Rashmika Mandanna: భారీగా రెమ్యూనరేషన్ పెంచేసిన రష్మిక - నితిన్ సినిమాకు అన్ని కోట్లా?

Rashmika Mandanna: టాలీవుడ్ స్టార్ హీరోయిన్ లలో రష్మిక మందన్న ఒకరు. ‘పుష్ప’ సినిమా తర్వాత పాన్ ఇండియా లెవల్ లో రష్మికకు క్రేజ్ పెరిగిపోయింది. ఈ సినిమాలో శ్రీవల్లి పాత్రలో నటించన రష్మికకు మంచి గుర్తింపు వచ్చింది. ఆమె ప్రస్తుతం ‘పుష్ప 2’ లో నటిస్తోంది. ఈ సినిమా పై కూడా భారీ అంచనాలే ఉన్నాయి. ఇప్పటికే ఈ మూవీ షూటింగ్ శరవేగంగా జరుగుతోంది. ఇదిలా ఉంటే, రష్మిక మరో క్రేజీ ప్రాజెక్టులో భాగం అయ్యింది. గతంలో నితిన్ హీరోగా వెంకీ కుడుముల దర్వకత్వంలో వచ్చిన ‘భీష్మ’ సినిమాలో హీరోయిన్ గా నటించింది రష్మిక. అయితే మరోసారి నితిన్ తో జతకట్టనుంది ఈ బ్యూటీ. ఈ సినిమాకు కూడా వెంకీ కుడుముల దర్శకత్వం వహిస్తున్నారు. తాజాగా పూజా కార్యక్రమాలతో ఈ మూవీను ప్రాంభించారు. ఈ కార్యక్రమానికి ముఖ్య అతిథిగా మెగాస్టార్ చిరంజీవి హాజరయ్యారు. ఈ సందర్భంగా ఫస్ట్ క్లాప్ కొట్టి మూవీ టీమ్ కు శుభాకాంక్షలు తెలిపారు. 

రెమ్యునరేషన్ పెంచేసిన రష్మిక?

దక్షిణ భారతదేశంలో ఎక్కువ పారితోషికం తీసుకునే హీరోయిన్ లలో రష్మిక మందన్న ఒకరు. అయితే ‘పుష్ప’ సినిమాతో భారీ సక్సెస్ ను అందుకున్న ఈ భామ ఒక్కసారిగా తన రెమ్యూనరేషన్ ను పెంచేసిందట. ఇప్పుడు నితిన్-వెంకీ మూవీ కోసం భారీ మొత్తాన్ని డిమాండ్ చేసినట్లు తెలుస్తోంది. ఈ సినిమా కోసం ఆమె రూ.3 కోట్ల నుంచి 5 కోట్ల వరకూ పారితోషికం అందుకోనున్నట్లు ఇండస్ట్రీలో చర్చ నడుస్తోంది. దీపం ఉన్నప్పుడే ఇల్లు చక్కదిద్దుకోవాలి అనే సామెతను రష్మిక బాగానే ఫాలో అవుతుందని అంటున్నారు ఈ వార్త తెలిసిన మూవీ లవర్స్. ఇప్పటికే ఇండస్ట్రీలో పురుషులతో సమానంగా పారితోషికం అనే వాదనలు ఎక్కువగా వినిపిస్తున్నాయి. పలువురు స్టార్ హీరోయిన్ లు దీనిపై స్పందించారు కూడా. ఈ నేపథ్యంలో రష్మిక ఓ సినిమా కోసం ఇంత భారీ మొత్తంలో పారితోషికం అందుకోవడం విశేషం. అయితే ఈ వార్తల్లో ఎంత నిజం ఉందనేది మూవీ మేకర్స్ నే చెప్పాలి. 

వరుసగా సినిమాలతో ఫుల్ బిజీ..

రష్మిక ప్రస్తుతం వరుస సినిమాల్లో నటిస్తోంది. ఇప్పటికే ‘పుష్ఫ 2’ షూటింగ్ లో బిజీ బిజీ గా గడుపుతోంది. వీటితో పాటు ‘అర్జున్ రెడ్డి’ ఫేమ్ దర్శకుడు సందీప్ వంగా దర్శకత్వంలో తెరకెక్కుతోన్న ‘యానిమల్’ సినిమాలో కూడా హీరోయిన్ గా నటిస్తోంది రష్మిక. ఈ సినిమాలో బాలీవుడ్ స్టార్ నటుడు రణ్ బీర్ కపూర్ హీరోగా నటిస్తున్నారు. ఇప్పటికే ఈ సినిమాకు సంబంధించిన షూటింగ్ మొదలైంది. ఈ సినిమాలు షూటింగ్ జరుగుతుండగానే నితిన్ సినిమాను ఓకే చేసేసింది రష్మిక. తెలుగుతోపాటు ఇతర భాషల్లోనూ వరుసగా సినిమాలు చేస్తోంది. ఈ ఏడాది తమిళ స్టార్ నటుడు విజయ్ ‘వారసుడు’ సినిమాలో హీరోయిన్ గా నటించింది. అలాగే బాలీవుడ్ మూవీ ‘మిషన్ మజ్ను’ లో కూడా చేసింది. ఇక నితిన్ కూడా వరుసగా సినిమాలు చేస్తున్నారు. రీసెంట్ గా ఆయన నటించిన పలు సినిమాలు ప్రేక్షకులను అంతగా ఆకట్టుకోలేదు. దీంతో తనకు ‘భీష్మ’ లాంటి హిట్ అందించిన వెంకీ కుడుములను నమ్ముకున్నారు నితిన్. మరి ఈ మూవీతో ఎలాంటి హిట్ అందుకుంటారో చూడాలి. 

Also Read : విడాకులకు నాగ చైతన్యే కారణమా? సమంత మాటలకు అర్థం ఏమిటి?