విషయాలు చెప్పింది. పిల్లల కోసం సెకెండ్ మ్యారేజ్ క్యాన్సిల్ చేసుకున్నా, పెళ్లి ఆలోచన మాత్రం అలాగే ఉందని వెల్లడించింది.

రేణు దేశాయ్(Photo Credit: Renu Desai/Instagram)

Pawan Kalyan - Renu Desai: పవన్ కల్యాణ్ మాజీ భార్య రేణు దేశాయ్ గురించి తెలుగు సినీ ప్రేక్షకులకు పెద్దగా పరిచయం అవసరం లేదు. పవర్ స్టార్ తో విడాకులు తర్వాత పిల్లలనే ప్రాణంగా భావిస్తూ బతికేస్తోంది. కొడుకు అకీరా నందన్, కూతురు ఆధ్యను అపురూపంగా పెంచుకుంటూ కాలం గడిపేస్తోంది. గత కొద్ది నెలల క్రితం ఓ వ్యక్తిని పెళ్లి చేసుకోవాలి అనుకుంది. నిశ్చితార్థం కూడా జరుపుకుంది. కానీ, చివరి నిమిషంలో ఆ పెళ్లిని క్యాన్సిల్ చేసుకుంది. ఎందుకు ఆ పెళ్లి క్యాన్సిల్ చేసుకోవాల్సి వచ్చిందో తాజాగా రేణు దేశాయ్ వెల్లడించింది.  

రెండో పెళ్లి ఎందుకు క్యాన్సిల్ చేసుకున్నానంటే?- రేణు

ప్రస్తుతం రేణు దేశాయ్, మాస్ మహారాజా రవితేజ హీరోగా నటిస్తున్న ‘టైగర్ నాగేశ్వరరావు’ సినిమాలో ఆమె కీలక పాత్ర పోషిస్తోంది. ఈ నెల 20న ఈ సినిమా విడుదల కానుంది. ఈ మూవీ ప్రమోషన్స్ లో భాగంగా వరుస ఇంటర్వ్యూలు ఇస్తోంది. తాజా ఇంటర్వ్యూలో తన రెండో పెళ్లి గురించి చాలా విషయాలను వెల్లడించింది. “ పవన్ కల్యాణ్ తో విడిపోయే సమయంలో అకీరా, ఆధ్య చాలా చిన్న పిల్లలు. ఆ సమయంలో ఇద్దరిని ఎంతో ప్రేమగా పెంచుకున్నాను. కుటుంబ సభ్యులు, మిత్రులు తనను మళ్లీ పెళ్లి చేసుకోవాలని చెప్పారు. కానీ, మొదట్లో తనకు పెళ్లి చేసుకోవాలి అనిపించలేదు. కొంత కాలం తర్వాత తనకూ ఓ తోడు ఉంటే మంచిది అనిపించింది. వారి మాట ప్రకారం, రెండో పెళ్లికి ఓకే చెప్పాను. నిశ్చితార్థం కూడా జరిగింది. అప్పుడు పాప వయసు 7 సంవత్సరాలు. ఒకవేళ నేను పెళ్లి చేసుకుంటే పాపకు సరిగా సమయం కేటాయిస్తానో? లేదో? అనే అనుమానం కలిగింది. అందుకే, రెండో పెళ్లిని క్యాన్సిల్ చేసుకున్నాను” అని రేణు దేశాయ్ తెలిపింది.

పిల్లల ఆలోచనలు చూస్తుంటే ముచ్చటేస్తుంది- రేణు

తన ఇద్దరు పిల్లలు ఎంతో చక్కటి ఆలోచన విధానాన్ని కలిగి ఉన్నారని చెప్పింది రేణు దేశాయ్. వారి ఆలోచన విధానం చూసి ఒక్కోసారి ముచ్చటేస్తుందని వెల్లడించింది. ఇంత చిన్నవయసులో పెద్ద ఆలోచనలు చేయడం గర్వంగా ఉంటుందని రేణు దేశాయ్ వివరించింది. “ఎవరైనా ఒక వ్యక్తి నచ్చితే, తనతో సుఖసంతోషాలతో ఉంటావు అనిపిస్తే పెళ్లి చేసుకోమని బాబు అకీరా తనకు తరచుగా చెప్తుంటాడు. మరో రెండు మూడు ఏండ్లలో పిల్లలు సెటిల్ అవుతారు. అప్పుడు పెళ్లి గురించి ఆలోచించి నిర్ణయం తీసుకుంటాను” అని రేణు దేశాయ్ వెల్లడించింది.

హేమలత లవణంగా రేణు దేశాయ్

మాస్ మహరాజ్ రవితేజ హీరోగా, వంశీ దర్శకత్వంలో రూపొందుతున్న ప్రతిష్టాత్మక పాన్ ఇండియన్ చిత్రం ‘టైగర్ నాగేశ్వరరావు’. ఇప్పటికే ఈ సినిమాకు సంబంధించి భారీగా అంచనాలు నెలకొన్నాయి. దసరా కానుకగా అక్టోబర్ 20న ఈ సినిమా పలు భాషల్లో విడుదలకానుంది.  ఈ మూవీలో రేణు దేశాయ్  హేమలత లవణం అనే స్ఫూర్తిదాయకమైన పాత్రలో కనిపించబోతోంది. ఇప్పటికే విడుదలైన ఆమె ఫస్ట్ లుక్ పోస్టర్ అందరినీ ఆకట్టుకుంటోంది. ఓ పసిబిడ్డని పట్టుకున్నట్లు ఈ పోస్టర్ లో తను కనిపించింది. అనుపమ్ ఖేర్, రేణు దేశాయ్, జిషు సేన్‌గుప్తా కీలక పాత్రలు పోషిస్తున్నారు.  

ముఖ్యమైన, మరిన్ని ఆసక్తికర కథనాల కోసం ‘టెలిగ్రామ్’లో ‘ఏబీపీ దేశం’లో జాయిన్ అవ్వండి.
Join Us on Telegram: https://t.me/abpdesamofficial