TG EAPCET: టీజీ ఎప్‌సెట్, పీజీ ఈసెట్‌ పరీక్ష తేదీలు ఖరారు, ఎప్పటి నుంచి ఎప్పటివరకంటే?

TG EAPCET 2025: తెలంగాణలో అగ్రికల్చర్, ఫార్మా, ఇంజినీరింగ్‌ కోర్సుల్లో ప్రవేశాలకు నిర్వహించే టీజీఎప్‌సెట్ 2025 నోటిఫికేషన్ ఫిబ్రవరి 20న విడుదల కానుంది. ఫిబ్రవరి 22 నుంచి దరఖాస్తులు స్వీకరించనున్నారు.

టీజీ ఎప్‌సెట్ 2025 పరీక్ష తేదీలు

Source : TS_EAPCET_Exam_Date_2025

TG EAPCET 2025 Schedule: తెలంగాణలో 2025-26 విద్యాసంవత్సరానికి వివిధ కోర్సుల్లో ప్రవేశాల కోసం నిర్వహించే ఎప్‌సెట్(TG EAPCET Schedule) ఖరారైంది. అయితే ఎప్‌సెట్ పరీక్ష నిర్వహణకు సంబంధించి ఉన్నత విద్యామండలి వెల్లడించింది. దరఖాస్తు చేసుకోవడానికి రిజిస్ట్రేషన్ ఫీజు ఇతర వివరాలతో కూడిన వివరణాత్మక నోటిఫికేషన్‌ను సంబంధిత సెట్ కన్వీనర్ ప్రకటిస్తారు. టీజీ ఎప్‌సెట్-2025 (TG EAPCET Notification) ఫిబ్రవరి 20న నోటిఫికేషన్‌ విడుదల కానుంది. 

తెలంగాణ ఎప్‌సెట్ షెడ్యూలు ఇదే..
ఈ షెడ్యూలు ప్రకారం ఫిబ్రవరి 22 నుంచి దరఖాస్తులు స్వీకరించనున్నారు. ఏప్రిల్ 29 నుంచి మే 5 వరకు  టీజీఎప్‌సెట్ (TG EAPCET 2025) పరీక్షలు నిర్వహించనున్నారు. ఇందులో ఏప్రిల్ 29, 30 తేదీల్లో అగ్రికల్చర్, ఫార్మా కోర్సుల్లో ప్రవేశాలకు; మే 2 నుంచి 5 వరకు ఇంజినీరింగ్‌ ప్రవేశాల కోసం పరీక్షలు నిర్వహించనున్నారు. జేఎన్‌టీయూ హైదరాబాద్ పరీక్షల నిర్వహణ బాధ్యతను చేపట్టంది. ఈఏపీసెట్ కన్వీనర్‌గా ప్రొఫెసర్ బి. డీన్ కుమార్ వ్యవహిరించనున్నారు. 

పీజీ ఈసెట్ షెడ్యూల్ ప్రకారం..
తెలంగాణ పీజీ ఈసెట్- 2025 షెడ్యూల్‌ను ఉన్నత విద్యా మండలి ప్రకటించింది. మార్చి 12న నోటిఫికేషన్‌ జారీ చేయనున్నారు. మార్చి 17 నుంచి 19 వరకు దరఖాస్తులు స్వీకరించనున్నారు. ఎంటెక్, ఎంఫార్మసీ కోర్సుల కోసం జూన్ 16 నుంచి 19 వరకు పీజీఈసెట్ (PG ECET) నిర్వహించనున్నారు. జేఎన్టీయూహెచ్ నిర్వహించే పీజీఈసెట్ కన్వీనర్‌గా ప్రొఫెసర్ ఎ.అరుణ కుమారి వ్యవహరించనున్నారు.

ముఖ్యమైన తేదీలు..

✦ టీజీ ఎప్‌సెట్ నోటిఫికేషన్ వెల్లడి: 20.02.2025.

✦ ఆన్‌లైన్ దరఖాస్తు ప్రక్రియ ప్రారంభం: 25.02.2025. 

✦ ఆన్‌లైన్ దరఖాస్తుకు చివరి తేదీ: 04.04.2025. 

పరీక్ష తేదీలు..

✦ అగ్రికల్చర్ & ఫార్మసీ:  29.04,2025 &30.04,2025.

✦ ఇంజినీరింగ్‌: 02.05.2025 నుంచి 05.05.2025 వరకు.

తెలంగాణ ఐసెట్-2025 షెడ్యూలు ఇలా..
ఎంబీఏ, ఎంసీఏ కోర్సుల్లో ప్రవేశాల కోసం జూన్ 8, 9 తేదీల్లో ఐసెట్ (TG ICET) పరీక్ష నిర్వహించనున్నారు. ఐసెట్‌ను నల్గొండలోని మహాత్మగాంధీ యూనివర్సిటీ నిర్వహించనుంది. ఐసెట్ కన్వీనర్‌గా ప్రొఫెసర్ అలువాల రవి వ్యవహరించనున్నారు.

తెలంగాణలో ఇతర పరీక్షల షెడ్యూలు ఇలా..

➥ బీఈడీ ప్రవేశాల కోసం జూన్ 1న ఎడ్ సెట్ జరగనుంది. కాకతీయ యూనివర్సిటీ నిర్వహించే ఎడ్‌సెట్ (TG EDCET) కన్వీనర్‌గా కేయూ ప్రొఫెసర్ బి.వెంకట్రామిరెడ్డి వ్యవహరించనున్నారు.

➥ ఎల్‌ఎల్‌బీ ప్రవేశాల కోసం లాసెట్, ఎల్ఎల్ఎం కోసం పీజీఎల్ సెట్ పరీక్షలు జూన్ 6న నిర్వహిస్తారు. లాసెట్, పీజీఎల్ సెట్  (TG LAWCET/ PGLCET)నిర్వహణ బాధ్యతలు ఉస్మానియా విశ్వవిద్యాలయానికి అప్పగించి.. కన్వీనర్‌గా ప్రొఫెసర్ బి.విజయలక్ష్మి వ్యవహరించనున్నారు.

➥ ఎంటెక్, ఎంఫార్మసీ కోర్సుల కోసం జూన్ 16 నుంచి 19 వరకు పీజీఈసెట్ (PG ECET) నిర్వహించనున్నారు. జేఎన్టీయూహెచ్ నిర్వహించే పీజీఈసెట్ కన్వీనర్‌గా ప్రొఫెసర్ ఎ.అరుణ కుమారి వ్యవహరించనున్నారు.

➥ వ్యాయామ విద్య(ఫిజికల్ ఎడ్యుకేషన్) కోర్సులు డీపీఈడీ, బీపీఈడీ కోర్సుల్లో ప్రవేశాల కోసం జూన్ 11 నుంచి 14 వరకు పీఈసెట్ (TG PECET) నిర్వహిస్తారు. పాలమూరు యూనివర్సిటీ నిర్వహించే పీఈసెట్ కన్వీనర్‌గా ప్రొఫెసర్ ఎన్.ఎస్.దిలీప్ ఉన్నారు. పీఈసెట్ మినహా మిగతా ఎంట్రన్స్‌లన్నింటినీ ఆన్‌లైన్ విధానంలో నిర్వహించనున్నారు. 

ప్రవేశ పరీక్ష	పరీక్ష తేదీ	కన్వీనర్	యూనివర్సిటీ
ఈఏపీసెట్	ఏప్రిల్ 29 నుంచి మే 5 వరకు	బి. డీన్ కుమార్	జేఎన్‌టీయూహెచ్
ఈసెట్	మే 12	చంద్రశేఖర్	ఉస్మానియా యూనివర్సిటీ
ఎడ్‌సెట్	జూన్ 1న	బి.వెంకట్రామిరెడ్డి	కాకతీయ యూనివర్సిటీ
లాసెట్, పీజీఎల్ సెట్	జూన్ 6న	బి.విజయలక్ష్మి	ఉస్మానియా యూనివర్సిటీ
ఐసెట్	జూన్ 8, 9 తేదీల్లో	అలువాల రవి	మహాత్మగాంధీ యూనివర్సిటీ
పీజీఈసెట్	జూన్ 16 నుంచి 19 వరకు	ఎ.అరుణ కుమారి	జేఎన్టీయూహెచ్
పీఈసెట్	జూన్ 11 నుంచి 14 వరకు	ఎన్.ఎస్.దిలీప్	పాలమూరు యూనివర్సిటీ