Telangana Education System: తెలంగాణలో విద్యా సంస్కరణలు.. వచ్చే ఏడాది నుంచి 10+2 విధానం అమలు

revanth reddy

Source : PTI

హైదరాబాద్: తెలంగాణ విద్యా వ్యవస్థలో సంస్కరణలకు రాష్ట్ర ప్రభుత్వం చర్యలు చేపట్టింది. వచ్చే విద్యా సంవత్సరం నుంచి రాష్ట్రంలో 10+2 విధానాన్ని అమలు చేయాలని ప్రభుత్వం కీలక నిర్ణయం తీసుకుంది. విద్యాశాఖపై బుధవారం నిర్వహించిన ఉన్నత స్థాయి సమీక్షా సమావేశంలో సీఎం రేవంత్ రెడ్డి ఇందుకు అవసరమైన చర్యలు వేగవంతం చేయాలని అధికారులను ఆదేశించారు. ప్రస్తుత రోజుల్లో అవసరాలకు తగినట్లుగా రాష్ట్రంలో విద్యా విధానాన్ని మార్చాల్సిన అవసరం ఉందని, నాణ్యమైన విద్యను అందించడమే ప్రభుత్వ ప్రాథమిక ప్రాధాన్యత అని సీఎం రేవంత్ రెడ్డి స్పష్టం చేశారు. ఏ ఒక్క విద్యార్థికి నష్టం జరగకుండా నర్సరీ నుంచి టెన్ ప్లస్ టూ విధానం అమలు చేసేందుకు చర్యలు తీసుకోవాలని అధికారులను ఆదేశించారు.

నూతన విద్యా విధానం.. క్లాసుల వర్గీకరణ

తెలంగాణలో నూతన విద్యా విధానంలో విద్యార్థులకు బోధన అందించేందుకు తరగతుల వర్గీకరణను సూచించారు. నర్సరీ నుంచి 4వ తరగతి వరకు ప్రాథమిక విద్యగా నిర్ణయించారు. 5వ తరగతి నుండి 8వ తరగతి వరకు సెకండరీ విద్యగా సీఎం రేవంత్ రెడ్డి పేర్కొన్నారు. ఆపై 9వ తరగతి నుంచి ఇంటర్మీడియట్ (+2) వరకు ఉన్నత విద్యగా పరిగణించాలని అధికారులను సీఎం రేవంత్ రెడ్డి ఆదేశించారు. ముఖ్యంగా +2 స్థాయిలో విద్యార్థులలో నైపుణ్య అభివృద్ధి (Skill Development) పై ఫోకస్ చేస్తామని తెలిపారు.

(ఇది బ్రేకింగ్ న్యూస్. ప్రస్తుతం దీనిని అప్‌డేట్ చేస్తున్నాం. లేటేస్ట్ అప్‌డేట్‌ కోసం రిఫ్రెష్ చేయండి)