Actress Anjali Emotional: ఆ సీన్లు ఒక్కోసారి హద్దులు దాటతాయి - చాలా బాధ కలుగుతుంది: అంజలి

నటి అంజలి ఓ ఇంటర్వ్యూలో మాట్లాడుతూ సినిమాల్లో రొమాంటిక్ సీన్స్‌లో నటించడం కష్టమా? లేదా ముద్దు సీన్స్ లో నటించడం కష్టమా? అని అడిగిన ప్రశ్నలకు అంజలి ఆసక్తికరమైన సమాధానాలు చెప్పింది.

Image Credit: Anjali/Instagram

టాలీవుడ్ బ్యూటీ అంజలి గురించి పెద్దగా పరిచయం చేయాల్సిన అవసరం లేదు. ఆమె నటించింది కొన్ని సినిమాలే అయినా తన నటన అభినయంతో ప్రేక్షకులకు బాగా దగ్గరైంది. తమిళంలో వచ్చిన ‘కత్తరదు తమిళ్’ సినిమాతో ఇండస్ట్రీలోకి ఎంట్రీ ఇచ్చిన ఈ టాలీవుడ్ బ్యూటీ.. ఆ తర్వాత తెలుగులో కూడా పలు సూపర్ హిట్ సినిమాల్లో నటించింది. ప్రస్తుతం పలు సినిమాలు, వెబ్ సిరీస్ లలో నటిస్తూ బిజీగా ఉంది. ఆమె ఇటీవల నటించిన వెబ్ సిరీస్ ‘ఫాల్’ ఓటీటీలో స్ట్రీమింగ్ అవుతోంది. అయితే ఇటీవల అంజలి ఓ ఇంటర్వ్యూలో పాల్గొంది. ఈ సందర్బంగా యాంకర్.. సినిమాల్లో ఇంటిమేట్ సీన్స్ లలో నటించడం కష్టమా? లేదా ముద్దు సీన్స్ లో నటించడం కష్టమా? అని అడిగిన ప్రశ్నలకు అంజలి ఆసక్తికరమైన సమాధానాలు చెప్పుకొచ్చింది. ప్రస్తుతం ఆ ఇంటర్వ్యూ వీడియో సోషల్ మీడియాలో ట్రెండ్ అవుతోంది. 

యాంకర్ అడిగిన ప్రశ్నలకు అంజలి సమాధానాలు చెప్తూ.. ఇంటిమేట్ సీన్స్ లలో నటించడమే కష్టమని అంజలి చెప్పింది. తాను అన్ని సీన్స్ లలో నటించగలను అని అనుకుంటానని, అయితే ఇంటిమేట్ సీన్స్ విషయానికొచ్చేసరికి అది ఒక్కోసారి హద్దులు దాటిపోయే సందర్భాలు కూడా ఎదురవుతాయని చెప్పింది. అలా జరిగినపుడు చాలా బాధ కలుగుతుందని, ఒక్కోసారి సీన్ చేసిన తర్వాత కారవ్యాన్ లో కూర్చొని ఏడ్చేదాన్నని అంది. అయితే తన అంగీకారంతోనే షూట్ జరుగుతుందని తెలిపింది. సీన్ పండటం కోసం అలా నటించక తప్పదని పేర్కొంది. 

అలాగే తర్వాత ముద్దు సీన్ లు గురించి మాట్లాడుతూ.. కొన్ని సార్లు అలాంటి సన్నివేశాలు మనల్ని రెచ్చగొట్టేలా ఉంటాయని, అప్పుడు కొంచెం ఇబ్బందిగా ఉంటుందని చెప్పింది. అయితే మనతో నటించే వ్యక్తులు ఆ స్థాయికి మించి నటించరని, కానీ అందరి ముందూ అలా చేయడానికే ఒక్కోసారి ఆలోచించాల్సి వస్తుందని తెలిపింది. షూటింగ్ జరిగేటప్పుడు ఎంత తక్కువ అనుకున్నా సూమారు 15 మంది వరకూ సెట్ లో మన చుట్టూ ఉంటారని చెప్పుకొచ్చింది అంజలి.

తన రిలేషన్షిప్ గురించి మాట్లాడుతూ గతంలో తాను రిలేషన్షిప్ లో ఉన్నానని అయితే అది తాను ఊహించుకున్నంత అందంగా లేదని అంది. కానీ తాను ఎప్పుడూ ఎవరితో రిలేషన్షిప్ లో ఉన్నాను అనే విషయాన్ని ఎక్కడా చెప్పలేదని చెప్పింది. అయితే గతంలో అంజలి ‘జర్నీ’ సినిమాలో తనతో కలసి నటించిన నటుడు జైతో రిలేషన్షిప్ లో ఉందనే టాక్ వచ్చింది. కానీ కొన్నాళ్ల తర్వాత వాళ్లు బ్రేకప్ చేసుకున్నట్లు వార్తలొచ్చాయి. అప్పటి నుంచి అంజలి సింగిల్ గానే ఉంటోంది.

అంజలి ప్రస్తుతం వరుసగా సినిమాలు, వెబ్ సిరీస్ లతో దూసుకుపోతోంది. అయితే ఈ ఏడాది తెలుగులో మాత్రం అంజలి అంత చెప్పుకోదగిన సినిమాలు ఏమీ చేయలేదు. నితిన్ హీరోగా నటించిన ‘మాచర్ల నియోజకవర్గం’ సినిమాలో ఓ ఐటమ్ సాంగ్ లో కనిపించి ఆకట్టుకుంది. తాజాగా స్టార్ దర్శకుడు శంకర్ దర్శకత్వంలో తెరకెక్కుతోన్న RC-15లో ఓ కీలక పాత్రలో నటిస్తోంది. ఈ సినిమాలో రామ్ చరణ్ హీరోగా నటిస్తుండగా కైరా అద్వానీ హీరోయిన్ గా కనిపించనుంది. ప్రముఖ నిర్మాత దిల్ రాజు ఈ మూవీను ప్రతిష్టాత్మకంగా నిర్మిస్తున్నారు. 2023లో ఈ మూవీ ప్రేక్షకుల ముందుకు రానుంది.