BJP Manifesto UP Election: యూపీ మేనిఫెస్టో విడుదల చేసిన భాజపా.. యువత, రైతులు, మహిళలపై వరాల జల్లు

ఉత్తర్‌ప్రదేశ్‌ అసెంబ్లీ ఎన్నికల కోసం భారతీయ జనతా పార్టీ మేనిఫెస్టో విడుదల చేసింది. 'లోక్‌ కల్యాణ్ సంకల్ప పత్రం' పేరుతో విడుదల చేసిన ఈ మేనిఫెస్టోలో రైతులు, నిరుద్యోగులకు వరాలజల్లు కురిపించింది భాజపా. లఖ్‌నవూలోని ఇందిరా గాంధీ ప్రతిష్ఠాన్‌లో జరిగిన జన సభలో మేనిఫెస్టోను విడుదల చేశారు.

Koo App

सशक्त होगी नारी, कंधे से कंधा मिलाएगी भाजपा फिर से जो कहेगी, कर के दिखाएगी #भाजपा_का_संकल्प

View attached media content

- भाजपा उत्तर प्रदेश (@BJP4UP) 8 Feb 2022

కేంద్ర హోంమంత్రి అమిత్ షా.. ఈ మేనిఫెస్టోను విడుదల చేశారు. యూపీ సీఎం యోగి ఆదిత్యనాథ్, కేంద్రమంత్రులు ధర్మేంద్ర ప్రదాన్, అనురాగ్ ఠాకూర్  యూపీ డిప్యూటీ సీఎం కేశవ్ ప్రసాద్ మౌర్య సహా యూపీ భాజపా చీఫ్ స్వతంత్ర దేవ్ సింగ్ సమక్షంలో ఈ కార్యక్రమం జరిగింది. 

ఏముంది?

• ప్రధానమంత్రి కిసాన్ సమ్మాన్ నిధి (పీఎంకిసాన్) కింద భూములు లేని రైతులకు ఇచ్చే ఆర్థిక సాయాన్ని రెట్టింపు చేయనున్నట్లు పేర్కొంది. ప్రస్తుతం ఏడాదికి రూ.6 వేలు రైతుల ఖాతాలో వేస్తోంది సర్కార్.
• గోధుమ, వరి పంటకు కనీస మద్దతు ధర.
• మహిళా ఓటర్లపై వరాల జల్లు కురిపించింది కాషాయ పార్టీ. అధికారంలోకి వస్తే విద్యార్థినుల, ఉద్యోగం చేసే మహిళలకు స్కూటీలు పంపిణీ చేస్తామని హామీ ఇచ్చింది. అలానే విద్యార్థినులకు యూపీఎస్‌సీ, పీఎస్‌సీ పరీక్షలకు ఉచితంగా కోచింగ్ ఇప్పిస్తామని వాగ్దానం చేసింది.
• అలానే విద్యార్థులకు ల్యాప్‌టాప్‌లు పంపిణీ చేస్తామని తెలిపింది. ప్రస్తుత పరిస్థితుల్లో ఆన్‌లైన్ బోధన ఎక్కువగా ఉండటంతో ఇవి వారికి ఉపయోగపడతాయని అభిప్రాయపడింది.
• నిరుద్యోగులకు ఉద్యోగాలు కల్పిస్తామని పేర్కొంది. కనీసం ఒక్క ఇంట్లో ఒక్క ఉద్యోగం ఇస్తామని హామీ ఇచ్చింది.
• ఉజ్వల యోజన కింద వినియోగదారులకు ఏడాదిలో 3 సిలిండర్లు ఉచితంగా అందిస్తామని వాగ్దానం చేసింది.
• అలానే శ్రీకృష్ణ జన్మభూమి ఆలయాన్ని పునరుద్ధరణ చేస్తామని హామీ ఇచ్చింది భాజపా. 

ఉత్తర్​ప్రదేశ్​ ఎన్నికల కోసం ఫిబ్రవరి 7న ఉదయం 10.15 గంటలకు మేనిఫెస్టోను విడుదల చేస్తామని భాజపా నిశ్చయించుకుంది. కానీ లతా మంగేష్కర్ మృతి నేపథ్యంలో విడుదలను నిలిపివేస్తున్నట్లు ఉత్తర్​ప్రదేశ్ భాజపా అధ్యక్షుడు స్వతంత్ర దేవ్ సింగ్ ప్రకటించారు. 

ఉత్తర్‌ప్రదేశ్‌ అసెంబ్లీ ఎన్నికలు 7 విడతల్లో జరగనున్నాయి. మొదటి విడత ఎన్నికలు ఫిబ్రవరి 10న జరగనుంది. మార్చి 10న ఫలితాలు ప్రకటించనున్నారు.

Also Read: Cancer: టీ, కాఫీలు మరీ వేడిగా తాగుతున్నారా? ఆ క్యాన్సర్ వచ్చే అవకాశం ఎక్కువంటున్న అధ్యయనం

Also Read: Boycott KFC Trending: కెఎఫ్‌సిని ఎందుకు బాయ్‌కాట్ చేయమంటున్నారు? అసలేం జరిగింది?